1 Yoanne 1:5 - Baibuli Ekibono kya Katonda 2014

⁵ Bye twawulira okuva y'oyo era bye tubakobera ni bino: Katonda butangaavu era aziramu nzikiiza yoonayoona.

1 Yoanne 1:5 ပူးပေါင်းရင်းမြစ်များ

Zabbuli 139:12

n'enzikiiza yeene teba nzikiiza ku iwe, era obwire bwaka ng'oti musana, kuba enzikiiza eba ng'oti butangaavu ku iwe.

Zabbuli 27:1

Musengwa Katonda n'entaala yange emmuliikirira era n'omulokozi wange, kale ni ghazira ye ntya. Musengwa Katonda n'ekisenge ekigumu mwe neewogoma, kale ni ghazira alintiisatiisa.

Zabbuli 36:9

Kuba niiwe oli n'ensulo ey'obulamu, era mu butangaavu bwo mwe tubonera obutangaavu bwene.

Zabbuli 84:11

kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Isaia 2:5

Kale ni, imwe baidhukulu ba Yakobo, mwidhe tutambulire mu butangaavu bwa Musengwa Katonda.

Isaia 60:19

Omusana toidha kwetaaganga ndhuba kukumuliikirira, waire obwire okwetaaganga omwezi okukwakira. Nze Musengwa Katonda mwene, ninze nnaabanga eitaala lyo ebyanda n'ebyanda; okumesunkana okw'ekitiisa kyange kunaakwakirangaku.

Danieli 2:22

Ayoleka ebintu eby'ekyama ebitaboneka; yaamanha ebiri mu nzikiiza, era mwene gh'aba n'obutangaavu ghe buba.

Yoanne 1:19

Yoanne ati bwe yakakasa Abayudaaya, bwe baatuma Bakabona n'Abalevi okuva e Yerusalemu okumubuuza bati: “Niiwe ani?”

Yoanne 1:4

Mu oyo nga n'omuli obulamu era obulamu obwo bwaba ekimuliikirira eky'abantu.

Yoanne 1:9

Nga kino n'ekimuliikirira kyenekyene, ekyali nga kiri kwidha mu nsi okumuliikirira abantu boonaboona.

Yoanne 8:12

Yesu yaayongera yaakoba abantu ati: “Ninze ekimuliikirira eky'ensi kiisi annonereza taja kutambulira ghali nzikiiza era aja kuba n'obutangaavu obuleeta obulamu.”

Yoanne 9:5

Nga ndi mu nsi muno, ninze ekimuliikirira eky'ensi.”

1 Ab'e Korintho 11:23

Okwegeresebwa kwe nafuna okuva ye Musengwa zeena kwe nabagha. Obwire Musengwa Yesu bwe baamugheerayo, yagema omugaati,

1 Timotheo 6:16

Ni yenka atafa era aba mu butangaavu obutaseetekaku, ghazira yaali amuboine, era ghazira aghanga kumubona. Aisibwengamu ekitiisa era afugenga ebyanda n'ebyanda. Amiina.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.

1 Yoanne 3:11

Kino kye mwawulira okuviira irala ku kwinhama nti tuli n'okugonzania.

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.

Okwolekebwa 22:5

Obwire tibuliiramu kuziba, era tibalyetaaga butangaavu bwa ntaala oba obw'endhuba. Kuba Musengwa Katonda n'anaabanga obutangaavu bwaibwe, era balifuga ebyanda n'ebyanda.