1 Yoanne 4:7 - Baibuli Ekibono kya Katonda 2014

⁷ Bakagwa, tugonzanienga, kuba okugonza kuva mu Katonda era agonza azaalibwa Katonda era aidhi Katonda.

1 Yoanne 4:7 ပူးပေါင်းရင်းမြစ်များ

Yoanne 13:34

Mbagha ekiragiro ekiyaaka: Mugonzanienga. Nga nze bwe nabagonza, mwena mugonzanienga mutyo.

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

1 Ab'e Korintho 8:3

Aye omuntu bw'agonza Katonda, Katonda amumanha.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Ab'e Galatia 4:9

Aye mperaano nga bwe mwidhi Katonda, oba ka nkobe nga Katonda bw'abaidhi, musobola mutya kabiri okwiramu okufugibwa emisambwa egy'oku nsi kuno, eminafu era egizira kye gigasa? Mwenda kabiri mube bairu ba bintu ng'oti n'ebyo?

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Amateeka Agokubiri 30:6

Musengwa Katonda waimwe alireetera emyoyo gyaimwe n'egya baidhukulu baimwe abaliiragho okuba emigonvu, mwamugonza n'omutima gwaimwe gwonagwona era n'omwoyo gwaimwe gwonagwona, memale mwaba abalamu.

2 Timotheo 1:7

kuba Mwoyo Katonda y'atugha ti wa kutya, aye n'oyo atwidhuza amaani, okugonzania, n'okwefuga.

1 Petero 1:22

Nga bwe mwamala okutukuza emyoyo gyaimwe nga mugondera amazima, ni mugonzania ng'aboluganda, mweyongere okugonzania n'omwoyo oguziramu buguya.

1 Yoanne 2:10

Ole agonza muganda we aba mu butangaavu era mu oyo muzira kitimuguunha.

1 Yoanne 2:29

Oba nga mwidhi muti oyo mutuufu, era mumanhe muti kiisi akola eby'obutuufu aba mwana we.

1 Yoanne 2:3

Bwe tugema ebiragiro bya Katonda tuba tukakasa nga tumwidhi.

1 Yoanne 2:4

Oyo akoba ati mmwidhi aye nga tagema biragiro bye, omuntu oyo aba muguya era taba wa mazima.

1 Yoanne 2:7

Bakagwa, tibaghandiikira kiragiro kiyaaka, aye ekiragiro eky'eira kye mwagheebwa ku kwinhama kwene. Ekiragiro eky'eira n'ekibono kye mwawulira.

1 Yoanne 3:9

Kiisi Mwana wa Katonda, takola kibi kuba aba alimu omusaayi gwa Katonda, era taghanga kukola kibi kuba azaalibwa Katonda.

1 Yoanne 4:11

Bakagwa, oba nga Katonda yatugonza obwaga agho, ife twena tuteekwa okugonzania.

1 Yoanne 4:12

Ghazira muntu yaali aboine ku Katonda, aye bwe tugonzania Katonda aba mu ife era okugonza kwe kutuukirira mu ife.

1 Yoanne 4:16

Twidhi era twikiriza okugonza kwa Katonda okuli mu ife. Katonda aba kugonza, era yeenayeena aba mu kugonza aba mu Katonda era ni Katonda yaamubaamu.

1 Yoanne 4:20

Omuntu yeenayeena bw'akoba ati agonza Katonda ate ng'akyagha muganda we, aba muguya kuba atagonza muganda we y'abonaku taghanga kugonza Katonda y'atabonangaku.

1 Yoanne 4:8

Atagonza, aba taidhi Katonda kuba Katonda aba kugonza.

1 Yoanne 5:1

Kiisi aikiriza ati Yesu ni Kurisito aba ng'azaalibwa Katonda, era kiisi agonza omuzaire agonza ni y'azaala.

2 Yoanne 1:5

Ka nkusabe, omukyala omulonde, nga tiri kukughandiikira kiragiro kiyaaka, aye ekyo kye twali nakyo okuviira irala mu kwinhama nti: Tugonzanienga.