1 Yoanne 4:12 - Baibuli Ekibono kya Katonda 2014

¹² Ghazira muntu yaali aboine ku Katonda, aye bwe tugonzania Katonda aba mu ife era okugonza kwe kutuukirira mu ife.

1 Yoanne 4:12 ပူးပေါင်းရင်းမြစ်များ

Amainhama 32:30

Yakobo yaatuuma ekifo ekyo eriina Penieli, ng'akoba ati: “Mbonagaine ni Katonda maiso ku maiso, aye naasigala nga nkaali mulamu.”

Okuvaayo 33:20

Aye toidha kumbona mu maiso, kuba omuntu tasobola kumbona mu maiso n'asigala nga mulamu.

Okubala 12:8

Oyo ndhogera naye butereevu maiso ku maiso, se ti mu bikoiko. Era ambona bukalamu nga bwe nfaanana. Kale mukana mutya ni mwemuluguunhiza omugheereza wange oyo Musa?”

Yoanne 1:18

Ghazira eyaali aboine ku Katonda. Aye Omwana we omulala bedengedenge aba aghalala n'Ise, n'amwoleka abantu ni bamumanha.

1 Ab'e Korintho 13:13

Mperaano ghaligho ebintu bisatu: okwikiriza, okusuubira n'okugonza aye ekisinga bino obukulu, kugonza.

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

1 Timotheo 6:16

Ni yenka atafa era aba mu butangaavu obutaseetekaku, ghazira yaali amuboine, era ghazira aghanga kumubona. Aisibwengamu ekitiisa era afugenga ebyanda n'ebyanda. Amiina.

Abaheburayi 11:27

Okwikiriza n'okwaleetera Musa okuva e Misiri, n'atatya kiruyi kya kyabazinga ng'ali ng'oti abonera irala Katonda ataboneka, yaaguma.

1 Yoanne 2:5

Aye kiisi awulira ekibono kye, bwenebwene, mu oyo okugonza kwa Katonda kuba kutuukiriire. Okwo kwe tumanhira nga tuli mu oyo.

1 Yoanne 3:24

Oyo yeenayeena agema ebiragiro bya Katonda aba mu Katonda ni Katonda yaamubaamu. Kye tumanhiraku ng'ali mu ife, ni Mwoyo ye yatugha.

1 Yoanne 4:16

Twidhi era twikiriza okugonza kwa Katonda okuli mu ife. Katonda aba kugonza, era yeenayeena aba mu kugonza aba mu Katonda era ni Katonda yaamubaamu.

1 Yoanne 4:20

Omuntu yeenayeena bw'akoba ati agonza Katonda ate ng'akyagha muganda we, aba muguya kuba atagonza muganda we y'abonaku taghanga kugonza Katonda y'atabonangaku.

1 Yoanne 4:6

Ife tuli ba Katonda, aidhi Katonda atuwulirisa era atali wa Katonda tatuwulirisa. Ekyo kye tumanhiraku Mwoyo ow'amazima ni mwoyo omuguya.