1 Yoanne 4:4 - Baibuli Ekibono kya Katonda 2014

⁴ Baana bange muli ba Katonda, abo abalanzi abaguya mwabaghangula, kuba ali mu imwe asinga ali mu nsi.

1 Yoanne 4:4 ပူးပေါင်းရင်းမြစ်များ

Yoanne 12:31

Kino n'ekiseera okusalira ensi omusango, mperaano abaire afuga ensi eno aja kubingibwa.

Yoanne 14:30

Tiidha kwogera bintu kamaala n'imwe kuba omufuzi ow'ensi eno ali kwidha. Aye nze tanfuga.

Yoanne 16:11

Aligirumiriza ku bigema ku kusalirwa omusango, kuba afuga ensi eno yamala ira okusalirwa omusango.

Yoanne 17:23

Nze mbabeemu weena obe mu nze memale olwo babeere irala ekitole, n'ensi emanhe nga niiwe owantuma era ng'obagonza nga bw'ongonza.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

Ab'e Roma 8:37

Aye mu ebyo byonabyona tughangulira irala ku lw'oyo eyatugonza

1 Ab'e Korintho 2:12

Mwoyo ye twafuna ti wa nsi eno aye ni Mwoyo ava ye Katonda, tusobole okumanha ebirabo Katonda bye yatugha.

1 Ab'e Korintho 6:13

Owundi yaakoba ati: “Emere yakolerwa mabunda, ate amabunda gaakolerwa mere.” Aye Katonda alibitoolagho byombi. Omubiri tigwakolerwa bwenzi aye gwakolerwa okugheereza Musengwa, era Musengwa ni mwene mubiri.

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

2 Ab'e Korintho 6:16

Eisinzizo lya Katonda liisania litya n'ebyo ebisinzibwa ebitali Katonda? Kuba ife, niife eisinzizo lya Katonda Omulamu, era nga Katonda mwene bw'akoba ati: “Ndidha kubanga mu bantu bange, era mu abo mwe naatambuliranga Ndidha kubanga Katonda waibwe, boona baidha kubanga bantu bange.”

Ab'Efeso 2:2

bye mwalimu nga mujiira ku bantu b'ensi nga bwe bakola, nga mufugibwa omukulu ow'emizimu egy'omu ibbanga, buti egikolera mu abo abatawulira Katonda.

Ab'Efeso 3:17

Kurisito abe mu myoyo gyaimwe olw'okwikiriza kwaimwe. Musimbire irala emizi mu kugonza era mukalangukiremu.

Ab'Efeso 6:10

Ekisembayo, mube bagumu mu Musengwa, n'obuyinza bwe obw'amaani.

1 Yoanne 2:1

Baana bange, mbaghandiikira ebintu bino mulobe kwonoona. Aye omuntu yeenayeena bw'akola ekibi, tuli n'omubeezi ye Lata, ni Yesu Kurisito omutuufu.

1 Yoanne 2:13

Mbaghandiikira, imwe abasaadha abakulu, kuba mumwidhi oyo eyaligho okuviira irala ku kwinhama. Mbaghandiikira imwe abaisuka, kuba mughangwire omubi.

1 Yoanne 3:20

Buli emyoyo gyaife lwe gitulumiriza, tumanha nga Katonda n'asinga emyoyo gyaife era ng'aidhi buli kintu.

1 Yoanne 3:24

Oyo yeenayeena agema ebiragiro bya Katonda aba mu Katonda ni Katonda yaamubaamu. Kye tumanhiraku ng'ali mu ife, ni Mwoyo ye yatugha.

1 Yoanne 4:13

Kuno kwe tumanhira nga tuli mu oyo era nga yeena ali mu ife, kuba yatughaaku ku Mwoyo we.

1 Yoanne 4:16

Twidhi era twikiriza okugonza kwa Katonda okuli mu ife. Katonda aba kugonza, era yeenayeena aba mu kugonza aba mu Katonda era ni Katonda yaamubaamu.

1 Yoanne 4:6

Ife tuli ba Katonda, aidhi Katonda atuwulirisa era atali wa Katonda tatuwulirisa. Ekyo kye tumanhiraku Mwoyo ow'amazima ni mwoyo omuguya.

1 Yoanne 5:19

Twidhi nga tuli ba Katonda era ng'ensi yoonayoona eri mu mikono gy'Omubi.

1 Yoanne 5:4

Oyo yeenayeena azaalibwa Katonda aghangula ensi, ate okwikiriza kwaife n'obughanguzi obughangula ensi.

Okwolekebwa 12:11

Abo baamughangula n'omusaayi ogw'Entaama Ento n'olwamazima ge badhulira, obulamu bwaibwe baaloba kubufaaku waire okutya okufa.