1 Yoanne 2:1 - Baibuli Ekibono kya Katonda 2014

¹ Baana bange, mbaghandiikira ebintu bino mulobe kwonoona. Aye omuntu yeenayeena bw'akola ekibi, tuli n'omubeezi ye Lata, ni Yesu Kurisito omutuufu.

1 Yoanne 2:1 ပူးပေါင်းရင်းမြစ်များ

Zabbuli 4:4

Bwe musungughala, obusungu butabasindikanga mu kwona. Mwefumintirize ku kino mu myoyo gyaimwe, nga muli mu buliri mulambaire.

Ezekieli 3:21

Aye bw'olabula omuntu akola ebituufu alobe kukola bibi, era n'akuwulira n'atakola bibi, omuntu oyo bwenebwene aliba mulamu olw'okuwulirisa okulabula kwo. N'iwe weena oliba owoniiza obulamu bwo.”

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Luka 10:22

“Ebintu byonabyona, Lata wange yabimpa era ghazira aidhi Mwana okutoolaku Lata, ate ghazira aidhi Lata okutoolaku Mwana n'oyo yeenayeena Mwana y'aba asiimye okumumanhisa.”

Yoanne 10:15

ng'oti ni Lata bw'andidhi zeena ni mmumanha. Era mpaayo obulamu bwange olw'entaama edho.

Yoanne 13:33

Baana bange, nkaali n'imwe akaseera katono. Mulindhagala, aye nga bwe nakoba Abayudaaya mwena bwe mbakoba buti, ‘Ye nja timughanga kwidhayo.’

Yoanne 14:16

Zeena ndisaba Lata, era alibagha Omubeezi owundi atalibavaaku ebyanda n'ebyanda.

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Yoanne 21:5

Yesu yaabakoba ati: “Abaana muligho n'eky'okulya?” Bairamu bati: “Busa.”

Yoanne 5:14

Ebyo olwawa Yesu yaayagaana ye yawonia mu isinzizo yaamukoba ati: “Bona eno mperaano oli bukalamu, lekera agho okukola ebibi, kuba oghanga okweyagaana nga ekisinga agho obubi kikutuuseeku.”

Yoanne 5:36

“Aye nze ndi n'obudhulizi obusinga n'obwa Yoanne bw'agha kuba ebintu bye nkola, Lata n'eyabimpa okubikola era bindhulira nga Lata n'eyantuma.

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

Yoanne 8:11

Omukazi yairamu ati: “Musengwa, ghazira.” Yesu yairamu ati: “Zeena ni tigukusalire. Golola, aye toirangayo kukola kibi.”]

Ebikolwa by'Abatume 7:52

Mulanzi ki badhaadha baimwe ye bataakiriga? Baita abo abaalanga okwidha kw'omugheereza we omutuufu, imwe ye mwalyamu olukwe ni mumwita.

Ab'e Roma 5:10

kuba bwe twali nga tukaali bazigu ba Katonda, okufa kw'Omwana we kwatuleetera okwisania naye. Mperaano nga bwe twisania naye, obulamu obw'Omwana we bwidha kutulokolera irala.

Ab'e Roma 6:15

Kale tukole tutya? Tukole ekibi kuba tufugibwa ekisa kya Katonda? Busa naire.

Ab'e Roma 8:34

Ghazira aghanga kubasingisa musango, kuba Kurisito Yesu mwene eyafa ate n'azuukira, era atyaime ku mukono omusaadha ogwa Katonda n'atwogererayo.

1 Ab'e Korintho 15:34

Mweireku mulekere agho okukola ebibi, kuba abandi ku imwe timwidhi Katonda. Kino nkyogeire mbagemye ensoni.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

Ab'e Galatia 4:19

Bwana bwange obugonzi, ng'omukazi bw'alumwa ng'azaala, zeena bwenumwa ku lwaimwe okutuusa Kurisito lw'alitondebwa mu myoyo gyaimwe.

Ab'Efeso 2:18

Twenatwena tubita mu mwene nga tuli mu Mwoyo mulala, twaghanga okutuuka ye Lata.

Ab'Efeso 4:26

Bwe musungughala, obusungu butabasindikanga mu kwona. Mutagwisanga ndhuba nga mukaasibye obusungu ku mwoyo,

1 Timotheo 2:5

kuba ghaligho Katonda mulala ati, era oyo agemagania abantu ni Katonda ali mulala, n'oyo Omuntu Kurisito Yesu.

1 Timotheo 3:14

Ndi kukughandiikira bino nga nsuubira okwidha amangu y'oli.

Abaheburayi 9:24

Kurisito tiyangira mu kifo kitukuvu ekyakolebwa abantu, ekifaananaku obufaanane ni kire kyene, aye yangira mu igulu lyene, y'ali mperaano mu maiso ga Katonda ku lwaife.

Yakobo 1:27

Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.

Yakobo 3:9

Lwe tukozesa okusaaka Musengwa era Lata, ate era lwe tukozesa okufuugha abantu beene abaakolebwa mu kifaananie kya Katonda.

1 Petero 2:22

Mpaagho kibi kye yakola, waire ekibono kyonakyona eky'obuguya okumuva mu kanwa.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.

1 Yoanne 3:18

Baana bange, okugonza kwaife kulobe kuba bwa mu bibono na mu kwogera aye kube ni mu bye tukola era nga kwa mazima.

1 Yoanne 3:5

Mwidhi nga Kurisito yaidha okutoolagho ebibi era mu oyo muzira kibi.

1 Yoanne 3:7

Baana bange, ghatabaagho abasubaghanga. Akola eby'obutuufu aba mutuufu oti ni Kurisito mwene bw'ali omutuufu.

1 Yoanne 4:4

Baana bange muli ba Katonda, abo abalanzi abaguya mwabaghangula, kuba ali mu imwe asinga ali mu nsi.

1 Yoanne 5:17

Okukola ekitali kituufu kyonakyona kiba kibi aye eriyo ekibi ekitatwala mu kuzikirira.

1 Yoanne 5:21

Baana bange, mwekuume ebyo ebisinzibwa ebitali Katonda.

3 Yoanne 1:4

Ghazira kinsangaaza kisinga kuwulira nti abaana bange batambulira mu mazima.