1 Timotheo 5:22 - Baibuli Ekibono kya Katonda 2014

²² Toyanguyirizanga kwisa mikono ku muntu yeenayeena. Tiweetabanga mu bibi bya bandi. Weekuumenga ng'oli mwamufu.

1 Timotheo 5:22 ပူးပေါင်းရင်းမြစ်များ

Zabbuli 50:18

Bwemubona omwibi, ng'oyo afuuka mukagwa waimwe, era omwenzi mumwaniriza.

Ebikolwa by'Abatume 13:3

Agho bwe baamala okusiiba n'okusaba, baabaisaaku emikono, baabatuma.

Ebikolwa by'Abatume 18:6

Bwe baamutakania ni bamuvuma, yaakunkumula ebivaalo bye yaakoba ati: “Bwe mulizikirira ogwo musango gwaimwe. Nze nziraku musango. Okuva ni buti ndidha kuja y'abamaghanga agandi.”

Ebikolwa by'Abatume 20:26

Kyenva mbakakasa olwaleero nti bweghabaagho alizikirira, tiguliba musango gwange.

Ebikolwa by'Abatume 6:6

Bano baabaleeta y'Abatume abaabasabira ni babaisaaku n'emikono.

Ab'Efeso 5:11

Muteeyimbanga mu kukola bintu bya mu nzikiiza ebiziramu nsa abantu bye bakola, aye mubyatuukirizenga.

1 Timotheo 3:10

Era basookenga kwekebeedhebwa, kikakasibwe nga baziraku kibanenezebwa, memale bakolenga ng'abagheereza.

1 Timotheo 3:2

Omulabirizi tateekwa kubaaku ni kye bamwogeraku. Ateekwa okuba n'omukazi mulala, ateekwa okuba nga yeefuga, ataamu amagezi mu by'akola, yeebisa bukalamu, asangaalira abageni, ate aidhi okwegeresa.

1 Timotheo 3:6

Omulabirizi ateekwa okuba omuntu akakaite mu kwikiriza, alobe kweghanika nakusalirwa musango nga bwe gwasalirwa Sitaani ni gumusinga.

1 Timotheo 4:12

Ole atakufuginkirizanga lwa buto bwo, aye oba nga kya kuboneraku eri abaikiriza, mu ndhogera, mu kwebisa, mu kugonza, mu kwikiriza, ni mu bwamufu.

1 Timotheo 4:14

Otagayaalira kitone ky'oli nakyo, ekyakugheebwa bwe waisibwaku emikono abakulembeze b'abaikiriza ng'abalanzi bwe baalanga.

2 Timotheo 1:6

Kyenva nkwidhusa okukuumanga ekirabo ekiri mu iwe Katonda kye yakugha lwe nakwisaaku emikono, kirobe kuzikirira

2 Timotheo 2:2

Ebyo bye wawulira nga nkoba mu maiso g'abadhulirwa abangi, bigemye abantu abo abeesigwa abalisobola boona okubyegeresa abandi.

Abaheburayi 6:2

Era nga tubeegeresa ebigema ku kubatizibwa okwa buli nsambo, n'ebigema ku kuteebwaku emikono, n'ebigema ku kuzuukira okw'abafu era n'ebigema ku kusalirwa omusango ogutawaagho.

Yoshua 9:14

Kale Abaisiraeli baaganha okulya ku mere eyo abasaadha abo ye baasiba, ng'akamanhiso ak'endagaano. Aye kino baakikola nga tibeebuuziizaaku ku Musengwa Katonda.

2 Yoanne 1:11

Kuba oyo amulamusa aba aisania naye mu bibye by'akola.

Okwolekebwa 18:4

Era naawulira amamiro agandi agava mu igulu nga gakoba gati: “Bantu bange, mumuveemu, mulobe kweyimba mu bibi bye, na kugabana ku bibamba bye;