1 Timotheo 5:3 - Baibuli Ekibono kya Katonda 2014

³ Banamwandu beene liina, batengamu ekinhagansi.

1 Timotheo 5:3 ပူးပေါင်းရင်းမြစ်များ

Yobu 29:13

Be nawonianga okufa bansabiranga nkabi. Banamwandu bye nabakoleranga byabasangaazanga inho, baakuba emizira.

Yobu 31:16

Naali nhimyeku abaavu bye beetaaga? Naali mmazeeku mu namwandu eisuubi?

Zabbuli 146:9

Musengwa Katonda akuuma abasenze, be tusenza mu nsi yaife, yaayamba banamwandu ni bamulekwa. Aye azikiriza ebyo abakozi ab'ebibi bye bakola.

Zabbuli 68:5

Oyo ni Katonda aba mu kifo kye ekitukuvu, ni lata w'abo abazira balata baibwe era n'akuuma banamwandu.

Zabbuli 94:6

Baita banamwandu ni bamulekwa, era baatemula abasenze be tusenza mu nsi yaife.

Okuvaayo 20:12

“Balata baimwe ni bainhaimwe mubaghenga ekitiibwa, olwo mughangaale enaku kamaala mu nsi nze Musengwa Katonda waimwe ye ndi kubagha.

Yeremia 49:11

Muleke bamulekwa baimwe, nze ndidha kubalabirira. Ni banamwandu baimwe beesige nze.

Matayo 15:6

aba takeetaaga kuta kitiisa mu Ise.’ Mu ngeri eyo ekibono kya Katonda mwakidibya olw'empisa ya badhaadha baimwe.

Matayo 23:13

“Mukagwireku Abanamateeka n'Abafarisaayo abakuusa imwe, kuba mwigaliragho abantu Obwakyabazinga obw'omu igulu kuba imwe beene timungira waire okuganha abenda okwingira.” [

Luka 2:37

Yaaba namwandu okutuusa emyaka kinaana n'ena. Yali nga tava mu isinzizo, omusana n'obwire ng'ali ku kugheereza Katonda, kusaba na kusiiba.

Luka 7:12

Bwe yali ng'ali kumpi okutuuka ku mulyango ogw'ekibuga, ghaabaagho omulambo gwe baali bafulumya. Omufu yali nga yazaalibwa mulala ati ku inhina, ate ng'ono yali namwandu era abantu ab'ekibuga abaaligho baali kamaala.

Yoanne 1:47

Yesu bwe yabona Nathanaeli ng'ali kwidha y'ali, yaamwogeraku ati: “Mubone Omuisiraeli keenekeene aziramu kwesubaayiriza kwonakwona.”

Ebikolwa by'Abatume 6:1

Ebiseera byatuuka abeegeresebwa baaja nga beeyongera obungi. Ghaabaagho obutaisania ghagati w'abayudaaya aboogera Olugureki n'Abayudaaya aboogera Oluyudaaya. Kuba Abayudaaya aboogera Olugureki baali baduuduuma bati banamwandu baibwe baali tibafiibwaku mu ngabania ey'ebyetaago ebyabuliidho.

Ebikolwa by'Abatume 9:39

Agho Petero yaasituka yaaja nabo. Bwe yatuuka baamutwala mu kisenge ekya ghaigulu. Banamwandu boonaboona baayemerera gh'ali nga balira era nga bwe bamulaga ebivaalo n'engoye edhindi Dorukasi bye yakola ng'akaali mulamu.

Ebikolwa by'Abatume 9:41

Petero yaamugema ku mukono yaamwemereza. Agho yaayeta abaikiriza ni banamwandu yaamubalaga nga mulamu.

Amateeka Agokubiri 10:18

Asala mu butuufu ensonga dha bamulekwa ni banamwandu. Yaagonza abasenze abali mu imwe, yaabagha eby'okulya n'eby'okuvaala.

Amateeka Agokubiri 14:29

Olwo Abalevi abazira mugabo gwa itaka lya nsikirano nga imwe bwe muli nagwo, n'abasenze, ni bamulekwa, ni banamwandu abali mu bibuga byaimwe, banaidhanga baafuna ku mere eyo, baalya baiguta olwo Musengwa Katonda waimwe aghange okubagha imwe enkabi mu byonabyona bye munaakolanga.”

Amateeka Agokubiri 16:11

Era mwidha kusagambiranga mu maiso ga Musengwa Katonda waimwe, mu kifo ky'aliba ng'asazeegho okumusinzizangamu, ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ab'omu bibuga byaimwe, n'abasenze, ni bamulekwa, ni banamwandu ababa mu imwe.

Amateeka Agokubiri 16:14

Mu kibinuko ekyo, mwidha kusagambiranga ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi, n'abasenze, ni bamulekwa, ni banamwandu abali mu bibuga byaimwe.

Amateeka Agokubiri 27:19

“ ‘Omuntu yeenayeena anaasalirizanga omusango ogw'omusenze ni mulekwa ni namwandu, akolimirwenga!’ Olwo abantu boonaboona baliiramu bati, ‘Amiina.’

1 Ab'e Thessalonika 2:6

Era titukolererangaku kusaakibwa bantu, ka babe imwe oba abandi, waire nga twandisoboire okubakaluubiriza ng'Abatume ba Kurisito.

1 Timotheo 5:2

Abakazi abakaire batwalenga nga bainhoko, ate abaguna batwalenga nga baanhoko. Ebyo bikolenga n'omwoyo omunaabuufu.

Yakobo 1:27

Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.

1 Petero 2:17

Buli muntu mumutengamu ekinhagansi. Mugonzenga aboluganda. Mutyenga Katonda, era ni Kyabazinga mumutengamu ekinhagansi.

1 Petero 3:7

Mu nsambo n'endala eyo abasaadha mubenga ni bakazi baimwe nga mwidhi muti mu kikula kyaibwe banafu. Mubatengamu ekinhagansi kuba mulifuna nabo obulamu obutawaagho. Mukole mutyo ghabule ekitabulatabula okusaba kwaimwe.