1 Yoanne 2:12 - Baibuli Ekibono kya Katonda 2014

¹² Mbaghandiikira, baana bange, kuba ebibi byaimwe bisoniyiibwa olw'eriina lye.

1 Yoanne 2:12 ပူးပေါင်းရင်းမြစ်များ

Zabbuli 106:8

Aye era yabawonia okuzikirira ku lw'obulungi obw'eriina lye, asobole okwoleka obuyinza bwe obungi.

Zabbuli 25:11

Wo Musengwa Katonda, ku lw'obulungi obw'eriina lyo nsonigha ebibi byange, kuba biri kamaala inho.

Yeremia 14:7

Abantu bange bandirira bati, ‘Wo Musengwa Katonda, waire ebibi byaife bitulumiriza olw'okukuvaaku emikuzi kamaala ni twonoona, iwe mala gaganha otuyambe nga bwe watusuubiza.

Luka 24:47

era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu.

Luka 5:20

Yesu bwe yabona okwikiriza kwaibwe yaakoba ati: “Musaadha iwe, osoniyiibwa ebibi byo.”

Ebikolwa by'Abatume 10:43

Oyo abalanzi boonaboona ye boogeraku nga bakoba bati, ‘Kiisi amwikiriza asoniyibwa ebibi olw'amaani ag'eriina lye.’ ”

Ebikolwa by'Abatume 13:38

Kale ni aboluganda, mukimanhe muti ghazira asobola kubakobera ku kusoniyibwa bibi nga tabise mu oyo, oba okubawonia ebyo byonabyona ebibalobera okuba abatukuvu okusinziira ku Mateeka ga Musa.

Ebikolwa by'Abatume 4:12

Okulokolebwa kufunirwa mu oyo yenka, ghazira wundi asobola kulokolerwamu, kuba naire mu maina agagheebwa abantu ghansi gh'eigulu, ghazira lye tusobola kulokolerwamu.”

1 Ab'e Korintho 6:11

Era abandi ku imwe mutyo bwe mwali, aye mwanaazibwa mwafuulibwa bantu ba Katonda era abatuufu eri Katonda, mu liina lya Musengwa waife Yesu Kurisito, ni mu Mwoyo wa Katonda.

Ab'Efeso 1:7

Olw'okufa kwa Kurisito ng'omusengo, tufuna okununulwa nga tusoniyibwa ebibi byaife olw'ekisa kya Katonda ekyodo,

Ab'Efeso 4:32

Aye mubenga ba kisa, buli muntu alumirwenga mwine, era musonighaganenga nga Katonda bwe yabasonigha mu Kurisito.

Ab'e Kolosai 1:14

Mu oyo mwe tufunira okununulibwa era n'okusoniyibwa ebibi.

1 Yoanne 1:4

Ebintu bino tubibaghandiikira eisanhu lyaife lituukirire.

1 Yoanne 1:7

Aye bwe tutambulira mu butangaavu ng'oyo bw'ali mu butangaavu, tuba twisania ife beene na beene era n'omusaayi gwa Yesu Omwana we gutunaazaku ebibi byonabyona.

1 Yoanne 1:9

Aye bwe twatula ebibi byaife, oyo omwesigwa era ow'amazima atusonigha ebibi byaife era yaatunaazaaku byonabyona ebitali bituufu.

1 Yoanne 2:1

Baana bange, mbaghandiikira ebintu bino mulobe kwonoona. Aye omuntu yeenayeena bw'akola ekibi, tuli n'omubeezi ye Lata, ni Yesu Kurisito omutuufu.

1 Yoanne 2:21

Mbaghandiikira ti lwa kuba nga timwidhi mazima aye lwa kuba mugaidhi, era mwidhi ng'ezira kusubagha kuva mu mazima.

1 Yoanne 2:7

Bakagwa, tibaghandiikira kiragiro kiyaaka, aye ekiragiro eky'eira kye mwagheebwa ku kwinhama kwene. Ekiragiro eky'eira n'ekibono kye mwawulira.