1 Timotheo 5:8 - Baibuli Ekibono kya Katonda 2014

⁸ Oyo atafa ku babe, n'okusingira irala ab'omu ndhu ye, aba yeegaine okwikiriza, era aba mubi okusinga ataikiriza.

1 Timotheo 5:8 ပူးပေါင်းရင်းမြစ်များ

Amainhama 30:30

Kuba wali na bitono nga nkaali kwidha, aye mpegaano byeyongeire inho, era Musengwa Katonda yakugha enkabi ku lwange. Aye olwo mpegaano nze ndifuna li zeena eby'amaka agange.”

Isaia 58:7

Abo abali endhala mubaghenga ku mere yaimwe, n'abaavu abazira maka mubaingizenga mu maka gaimwe. Abo ababita amadu mubaghenga eby'okuvaala, era mutalobanga kuyamba bantu babaliku luganda.

Matayo 18:17

Aye bw'aloba okuwulirisa abo, olwo ni ng'okobera Ekikunsu eky'Abaikiriza mu Kurisito. Bw'aloba okuwulirisa n'Ekikunsu eky'Abaikiriza, ng'olwo ni mumubisa ng'azira kwikiriza era ng'omughooza w'omusolo.

Matayo 7:11

Kale, oba nga imwe ababi mwidhi okugha abaana baimwe ebirabo ebirungi, Iseimwe ali mu igulu talisingagho inho okugha ebirungi abamusaba?

Yoanne 15:22

Nguli tyaidha ni ndhogera nabo nguli bazira kibi, aye mperaano bazira kya kwegemya.

1 Ab'e Korintho 6:6

Owoluganda yaawoza n'owoluganda mwine, era yaaganha abataikiriza okubasalira omusango?

2 Ab'e Korintho 12:14

Mperaano guno n'omukuzi ogwokusatu nga neetegekanga okwidha eyo era tiidha kubakaluubiriza, kuba imwe beene niimwe be nhenda, se ti bintu byaimwe. Kuba era abaana ti n'abagwaine okulabirira abazaire, aye abazaire n'abali n'okulabirira abaana baibwe.

2 Ab'e Korintho 6:15

Kurisito aisania atya ni Beliali? Oba omwikiriza aisania atya n'atali mwikiriza?

Ab'e Galatia 6:10

Agho ni buli lwe tunaafunanga akaghagaanhia, tugwaine tukolerenga abantu boonaboona ebirungi n'okusingira irala abo be tuli nabo mu kika ekirala mu kwikiriza.

2 Timotheo 2:12

Bwe tuguma tulifugira ghalala naye; bwe tumwegaana yeena alitwegaana.

2 Timotheo 3:5

abeeyeta Abakurisito aye nga tibenda Bukurisito kubafuga. Weesambenga abantu ng'oti n'abo.

Tito 1:16

Bakoba mbu baidhi Katonda, aye mu bikolwa byaibwe bamwegaana. Katonda oyo abeenhinhala bwenhinhale, era beene bamudheemera, baabulaku ekikalamu kye basobola okukola.

2 Petero 2:1

Nga bwe ghaaligho abalanzi abaguya mu bantu ba Katonda, ni mu imwe mulibaamu abeegeresa abaguya. Balyeibirira, baayegeresa ebikiidhamya Obukurisito era ebireeta okuzikirira. Era balyegaana Musengwa eyabanunula, beereetera okuzikirira amangu.

Yuda 1:4

Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw'ekisa kya Katonda nga benda bwisanie n'obudankaanu bwaibwe. Era beegaana Yesu Kurisito Omukulu waife era Musengwa waife yenka ati.

Okwolekebwa 2:13

Ndidhi y'oba eyo eri ekityamo kya Sitaani. Weekalanguliire ku nze. Era waasigala ng'ondhikiriza ni mu kiseera Antipa omudhulizi wange omwesigwa mwe yaitirwa eyo ewaimwe Sitaani y'aba.

Okwolekebwa 3:8

Ndidhi by'okola. Bona, nakwiguliragho olwigi mu maiso go oluzira waire mulala asobola kulwigala. Ndidhi ng'oli n'amaani matono, aye weekalanguliire ku kibono kyange waaloba kuneegaana.