1 Yoanne 3:2 - Baibuli Ekibono kya Katonda 2014

² Bakagwa, mperaano tuli baana ba Katonda. Kye tuja okuba kikaali kumanhika, aye kye twidhi ni kino nti Kurisito bw'aliboneka tuliba oti ni mwene, kuba tulimubona nga bw'ali.

1 Yoanne 3:2 ပူးပေါင်းရင်းမြစ်များ

Yobu 19:26

Ndibona Katonda nga ndi n'omubiri, waire ng'endwaire egumazeegho.

Zabbuli 16:11

Ondholeka engira entuusa mu bulamu; gh'oli n'aghali okusangaala okwidhuvu, mu mukono gwo omusaadha n'omuva okusagamba.

Zabbuli 17:15

Aye nze ndidha kulingiriranga amaiso go, kuba nziraku musango. Buli lwe nnaazuukanga ndidha kubanga musangaavu okukubona nga bw'oli.

Zabbuli 31:19

Bwenebwene ebirungi biri kamaala, by'oterekeire abo abakutya. Abantu boonaboona babona by'okolera abo abakwesiga.

Isaia 56:5

ndireetera eriina lye okwidhukirwanga buliidho mu isinzizo lyange ni mu bantu bange aghazira kwerabirwa naire, okusinga bwe yandibaire azaire abaana abalenzi n'abaghala.”

Malaki 3:2

Aye naani alisobola okugumira olunaku olwo lw'aliidhiraku? Era bw'aliboneka, naani alisobola okusigalagho ng'akaali mulamu? Ali ng'oti ni saabbuuni atumbeera einho, era ng'oti n'omuliro ogukenenula ebyuma.

Matayo 5:8

Ba nkabi ab'omwoyo omulungi, kuba balibona Katonda.

Luka 17:30

Kityo bwe kiriba ku lunaku Omwana w'Omuntu lw'alibonekeraku.

Luka 20:36

Baliba nga tibakaafa, kuba baliba ng'oti bamalaika. Era baliba baana ba Katonda, kuba baliba bazuukiire.

Yoanne 1:12

Aye abo abaamusangaalira era abaamwikiriza yabagha obukumu okufuuka abaana ba Katonda.

Yoanne 11:52

Ate nga tiikufiiririra ighanga kyonka aye n'okusoloza aghalala abantu ba Katonda abaali beeswireswire.

Yoanne 17:24

Lata, kye neegomba n'okuba n'abo be wampa ghe ndi, babone ekitiisa kyange kye wampa, kuba wangonza nga n'ensi ekaali kutondebwa.

Ab'e Roma 8:16

Mwoyo wa Katonda mwene akakasiza ghalala n'emyoyo gyaife nga tuli baana ba Katonda.

Ab'e Roma 8:18

Tidhuuba nga okudaagadaaga buti kwe tulimu kughanga okwagayaga n'ekitiisa ekiritwolekebwa.

Ab'e Roma 8:19

Ebitonde byonabyona birindirira nga byesumba okubona Katonda ng'ayoleka abaana be.

Ab'e Roma 8:29

Kuba abo be yalonda yabaawula era yaabategeka okufaanana Omwana we, Omwana we oyo abe omuberi mu baganda be kamaala.

1 Ab'e Korintho 13:12

Mperaano tubonera mu mbonerwamu, twaloba kubona bukalamu. Aye ku lule tulibonagana maiso ku maiso. Mperaano ndidhiku kitundu butundu, aye ku lule ndimanhira irala mu bwidhuvu, era oti ni Katonda bw'andidhi.

1 Ab'e Korintho 15:49

Nga bwe twawumbibwa ni tufaanana Adamu eyakolebwa mu nkungu, era tutyo bwetuliwumbibwa ni tufaanana ni Adamu ole eyava mu igulu.

1 Ab'e Korintho 2:9

Aye nga bwe kyaghandiikibwa: “Katonda kye yategekera abo abamugonza, ghazira muntu yaali akiboineku waire okukiwuliraku, oba eyaali alowooziizaaku nga kisobola okubaagho.”

2 Ab'e Korintho 3:18

Era ife twenatwena bwe tutoolebwaku ekitughembye ku maiso, tubonerwamu okumesunkana kwa Musengwa ng'oti mbonerwamu. Okumesunkana okuva ye Musengwa era nga ni Mwoyo, kutufuula twafaanana nga mwene mu kumesunkana okuja nga kweyongera.

2 Ab'e Korintho 4:17

Okudaagadaaga kuno okutonioli era okw'akaseera, kuli kututegekera ekitiisa ekinene era ekitawaagho ekisinga ebintu byonabyona.

Ab'e Galatia 3:26

Kuba mu Kurisito Yesu, mwenamwena muli buti baana bakulu aba Katonda olw'okwikiriza.

Ab'e Galatia 4:6

Era olw'okuba muli baana be, Katonda kyeyava n'atuma Mwoyo w'Omwana we angire mu myoyo gyaife. Mwoyo oyo ayeta ati: “Abba!” Ekitegeeza “Iseife.”

Ab'e Filippi 3:21

Ono n'alikyusa emibiri gyaife eminafu era egifa n'agifuula ng'oti n'ogugwe ogw'ekitiisa, ng'akozesa amaani agamusobozesa okuta ebintu byonabyona mu bufuzi bwe.

Ab'e Kolosai 3:4

Kurisito n'obulamu bwaife era bw'aliboneka olwo mwena mulibonekera ghalala naye mu kitiisa.

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.

2 Petero 1:4

Muno mwe yatugheera emikisa gye emingi era egy'omughendo gye yasuubiza, olwo imwe musobole okuwona okuzikirira okuva mu kwegomba okw'omubiri nga mubita mu mikisa egyo, era mugabane ku bwakatonda bwe.

1 Yoanne 2:28

Kale baana bange, musigale nga mukaali naye, bw'alyeyoleka tube bagumu tulobe kugemebwa nsoni mu maiso ge.

1 Yoanne 2:7

Bakagwa, tibaghandiikira kiragiro kiyaaka, aye ekiragiro eky'eira kye mwagheebwa ku kwinhama kwene. Ekiragiro eky'eira n'ekibono kye mwawulira.

1 Yoanne 3:1

Mubone Lata nga bwe yatugonza, ife okwetebwa abaana ba Katonda! Ate nga era kye tuli. Ensi kyeva n'etatumanha lwa kuba yeena tiyamumanha.

1 Yoanne 3:10

Ku kino kw'omanhira abaana ba Katonda n'aba Sitaani. Kiisi atakola bya butuufu oba n'atagonza muganda we oyo aba ti wa Katonda.

1 Yoanne 3:21

Bakagwa, emyoyo gyaife bwe gitatulumiriza, olwo tuba bagumu mu maiso ga Katonda.

1 Yoanne 5:1

Kiisi aikiriza ati Yesu ni Kurisito aba ng'azaalibwa Katonda, era kiisi agonza omuzaire agonza ni y'azaala.

Okwolekebwa 2:28

Era ndimugha emuunienie ey'oku nkyo.

Okwolekebwa 22:4

Banaabonanga amaiso ge, era eriina lye lirighandiikibwa mu byeni byaibwe.