1 Yoanne 3:4 - Baibuli Ekibono kya Katonda 2014

⁴ Yeenayeena akola ekibi amenha amateeka, kuba ekibi n'obumenhi obw'amateeka.

1 Yoanne 3:4 ပူးပေါင်းရင်းမြစ်များ

1 Bakyabazinga 8:47

aye ni bamala beerowooza nga bali eyo mu nsi ye baatwalibwa ng'abanhage, ni beenenia era ni bakweghemba bati, ‘Twayonoona, twadaaliima era twakola ebibi’, wuliranga okusaba kwaibwe.

1 Ebyomubyanda 10:13

Kale Saulo yaafa atyo, olw'obutaba mwesigwa eri Musengwa Katonda. Yaloba okukola ebyo Musengwa Katonda bye yamulagira, yaira mu kweraguza ku basamize,

2 Ebyomubyanda 24:20

Agho omwoyo gwa Katonda gwaidha ku Zekaria mutabane wa Yehoiada kabona. Yaayemerera ghaigulu abantu ghe bamubonera obukalamu, yaakoba ati: “Musengwa Katonda akoba ati, lwaki mudheemera ebiragiro bye, ni mwereetera akabi? Nga imwe bwe mwava ku Musengwa Katonda oyo, yeena abalekuliire agho.”

Isaia 53:8

Baamutoolagho, baamutwala okumusalira omusango mu kusaliriza. Ghazira yalowooza ku buzaale bwe, aye yaitibwa bwitibwe yaatoolebwa mu nsi ey'abalamu. Ekyo kyamutuukaku olw'ebibi by'abantu baife.

Danieli 9:11

Abaisiraeli boonaboona baamenha amateeka go era baakyuka baakuvaaku, baaloba kugondera by'okoba. Olw'okuba twakola ebibi y'oli, kye wava n'otutuusaaku ebikolimo bye weerayirira okutusindikira, ebyaghandiikibwa mu mateeka ga Musa omugheereza wo.

Okubala 15:31

Olw'okuba aba ng'anhoomye ekibono kyange nze Musengwa Katonda era ng'amenhie eiteeka lyange, omuntu oyo aba nga takaabalirwa mu bantu bange naire, era aba nga yeereeteire mwene omusango okumusinga.”

Matayo 5:19

Kale oyo yeenayeena alimenha ekirala ku biragiro bino ebitonioli, era n'ayegeresa atyo abantu, alyetebwa asembayo mu Bwakyabazinga obw'omu igulu aye oyo abigema era n'abyegeresa, alyetebwa wa kitiisa mu Bwakyabazinga obw'omu igulu.

Ebikolwa by'Abatume 23:3

Paulo yaakoba ati: “Iwe ekisenge ekyabbaakibwa erangi endheru, Katonda alikukuba. Otyaime okunsalira omusango ng'Amateeka bwe gakoba, kabiri waalagira okunkuba Amateeka kye gatakoba!”

Ab'e Roma 3:20

Mu maiso ga Katonda ghazira muntu ni bw'aba mulala ati alibalwa kuba mutuukirivu olw'okukola ebiri mu Mateeka, kuba ku Mateeka abantu kwe bamanhira nga boonooni.

Ab'e Roma 4:15

Amateeka galeeta obusungu bwa Katonda, aye aghazira Mateeka, tighaba kwonoona.

2 Ab'e Korintho 12:21

Era ntya nti bwe ndiidha kabiri, Katonda alinfeebya mu maiso gaimwe, naalira olw'abantu kamaala abaakola eira ebibi, aye ni bateiraku olw'ebikolwa eby'obwenzi n'obudankaanu bye baakola.

Yakobo 5:15

Okusaba okwo nga kukoleibwa n'okwikiriza, kuliwonia omulwaire oyo. Musengwa alimugologosa era bwe ghalibaagho ebibi bye yakola birisoniyibwa.

1 Yoanne 5:17

Okukola ekitali kituufu kyonakyona kiba kibi aye eriyo ekibi ekitatwala mu kuzikirira.

1 Samueli 15:24

Saulo yairamu ati: “Nayonoona naadheemera ebiragiro bya Musengwa Katonda, era naaloba kujiira ku ebyo bye wansikirira, kuba natya abantu, naajiira ku bye bankoba.