1 Timotheo 6:11 - Baibuli Ekibono kya Katonda 2014

¹¹ Aye iwe omuntu wa Katonda, ebyo byonabyona bireke, ojiirenga ku butuufu, okutya Katonda, okwikiriza, okugonza, okuguminkiriza n'okuba omwikaikamu.

1 Timotheo 6:11 ပူးပေါင်းရင်းမြစ်များ

1 Bakyabazinga 13:1

Agho omulanzi yaava mu Buyudaaya nga Musengwa Katonda n'amulagiire, yaaja e Betheli. Yaayagaana Yeroboamu ng'ayemereire aghali alutaari, okuniokeza obubbaani.

1 Bakyabazinga 13:26

Omulanzi omukaire eyaiza ole bwe yakiwulira, yaakoba ati: “Oyo n'omulanzi eyadheemera Musengwa Katonda kye yamulagira, olwo Musengwa Katonda oyo n'okumughaayo, empologoma n'emuyuzayuza n'emwita. Ekyo kyatuukiriza Musengwa Katonda oyo bye yakoba omulanzi oyo ati biidha kubaagho.”

1 Bakyabazinga 17:18

Agho omukazi yaakoba Eliya ati: “Ondiku nzigu yaaki, iwe omuntu wa Katonda? Waidha ghano kwidhusa Katonda bibi byange, na kwitisa mwana wange?”

1 Bakyabazinga 17:24

Agho omukazi yaakoba Eliya ati: “Mpegaano mmanhiire irala ng'oli muntu wa Katonda, era nga bwenebwene Musengwa Katonda ky'ayogera ng'abita mu iwe kiba kya mazima.”

1 Bakyabazinga 20:28

Agho omuntu wa Katonda yaaja yaakoba Ahabu kyabazinga wa Isiraeli ati: “Musengwa Katonda akoba ati, ‘Olw'okuba Abasiria baakoba bati nze Musengwa Katonda ndi musambwa gwa ku nsozi ogutali gwa mu biiko, ndidha kukuta mu ngalo olukunkumuli olwo lwonalwona olw'abalwani, memale mumanhe nga ninze Musengwa Katonda.’ ”

2 Bakyabazinga 1:13

Kyabazinga yaatuma omusaadha owokusatu akulira abaisirukale amakumi ataanu, ng'ali n'abaisirukale be amakumi ataanu, yaaniina olusozi yaakuba amakiryaivu mu maiso ga Eliya. Yaamwegayirira ng'akoba ati: “Nkweghembye muntu wa Katonda iwe, ngemerwa ekivunika owonie obulamu bwange n'obw'abagheereza bo bano amakumi ataanu.

2 Bakyabazinga 1:9

Agho kyabazinga yaatuma omusaadha akulira abaisirukale amakumi ataanu, aje n'abaisirukale be amakumi ataanu, aleete Eliya. Omusaadha oyo yaaja yaaniina olusozi, yaayagaana Eliya ng'atyaime ku ngulu ku lusozi olwo. Yaamukoba ati: “Muntu wa Katonda iwe, kyabazinga alagiire ati, ‘Va ghaigulu ku lusozi oike.’ ”

2 Bakyabazinga 23:17

Agho kyabazinga yaabuuza ati: “Amagombe ago ge ndi kubona g'ani?” Abantu ab'omu kibuga ekyo Betheli baamukobera bati: “Ago n'amagombe g'omuntu wa Katonda eyava mu Buyudaaya, n'alanga ebintu ebyo by'okoze ku alutaari eno ey'e Betheli.”

2 Bakyabazinga 5:20

Gehazi omugheereza wa Elisha omuntu wa Katonda, yaakoba mule ati: “Bona, musengwa wange alese Naamani Omusiria yaaja, nga tamutoireeku ebyo bye yaleeta! Ndayira mu Musengwa Katonda omulamu nti ndidha kumulumuukirira mbeeku ni kye mmutoolaku.”

1 Ebyomubyanda 23:14

Aye abaana ba Musa omuntu wa Katonda, baababalira mu Balevi.

2 Ebyomubyanda 8:14

Solomoni oyo yaakola nga lata we Daudi bwe yalagira, yaataagho engobo bakabona dhe baakolerangamu omulimo gwaibwe. Yaataagho n'engobo Abalevi dhe baakolerangamu omulimo gwaibwe ogw'okwemba enhembo edhisaaka, n'okugheereza nga bayambaku bakabona, nga bwe kyetaagisanga buli lunaku. Yaataagho n'abakuumi b'emiryango mu ngobo, ku buli mulyango kuba atyo Daudi omuntu wa Katonda bwe yalagira.

Nehemia 12:24

Abalevi nga bakulemberwa Hashabia, ni Sherebia, ni Yeshua mutabane wa Kadimieli, beegabaniamu ebikunsu. Nga ku buli mukuzi ghabaagho ebikunsu bibiri ebiba biri kwemba enhembo edhisaaka n'okwebaza Katonda, ng'ekindi kiri kwemba eby'okwiramu, nga kyabazinga Daudi omuntu wa Katonda bwe yalagira.

Nehemia 12:36

Hoshaia oyo era yaaja n'aboluganda lwe abandi bano: Shemaia, ni Azareli, ni Milalai, ni Gilalai, ni Maai, ni Nethaneli, ni Yuda, ni Hanani, abaajanga nga bakuba ebivuga ng'ebya kyabazinga Daudi omuntu wa Katonda. Ezera omunamateeka n'eyabakulemberamu.

