1 Timotheo 6:13 - Baibuli Ekibono kya Katonda 2014

¹³ Ndi kukusikirira mu maiso ga Katonda agha byonabyona obulamu, n'aga Kurisito Yesu eyayatula okwikiriza mu maiso ga Pontio Pilato,

1 Timotheo 6:13 ပူးပေါင်းရင်းမြစ်များ

Matayo 27:11

Agho Yesu yaayemerera mu maiso ag'omufuzi, Pilato era Pilato yaamubuuza ati: “Niiwe kyabazinga ow'Abayudaaya?” Yesu yaakoba ati: “Niiwe okyogeire.”

Matayo 27:2

Agho baamusiba baamutwala era baamughaayo ew'omufuzi Pilato.

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Yoanne 19:11

Yesu yaamwiramu ati: “Tiwandibaire na bukumu ku nze nguli tibwakugheebwa Katonda. Kale ampaireyo mu ngalo dho n'ali n'ekibi ekisinga.”

Yoanne 5:21

“Nga Lata bw'azuukiza abafu era n'abagha obulamu, mu nsambo n'endala n'Omwana bw'agha obulamu abo b'ayenda okubugha.

Yoanne 5:26

“Kuba nga Lata mwene bw'ali n'obulamu, mu nsambo n'endala n'Omwana yamugha abe n'obulamu.

Ebikolwa by'Abatume 17:25

Era oyo ghazira kye yeetaaga bantu kumukolera, kuba oyo n'abagha obulamu na buli kintu.

2 Ab'e Korintho 9:13

Okugheereza kwaimwe kuno kukakasa abantu nga bwe muli. Olwo abantu kamaala baagha Katonda ekitiisa olw'okwikiriza n'okwatula Amawulire Amalungi aga Kurisito, era n'olw'obugabi bwaimwe eri abantu abo, era n'eri abandi boonaboona.

Ab'e Galatia 3:26

Kuba mu Kurisito Yesu, mwenamwena muli buti baana bakulu aba Katonda olw'okwikiriza.

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.

1 Timotheo 1:12

Neeyanza Kurisito Yesu musengwa waife, eyampa amaani okukola omulimo guno, era n'abona nga ngwaniire, n'anonda okumugheereza.

1 Timotheo 1:15

Ekibono kino kituufu kyene era kigwaine okwikiriza, ekikoba kiti: Kurisito Yesu yaidha mu nsi okulokola aboonooni. Era mu abo nze ndi mberi wa boonaboona.

1 Timotheo 2:5

kuba ghaligho Katonda mulala ati, era oyo agemagania abantu ni Katonda ali mulala, n'oyo Omuntu Kurisito Yesu.

1 Timotheo 5:21

Nkusikirira mu maiso ga Katonda, ni Kurisito Yesu, ni bamalaika abatukuvu, ojiirenga ku biragiro bino buliidho, aghazira kwekubira oba okusaliriza.

1 Timotheo 6:12

Lwana bukalamu olutalo olw'okwikiriza, ogheebwe obulamu obutawaagho, Katonda bwe yakwetera, lwe weeyatulira obukalamu mu maiso ag'abadhulizi abangi.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

Okwolekebwa 21:6

Era yankoba ati: “Biwoire! Ninze Alufa ni Omega, entoolo n'enkomerero. Kiisi ali ndiwo ndimugha yaanhwera ku bwereere ku nsulo ey'amaadhi ag'obulamu.

Okwolekebwa 22:1

Agho malaika yandholeka omwiga ogw'amaadhi ag'obulamu agabitamu amaiso, oguva mu kityamo kya Katonda n'eky'Entaama Ento.

Okwolekebwa 3:14

“Ghandiikira malaika w'Ekikunsu eky'Abaikiriza mu Kurisito eky'e Laodikea, oti: Oyo oyetebwa Amiina, omudhulirwa omwesigwa, ow'amazima, era ensimuko y'ebyo Katonda bye yatonda, akoba ati:

1 Samueli 2:6

Musengwa Katonda aita era yaizaagho obulamu; aserengesa omuntu ghansi e magombe, era yaamuzuukiza okuva e magombe.