1 Yoanne 3:16 - Baibuli Ekibono kya Katonda 2014

¹⁶ Ku kino kwe tumanhira okugonza. Nga Kurisito bwe yaghaayo obulamu bwe ku lwaife, twena tugwaine okughaayo obulamu bwaife ku lwa baganda baife.

1 Yoanne 3:16 ပူးပေါင်းရင်းမြစ်များ

Matayo 20:28

Ng'Omwana w'Omuntu bw'ataidha kugheerezebwa aye okugheereza, n'okughaayo obulamu bwe olw'okununula abantu kamaala.”

Yoanne 10:11

“Ninze omwayi omulungi, omwayi omulungi aghaayo obulamu bwe olw'entaama dhe.

Yoanne 10:15

ng'oti ni Lata bw'andidhi zeena ni mmumanha. Era mpaayo obulamu bwange olw'entaama edho.

Yoanne 13:34

Mbagha ekiragiro ekiyaaka: Mugonzanienga. Nga nze bwe nabagonza, mwena mugonzanienga mutyo.

Yoanne 3:16

Atyo Katonda bwe yagonza abantu ab'oku nsi, yaaghaayo Omwana we omulala bedengedenge kiisi amwikiriza alobe kuzikirira aye afune obulamu obutawaagho.

Ebikolwa by'Abatume 20:28

Mwekuume imwe beene, mukuume n'abantu boonaboona Mwoyo Mutukuvu be yabagemya. Mulabirirenga Ekikunsu ky'Abaikiriza mu Kurisito, Katonda kye yeefunira olw'okufa kw'Omwana we.

Ab'e Roma 16:4

abaikiriza okufa ku lwange. Ti ninze zenka mbeebaza, aye era n'Ebikunsu eby'Abaikiriza mu Kurisito eby'amaghanga agandi byona bibeebaza.

Ab'e Roma 5:8

Aye Katonda ayolekera irala nga bw'atugonza, kuba bwe twali nga tukaali mu bibi byaife, Kurisito yatufiirira.

2 Ab'e Korintho 4:12

Kale okufa kuli mu ife, aye kino kitegeeza bulamu ye muli.

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

Ab'Efeso 5:25

Imwe abasaadha mugonzenga bakazi baimwe, nga Kurisito bwe yagonza Ekikunsu eky'Abaikiriza mu Kurisito ni yeeghaayo ku lwa kyo.

Ab'e Filippi 2:17

Omusaayi gwange ni bwe guyuyibwa ni gutabulwa n'omusengo gwe mughaayo olw'okwikiriza kwaimwe, nsangaala era nsagambira ghalala n'imwe mwenamwena.

Ab'e Filippi 2:30

kuba yeeghaayo olw'omulimo gwa Kurisito, era kata afe ng'ali kugezaaku okutuukiriza ekyo kye mwamuntumira.

1 Ab'e Thessalonika 2:8

Kale nga bwe twabagonza einho, nga titusobola kukanga ku kubagha Mawulire Malungi aga Katonda gonka, aye era n'okubeegha ife beene, kuba mwali badingu ye tuli.

Tito 2:13

Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.

1 Petero 1:18

Mwidhi bukalamu nga ekyabaleetera okununulwa mu mpisa dhaimwe edhiziramu dhe mwatoola ku badhaadha baimwe, ti feeza oba zaabu ebiwaagho.

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.

1 Yoanne 2:6

Oyo akoba ati ali mu Kurisito awoomye okwebisa ng'oti ni Kurisito bwe yeebisa.

1 Yoanne 2:9

Ole akoba ati ali mu butangaavu aye ng'akyagha muganda we oyo aba akaali mu nzikiiza.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

Okwolekebwa 5:9

Baayemba olwembo oluyaaka, bati: “Ogwaine okutoola enzingo ey'ekitabo n'okukakampula obumanhiso obugisibye, kuba waitibwa era waanunulira Katonda abantu, aba kiisi kika, kiisi lulimi, kiisi luse, na kiisi ighanga.