1 Timotheo 6:20 - Baibuli Ekibono kya Katonda 2014

²⁰ Timotheo, kuumanga bukalamu bye wagemesebwa. Oteeyimbanga mu mpayo edh'abatatya Katonda, ni mu kutakana ebiziramu, abandi kwe beeta amagezi

1 Timotheo 6:20 ပူးပေါင်းရင်းမြစ်များ

Ebikolwa by'Abatume 16:1

Agho Paulo yaikirira e Derube n'e Lisitura. Eyo yaliyo omwegeresebwa eyayetebwanga Timotheo. Inhina yali Muyudaaya aikiriza mu Kurisito, aye nga ise Mugureki.

Ebikolwa by'Abatume 17:18

Abandi ku bakabwidhibwidhi abeetebwa Abepikuro n'Abasitoiki boona baatakana naye. Abandi baakoba bati: “Ono alabankana naki?” Abandi baakoba bati: “Ali oti ayegeresa ku bakatonda ba maghanga gandi.” Kuba yali ayegeresa ku Yesu n'okuzuukira.

Ebikolwa by'Abatume 17:21

Kuba abantu abaabanga mu Athene, abatyamye n'abatali batyamye, baamalanga ebiseera byaibwe byonabyona mu kwogera na kuwulirisa biyaaka.

Ab'e Roma 1:22

Bwe beeyeta abagezi baafuuka basiru.

Ab'e Roma 3:2

Kugasa inho mu buli nsambo. Ekisooka, Abayudaaya Katonda be yasooka okugemya ekibono kye.

1 Ab'e Korintho 2:6

Waire nkobye ntyo, abo abakuze mu mwoyo mbakobera amagezi, aye nga amagezi ago ti n'ag'ensi eno oba ag'abo ab'obukumu abagifuga, abali n'okuwaagho.

1 Ab'e Korintho 3:19

kuba ensi ky'edhuuba okuba amagezi, kiba busiru mu maiso ga Katonda. Era kuba kyaghandiikibwa kiti: “Atega abagezi ng'abita mu magezi gaibwe geene”

Ab'e Kolosai 2:18

Ghatabangagho ababuza ng'akozesa okwewooya n'okusinza bamalaika. Omuntu ng'oti n'oyo yeefuula okuba ng'abasinga, mbu kuba yabonekerwa. Yeetuusa aghazira na nsonga, okutoolaku ebirowoozo bye ebiziramu.

Ab'e Kolosai 2:8

Mubone nga tighabaagho muntu yeenayeena abafuula bairu, ng'akozesa ebidhuubo eby'abagezigezi n'obuguya obuli mu mpisa dh'abantu, ni mu mizimu egitwalibwa nga n'egifuga ensi eno. Ebintu bino tibiva wa Kurisito.

2 Ab'e Thessalonika 1:4

N'ife beene kye tuva ni tuwulira nga twesiimye n'imwe, mu Bikunsu eby'Abaikiriza mu Kurisito ebya Katonda, olw'okuguma n'okwikiriza bye muli nabyo mu kukirigibwa n'okudaazibwadaazibwa.

2 Ab'e Thessalonika 2:15

Agho ni, aboluganda, mwekalangulire ku by'amazima bye twabeegeresa, mu bibono bye twayogera ni mu mbaluwa yaife.

1 Timotheo 1:11

Endhegeresa eyo entuufu, n'eyo ejiira ku Mawulire Amalungi era ag'ekitiisa, aga Katonda asaakibwa, agampeebwa okulangirira.

1 Timotheo 1:2

Mpandiikira Timotheo, omwana wange mwenemwene mu kwikiriza. Katonda Lata, ni Kurisito Yesu Musengwa waife akughe enkabi n'emiraala, era akusaasire.

1 Timotheo 1:4

Bakobe bakange agho okwemalira ku nfumo, ni ku kunoonenkereza endyo edh'abantu endeeyiriri edhitakutuka. Ebyo bivaamu bwa kutakana, mu kifo ky'okwegeresa abantu ebya Katonda ebiri mu kwikiriza.

1 Timotheo 1:6

Ebyo abantu abandi baabivaaku, baira mu kutakana okuziramu muganhulo.

1 Timotheo 1:9

Tugwaine tukimanhe ng'amateeka tigateebwagho lwa bantu batuufu, aye lwa abo abagamenha n'abadheemu abatatya Katonda, n'aboonooni abatali batukuvu, n'abatatya bitukuvu, n'abatemula baiseibwe ni bainhaibwe, n'abatemo abandi.

1 Timotheo 4:7

Weesambenga enfumo edhiziramu kutya Katonda, edhitagwanira na kughayaku. Wemanhirize okutyanga Katonda.

1 Timotheo 6:11

Aye iwe omuntu wa Katonda, ebyo byonabyona bireke, ojiirenga ku butuufu, okutya Katonda, okwikiriza, okugonza, okuguminkiriza n'okuba omwikaikamu.

1 Timotheo 6:14

okuumenga ekiragiro kalemberera nga ghazira kibi kyonakyona kikwogerwaku, okutuusa Musengwa waife Yesu Kurisito lw'aliidha.

2 Timotheo 2:1

Iwe niini mwana wange, weekalangule ng'oyambibwa amaani agali mu kwisa ekirala mu Kurisito Yesu.

2 Timotheo 2:16

Oteeyimbanga mu mpayo dhiziramu kutya Katonda, edhongera obwongere abantu obutatya Katonda.

Tito 1:14

mu kifo eky'okwemalira mu nfumo edh'Ekiyudaaya oba ku biragiro ebigundhe eby'abantu abaaloba amazima.

Tito 1:4

Mpandiikira Tito omwana wange mwenemwene bwe twikiriza obulala. Katonda lata ni Kurisito Yesu Omulokozi waife akughe enkabi n'emiraala.

Tito 1:9

Ateekwa okunhweza endhegeresa entuufu nga bw'eyegeresebwa, memale aghange okugumya abantu mu ndhegeresa entuufu era n'okwoleka obukyamu bw'abo abagitakania.

Tito 3:9

Aye oteeyimbanga mu ntaka dhiziramu makulu, oba okutakana ku ndyo dha bantu, oba obutaisania n'okusoola ku biri mu mateeka, kuba ebyo ghazira kye biganhula era bya bwereere.

Okwolekebwa 3:3

“Kale idhukira bye wayegeresebwa ni bye wawulira, obigeme era weenenie. Bw'otaazuuke ndidha kwidha ng'omwibi, era tolimanha kaseera ke ndiidhiramu y'oli.