1 Yoanne 2:18 - Baibuli Ekibono kya Katonda 2014

¹⁸ Baana bange, ekiseera eky'enkomerero kituuse! Era nga bwe mwawulira muti Omuzigu wa Kurisito aidha, era ni mperaano abazigu ba Kurisito kamaala baidha. Kuno kwe tumanhira ng'ekiseera eky'enkomerero kituuse.

1 Yoanne 2:18 ပူးပေါင်းရင်းမြစ်များ

Matayo 24:11

Abalanzi abaguya kamaala baliboneka era balikyamya abantu kamaala.

Matayo 24:24

kuba ghaliidhagho abantu abeeyeta Kurisito n'abeeyeta abalanzi, era baakola obumanhiso obw'amaani n'ebyewuunhio, nga benda okuwubania n'abalonde, bwe kiba kisoboka.

Matayo 24:5

Abantu kamaala baliidha mu liina lyange nga beeyeta nze, Kurisito, era balighabya abantu kamaala.

Mariko 13:6

Abantu kamaala baliidha mu liina lyange nga bakoba bati, ‘Ni nze’, era balighabya abantu kamaala.

Yoanne 21:5

Yesu yaabakoba ati: “Abaana muligho n'eky'okulya?” Bairamu bati: “Busa.”

Ab'e Roma 13:11

Ebyo nga bikaali agho, mwidhi nga esaawa n'eno, ekiseera kituuse imwe okuzuuka mu ndoolo. Kuba mperaano okulokolebwa kwaife kutuli kumpi inho okusinga ghe twainhamira okwikiriza.

Ab'e Roma 13:12

Obwire bujiire olunaku lunaatera okutuuka. Kale tuve mu bikolwa eby'enzikiiza, tugeme eby'okulwanisa eby'obutangaavu.

Abaheburayi 1:2

Aye mu nnaku dhino edhisembayo yaayogera n'ife ng'abita mu Mwana we, ye yataagho okuba mwene bintu byonabyona, era ye yabitamu okutonda ensi.

1 Petero 1:20

Kurisito oyo yalondebwa nga n'ensi ekaali kutondebwa, aye yaaboneka mu biseera bino ebisembayo ku lwaimwe.

1 Petero 1:5

Era olw'okwikiriza kwaimwe, Katonda abakuuma n'amaani ge era alibalokola ku nkomerero nga bwe yategeka.

1 Petero 4:7

Enkomerero ey'ebintu byonabyona eri kumpi. Agho ni mubenga beetegefu era musabenga.

2 Petero 2:1

Nga bwe ghaaligho abalanzi abaguya mu bantu ba Katonda, ni mu imwe mulibaamu abeegeresa abaguya. Balyeibirira, baayegeresa ebikiidhamya Obukurisito era ebireeta okuzikirira. Era balyegaana Musengwa eyabanunula, beereetera okuzikirira amangu.

2 Petero 3:3

Okusookera irala muteekwa okumanha nga mu nnaku edhisembayo, abantu abenda einho musekererwe era abafugibwa okwegomba okw'omubiri, baliboneka. Balibaseka

1 Yoanne 2:22

Naani omuguya, okutoolaku oyo akoba ati Yesu ti ni Kurisito? Omuzigu wa Kurisito n'oyo ataikiriza Lata ni Mwana.

1 Yoanne 4:1

Bakagwa, mutaikirizanga buli mwoyo, aye mulebenga buli mwoyo mubone oba nga wa Katonda; kuba abalanzi kamaala abaguya basansaaniire mu nsi.

1 Yoanne 4:3

Aye mwoyo yeenayeena akoba ati ekyo ti kituufu ku Yesu, taba wa Katonda era oyo mwoyo wa Muzigu wa Kurisito ye mwawulira muti aidha era nga na buti ali mu nsi.

2 Yoanne 1:7

Abaguya kamaala baasansaanira mu nsi, abataganha nga Yesu Kurisito yaidha ng'omuntu. Omuntu yeenayeena ali ng'oti n'abo muguya era Muzigu wa Kurisito.

Yuda 1:18

Baabakobera bati: “Mu biseera eby'enkomerero ghalibaagho abantu abatatya Katonda, abajiira ku kwegomba okw'emibiri gyaibwe, abalibaleetera okufuuka enseko dh'abalamu.”