Zabbuli 34:14

Ave mu kukola ebibi akole ebituufu, anoonie eidembe era alitambuliremu.

Zabbuli 38:20

Abo abansasulamu ebibi nga mbakoleire ebikalamu, bazigu bange; kuba nze ngezaaku okukola ekituufu.

Ensambo 15:9

Musengwa Katonda yeenhinhata eneebisa ey'ababi, aye agonza abo abajiira ku butuufu.

Isaia 51:1

Musengwa Katonda akoba ati: “Mumpulirise imwe abanoonia okulokolebwa, mulowooze ku ibaale kwe mwabaadhibwa, ni ku kirombe eky'amabaale mwe baabasima.

Yeremia 35:4

naabatwala mu isinzizo. Agho naabaingiza mu kisenge ky'abeegeresebwa ab'omulanzi ayetebwa Hanani mutabane wa Igadalia. Ekisenge ekyo kyali ghaigulu gh'ekisenge kya Maaseia mutabane wa Shallumu eyakuumanga omulyango gw'eisinzizo. Era nga kiri kumpi n'ebisenge eby'abakungu abandi ab'omu isinzizo.

Ab'e Roma 14:19

Kale ni tunoonienga ebyo ebireeta emiraala, na kiisi muntu okugumya mwine.

1 Ab'e Korintho 10:14

Kale bakagwa mutaseetanga ya kusinza bintu ebisinzibwa ebitali Katonda.

1 Ab'e Korintho 14:1

Munuyirirenga okugonza banaimwe, era mufubenga okufuna ebirabo Mwoyo by'agha, era nga ekisinga bukulu n'eky'obulanzi.

1 Ab'e Korintho 6:18

Mweghalenga obwenzi. Ebibi ebindi omuntu by'akola tabikola ku mubiri gwe, aye omwenzi ayonoona ku mubiri gwe gwene.

Amateeka Agokubiri 16:20

Buliidho musalenga ensonga mu butuufu, olwo musobole okutwala ensi Musengwa Katonda waimwe y'ali kubagha, era mugighangaaliremu.

Amateeka Agokubiri 33:1

Dhino n'enkabi, Musa omusaadha wa Katonda dhe yasabira Abaisiraeli ng'akaali kufa.

1 Timotheo 1:14

Musengwa waife yansaasira inho, yampa okwikiriza n'okugonza, bye tufunira mu Kurisito Yesu.

1 Timotheo 4:12

Ole atakufuginkirizanga lwa buto bwo, aye oba nga kya kuboneraku eri abaikiriza, mu ndhogera, mu kwebisa, mu kugonza, mu kwikiriza, ni mu bwamufu.

1 Timotheo 5:10

Namwandu oyo ateekwa okuba nga amanhiibwa olw'ebikolwa ebikalamu: nga yakuza bukalamu abaana be, nga yasangaaliranga abageni, nga yanaazanga ebigere eby'abantu ba Katonda, nga yayambanga abali mu buzibu, era nga yeeghaayo inho okukola obukalamu mu buli nsambo.

1 Timotheo 6:20

Timotheo, kuumanga bukalamu bye wagemesebwa. Oteeyimbanga mu mpayo edh'abatatya Katonda, ni mu kutakana ebiziramu, abandi kwe beeta amagezi

2 Timotheo 2:21

Omuntu bwe yeetukuza n'ava mu bibi byonabyona, afuuka ekibya ekikozesebwa emirimo egy'ebbeeyi, ng'atukuziibwa era nga wa mugaso ye Musengwa era eyeetegeike okukola omulimo gwonagwona omukalamu.

2 Timotheo 2:22

Agho ni lekanga ebitwaliriza abaisuka byonabyona, okolererenga obutuufu, okwikiriza, okugonza, n'emiraala nga weeyimbye n'abo abasinza Musengwa n'omwoyo omunaabuufu.

2 Timotheo 3:10

Aye iwe obaire olondoola bukalamu bye mbaire nga ndhegeresanga, ensambo ye neebisaamu, ekigendererwa kyange mu bulamu, okwikiriza kwange, okugumira ebizibu kwange, okugonza kwange, okuguminkiriza kwange,

2 Timotheo 3:17

Olwo omuntu wa Katonda abe mwetegefu ng'ali n'ebyetaagisa byonabyona okukola kiisi mulimo omukalamu.

Abaheburayi 12:14

Mufaabiikanenga okuba n'emiraala y'abantu boonaboona era mufaabiikanenga okuba n'obutukuvu, kuba aghazira obwo, ghazira alibona Musengwa.

1 Petero 3:11

Ave mu kukola ebibi akole ebituufu, anoonie eidembe era alitambuliremu;

1 Samueli 2:27

Agho omuntu wa Katonda yaidha ewa Eli, yaamukoba ati: “Musengwa Katonda akobye ati, ‘Nabonekera ab'endhu ya dhaadha wo, bwe baali nga bairu ba kyabazinga w'e Misiri.

1 Samueli 9:6

Aye omugheereza yaamwiramu ati: “Bona eno, mu kibuga kino mulimu omuntu wa Katonda abantu ye baisaamu ekitiisa, era kiisi ky'ayogera kituukirira. Ka tuje y'ali, oba katyo anaatukobera eby'olugendo lwaife lwe tuli kutambula.”