1 Yoanne 2:16 - Baibuli Ekibono kya Katonda 2014

¹⁶ Kuba ebintu byonabyona ebiri mu nsi ng'okwegomba okw'omubiri, okwegomba okw'amaiso n'okwekuza okw'omu bulamu buno, ti biva wa Lata aye bya nsi.

1 Yoanne 2:16 ပူးပေါင်းရင်းမြစ်များ

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

Amainhama 6:2

Abaana ab'omu igulu bwe baalinga bati ku baana abaghala abo ab'abantu, baabona nga balungi. Kale baababayiza nga bwebaayendanga.

Yobu 31:1

“Neeyama ira okwekuumanga amaiso gange, kabiri ate nandisoboire ntya okulingirira omughala omuguna nga ndi kumwegomba?

Zabbuli 73:6

Kyova okwekuluntaza kwaibwe kuboneekerera ng'oti n'ebinhere eby'omu nkoto, n'ebikolwa byaibwe eby'obukambwe ni bibabwikirira ng'oti kivaalo.

Zabbuli 78:18

Baaleba Katonda mu bugenderevu nga bamusaba emere olw'amairu gaibwe.

Zabbuli 78:30

Aye amairu gaali gakaali kubawaamu, era nga bakaalya,

Ensambo 27:20

Ng'amagombe bwe gatalekera kumira bafu, n'amaiso g'omuntu goona gatyo bwe gataiguta kubona.

Ensambo 6:25

Otamwegwanizanga mu mwoyo gwo olw'obulungi obw'emboneka ye, era otatwalirizibwanga lwa mmoga ye.

Danieli 4:30

yaakoba ati: “Ha, bona Babiloni bwekiri ekikologho! Nakizimba n'obukumu bwange n'amaani gange, kibe ekibuga omuli ekisaagaati kyange eky'obwakyabazinga obw'ekitiisa.”

Okubala 11:34

Ekifo ekyo baakyeta Kiburothi Hattaava, ekitegeeza: Amagombe ag'ab'amairu; kuba baaziikagho abantu ab'amairu.

Okubala 11:4

Mu Baisiraeli abo abaali bali kutambula, mwalimu abantu ab'endha abaali n'amairu amangi ag'emamba. Aye n'Abaisiraeli beene boona beemuluguunhia bati: “Wo, ngoli tuliku n'emamba ey'okulyaku!

Matayo 4:8

Kabiri Sitaani yaamutwala ku lusozi oluleeyi einho, yaamulaga obwakyabazinga obw'ensi n'ekitiisa kyabwo.

Matayo 5:28

Aye nze mbakoba nti, buli alingirira omukazi olw'okumwegomba, aba amwenzeeku mule mu mwoyo.

Luka 4:5

Agho Sitaani yaamutwala ku lusozi era mu kaseera akazira ghe kaaga yaamulaga obwakyabazinga bwonabwona.

Ab'e Roma 13:14

Aye tugeme eby'okulwanisa bya Musengwa waife Yesu Kurisito. Mutaganhanga mubiri kukola kye gwenda.

1 Ab'e Korintho 10:6

Mperaano ebintu bino bya kutulabula tulobe okwegomba ebintu ebibi ng'abo bwe baakola.

Ab'e Galatia 5:17

Kuba omubiri bye gwenda Mwoyo by'atenda, ate Mwoyo by'ayenda omubiri bye gutenda. Kiisi kirala kitakania kiinaakyo, waaloba kusobola kukola nga bw'oyenda.

Ab'e Galatia 5:24

Era abo aba Kurisito Yesu, baakomerera ku musalaba omubiri gwaibwe, n'empisa dhaagwo n'amairu gaagwo.

Ab'Efeso 2:3

N'ife twenatwena twebisanga oti n'abo, mu kwegomba okw'omubiri nga tujiira ku kwenda okw'omubiri n'omwoyo, era okufaanana abantu boonaboona nga tuteekwa okubonerezebwa Katonda.

Tito 2:12

Era kitwegeresa okutya Katonda n'okulekayo okwegomba okw'ensi eno, n'okuba abantu abasobola okwefuga, abeesimbu, era abatya Katonda mu nsi muno.

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

Yakobo 3:15

Amagezi ago ti n'ago agava mu igulu aye ga ku nsi, ga bantu buntu, era ga Sitaani.

Yakobo 4:16

Aye mperaano mwesuutiriza era mwekudumbaza. Okwekudumbaza ng'oti n'okwo kubi.

Yoshua 7:21

mu bintu bye twanhaga nabonamu ekivaalo ekiboneka obulungi einho, nga kyakolebwa e Babilonia. Naabonamu ni kilo ng'oti ibiri edha feeza, n'ekitundu ekya kilo ekya zaabu, naabyegomba era naabitwala. Ebintu ebyo mwidha kubyagaana nga nabiziika mu weema yange, nga feeza n'eri ghansi.”

1 Petero 1:14

Ng'abaana abawulize, mutafugibwanga kwegomba kwe mwali nakwo nga mukaali kumanha Kurisito.

1 Petero 2:11

Aboluganda, nga bwe muli ababise era abanoonia obubudamo mu nsi muno, mbeeghembye mulobere irala kujiira ku mubiri bye gwegomba ebirwanisa omwoyo.

2 Petero 2:10

Era Katonda abonereza okusingira irala abo abajiira ku mairu amabi ag'omubiri, ni banhooma obufuzi. Abeegeresa abo abaguya bakanu, era beidhi bonka tibatya na kuvuma ba kitiisa.

2 Petero 2:18

Mu busiru bwaibwe baasiikana nga beesuuta, era baakozesa obudankaanu bwaibwe obw'omubiri okusendasenda abo abaakava obuve mu bantu abakaali mu nsobi.