1 Yoanne 2:6 - Baibuli Ekibono kya Katonda 2014

⁶ Oyo akoba ati ali mu Kurisito awoomye okwebisa ng'oti ni Kurisito bwe yeebisa.

1 Yoanne 2:6 ပူးပေါင်းရင်းမြစ်များ

Zabbuli 85:13

Obutuufu bwa Musengwa Katonda bumukulemberamu, bwaja nga bukubira ebigere bye engira.

Matayo 11:29

Mubbeede ekikoligo kyange, era mundhegereku kuba nze ndi muwombeefu era tyegulumiza agho emyoyo gyaimwe giribatereera

Yoanne 13:15

Kuba mbaghaire eky'okuboneraku, mwena mughange okukola nga nze bwe mbakoze.

Yoanne 15:10

Bwe muwulira ebiragiro byange mwidha kwekalangulira mu mukwano gwange oti ninze bwe mpulira ebiragiro bya Lata wange ni neekalangulira mu mukwano gwe.

1 Ab'e Korintho 11:1

Mukolenga nga nze, era nga zeena bwe nkola nga Kurisito bye yakola.

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

1 Petero 2:21

Ekyo kye mwayeterwa. Kuba Kurisito yeena yadaazibwadaazibwa ku lwaimwe, yaabalekera eky'okuboneraku kye mube mujiireku.

1 Yoanne 2:28

Kale baana bange, musigale nga mukaali naye, bw'alyeyoleka tube bagumu tulobe kugemebwa nsoni mu maiso ge.

1 Yoanne 2:4

Oyo akoba ati mmwidhi aye nga tagema biragiro bye, omuntu oyo aba muguya era taba wa mazima.

1 Yoanne 3:24

Oyo yeenayeena agema ebiragiro bya Katonda aba mu Katonda ni Katonda yaamubaamu. Kye tumanhiraku ng'ali mu ife, ni Mwoyo ye yatugha.

1 Yoanne 3:6

Yeenayeena aba mu Kurisito, takola kibi aye yeenayeena akola ekibi, aba nga tamubonangaku oba tamumanhanga.

1 Yoanne 4:17

Mu nsambo eno okugonza okuli mu ife kwidhuulirizibwa, memale olwo twaba bagumu ku lunaku olw'okusalirwaku omusango kuba ng'oyo bw'ali, twena bwe tuli mu nsi muno.