1 Yoanne 2:3 - Baibuli Ekibono kya Katonda 2014

³ Bwe tugema ebiragiro bya Katonda tuba tukakasa nga tumwidhi.

1 Yoanne 2:3 ပူးပေါင်းရင်းမြစ်များ

Zabbuli 119:32

Ndidha kwangughangaku okukola ng'ebiragiro byo bwe binkoba, ng'ogaziiya okutegeera kwange.

Zabbuli 119:6

Olwo tyandiswaziibwa, kuba omwoyo gwange gwonagwona gwandibaire ku biragiro byo byonka.

Isaia 53:11

Bw'alibona ku ebyo ebiriva mu kudaazibwadaazibwa kwe, alisangaala. Olwo yaamanha nga tiyadaazibwadaazibwa bwereere. Omugheereza wange oyo aneesiimisa, era alyetwika ekibonerezo ky'ebibi eby'abangi, nze naabasonigha ku lulwe.

Luka 6:46

“Lwaki mundheta Musengwa, Musengwa, ng'ate timukola bye nkoba?

Yoanne 14:15

“Oba nga mungonza, mugemenga ebiragiro byange.

Yoanne 15:10

Bwe muwulira ebiragiro byange mwidha kwekalangulira mu mukwano gwange oti ninze bwe mpulira ebiragiro bya Lata wange ni neekalangulira mu mukwano gwe.

Yoanne 15:14

Bwe mukola bye mbalagira muba bakagwa bange.

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Abaheburayi 5:9

Era ng'amaze okutuukirizibwa, abo boonaboona abamugondera yabafuukira ensimuko ey'obulokozi obutawaagho,

1 Yoanne 2:13

Mbaghandiikira, imwe abasaadha abakulu, kuba mumwidhi oyo eyaligho okuviira irala ku kwinhama. Mbaghandiikira imwe abaisuka, kuba mughangwire omubi.

1 Yoanne 3:14

Twidhi nga twava mu kufa twangira mu bulamu, kuba tugonza baganda baife. Oyo atagonza baganda be aba akaali mu kufa.

1 Yoanne 3:19

Okwo kwe tumanhira nga tuli ba mazima, era emyoyo gyaife gitutereera mu maiso ga Katonda.

1 Yoanne 3:6

Yeenayeena aba mu Kurisito, takola kibi aye yeenayeena akola ekibi, aba nga tamubonangaku oba tamumanhanga.

1 Yoanne 4:13

Kuno kwe tumanhira nga tuli mu oyo era nga yeena ali mu ife, kuba yatughaaku ku Mwoyo we.

1 Yoanne 4:7

Bakagwa, tugonzanienga, kuba okugonza kuva mu Katonda era agonza azaalibwa Katonda era aidhi Katonda.

1 Yoanne 5:19

Twidhi nga tuli ba Katonda era ng'ensi yoonayoona eri mu mikono gy'Omubi.

1 Yoanne 5:2

Kino kye tumanhiraku nga tugonza abaana ba Katonda, bwe tugonza Katonda, ni tugema ebiragiro bye

1 Yoanne 5:3

kuba okugonza Katonda n'okuwulira ebiragiro bye, ate ebiragiro bye ti bikalangafu.

Okwolekebwa 12:17

Ogusota gwasungughalira inho omukazi, gwaja okulumba abasigairegho mu izaire lye abo abagema ebiragiro bya Katonda era abadhulira Yesu.

Okwolekebwa 14:12

Agho ni abo abatuukirivu abagema ebiragiro bya Katonda, ni basigala nga baikiriza Yesu, bateekwa okuguminkiriza.

Okwolekebwa 22:14

Ba nkabi abo abaamula ebivaalo byaibwe. Baligheebwa obukumu okulya ebibala eby'omuti ogw'obulamu, era n'okwingira mu kibuga nga babita mu miryango.