1 Yoanne 1:6 - Baibuli Ekibono kya Katonda 2014

⁶ Bwe tukoba tuti twisania naye, aye nga tutambulira mu nzikiiza, tuba baguya era ti tukola bya mazima.

1 Yoanne 1:6 ပူးပေါင်းရင်းမြစ်များ

Zabbuli 82:5

Muli na butamanha bwaga gha? Muli basiru ba nkula ki? Lwaki mukola eby'obukupya ebyereere? Abantu tibakaakola mazima mu nsi.

Zabbuli 94:20

Iwe tosobola kuba ku luuyi lwa bafuzi babi, abafuulania amateeka, ekibi ni bakyeta ekirungi.

Ensambo 2:13

abalekerera okukola ebituufu, ni baira ku kukola ebibi.

Matayo 7:22

Ku lunaku olwo, abantu kamaala balinkoba bati, ‘Musengwa, Musengwa, titwalanganga mu liina lyo, twabinganga emizimu emibi, era titwakolanga byewuunhio kamaala mu liina lyo?’

Yoanne 11:10

Aye bw'atambula obwire aja nga yeewumya kuba azira kimumuliikirira.”

Yoanne 12:35

Yesu yaabairamu ati: “Ekimuliikirira kiriku mu imwe entangama. Mutambule nga mukaali n'ekimuliikirira, tomanha nzikiiza bw'ebaagaana. Kuba atambula mu nzikiiza tamanha y'aja.

Yoanne 12:46

Nze naidha mu nsi ng'ekimuliikirira, kiisi andhikiriza alobe kusigala mu nzikiiza.

Yoanne 8:12

Yesu yaayongera yaakoba abantu ati: “Ninze ekimuliikirira eky'ensi kiisi annonereza taja kutambulira ghali nzikiiza era aja kuba n'obutangaavu obuleeta obulamu.”

Yoanne 8:55

Timumumanhangaku aye nze mwidhi. Bwe nkoba nti timwidhi mba muguya ng'oti niimwe aye mmwidhi era ngema by'akoba.

1 Timotheo 4:2

Bino bisansaanizibwa abantu abaguya, abaafa emyoyo ng'oti n'egyasiriizibwa ekyuma ekyengereire.

Yakobo 2:14

Aboluganda, kiganhula ki omuntu okukoba ati ali n'okwikiriza ng'ate ebikolwa bye tibyoleka kwikiriza okwo? Okwikiriza kwe okwo kughanga okumulokola?

Yakobo 2:16

kiganhula ki okumukoba oti: “Nkwendeza nkabi, empewo etakufuuwa, era endhala etakuluma,” aye nga ghazira ky'omughaire ku byetaago bye eby'omubiri?

Yakobo 2:18

Aye ole aidha kukoba ati: “Iwe oli na kwikiriza aye nze ndi na bikolwa.” Oyo nze mmukoba nti: “Ndaga okwikiriza kwo okuziraku bikolwa, nze ndidha kukulaga okwange nga nkozesa ebikolwa.”

1 Yoanne 1:10

Bwe tukoba tuti titukolangaku kibi tuba tumufiire muguya era n'ekibono kye ti kitubaamu.

1 Yoanne 1:3

Ekyo kye twabona era kye twawulira mwena kye tubakobera, musobole okutweyimbaku mu kwisania. Okwisania kwene kwe tuli nakwo ni Lata era n'Omwana we Yesu Kurisito.

1 Yoanne 1:8

Bwe tukoba tuti tuzira kibi, tuba twesubagha beene era tituba ba mazima.

1 Yoanne 2:4

Oyo akoba ati mmwidhi aye nga tagema biragiro bye, omuntu oyo aba muguya era taba wa mazima.

1 Yoanne 4:20

Omuntu yeenayeena bw'akoba ati agonza Katonda ate ng'akyagha muganda we, aba muguya kuba atagonza muganda we y'abonaku taghanga kugonza Katonda y'atabonangaku.