1 Yoanne 2:11 - Baibuli Ekibono kya Katonda 2014

¹¹ Aye oyo akyagha muganda we aba mu nzikiiza era atambulira mu nzikiiza, era tamanha y'alaga; kuba enzikiiza eba emuzibye amaiso.

1 Yoanne 2:11 ပူးပေါင်းရင်းမြစ်များ

2 Samueli 13:22

Abusalomu yaakyagha Amunoni olw'okukaka Tamari mwanhina, era nga tayogera kintu ni Amunoni oyo, ka kibe ekirungi oba ekibi.

Ensambo 4:19

Aye obulamu obw'abakozi ab'ebibi buli ng'oti nzikiiza egemye bedimudimu; ni bwe bagwa tibamanha na kye beekontoireku.

Omulangirizi 2:14

Omuntu omugezi atambula ng'abona y'aja, aye omusiru atambula ng'oti ali mu nzikiiza. Aye ate nazuula nti ekija okutuuka ku musiru, n'ekija okutuuka ni ku mugezi.

Abalevi 19:17

“Otakyaghanga muntu yeenayeena n'omwegemerera, aye omunenianga byaweera agho, olobe kugwa mu kibi olw'oyo.

Yoanne 12:35

Yesu yaabairamu ati: “Ekimuliikirira kiriku mu imwe entangama. Mutambule nga mukaali n'ekimuliikirira, tomanha nzikiiza bw'ebaagaana. Kuba atambula mu nzikiiza tamanha y'aja.

Yoanne 12:40

“Katonda abatuluwaiza, era yaakalangusa emyoyo, balobe kubona na maiso gaibwe, waire kutegeera na myoyo gyaibwe. Ti kulwa nga bagaluka baira ye ndi naabawonia.”

2 Ab'e Korintho 3:14

Aye emyoyo gyaibwe gyakalanguka, kuba n'okutuukiza irala buti, bwe basoma endagaano enkaire, ekitambaala kyene ekyo kikaabaghembereire. Kurisito yenka n'asobola okutoolagho ekitambaala ekyo.

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

2 Petero 1:9

Aye kiisi abizira aba ng'oti mutulu, era aba yeerabiire ng'ebibi bye eby'eira byamunaazibwaku.

1 Yoanne 1:6

Bwe tukoba tuti twisania naye, aye nga tutambulira mu nzikiiza, tuba baguya era ti tukola bya mazima.

1 Yoanne 2:10

Ole agonza muganda we aba mu butangaavu era mu oyo muzira kitimuguunha.

1 Yoanne 2:9

Ole akoba ati ali mu butangaavu aye ng'akyagha muganda we oyo aba akaali mu nzikiiza.

1 Yoanne 3:15

Kiisi akyagha muganda we aba mutemo, ate mwidhi nga mu mutemo timuba bulamu butawaagho.

1 Yoanne 4:20

Omuntu yeenayeena bw'akoba ati agonza Katonda ate ng'akyagha muganda we, aba muguya kuba atagonza muganda we y'abonaku taghanga kugonza Katonda y'atabonangaku.

Okwolekebwa 3:17

Okoba oti, ‘Ndi mukombe, ndi bukalamu, nzira kye ndhulirira’, waaloba kumanha ng'oli mughafu asaasirwa, omwavu, omutulu era ali ekidu.