1 Timotheo 5:17 - Baibuli Ekibono kya Katonda 2014

¹⁷ Abakulembeze b'abaikiriza abakola obukalamu, bagwaniire empeera ya mikuzi ebiri, ng'abasinga n'abo abakalabatana okukobera n'okwegeresa abantu ekibono kya Katonda.

1 Timotheo 5:17 ပူးပေါင်းရင်းမြစ်များ

2 Bakyabazinga 2:9

Bwe baamala okusomoka, Eliya yaakoba Elisha ati: “Saba kye mbe nkukolere nga bakaali kuntwala kukuvaaku.” Elisha yairamu ati: “Nkusaba onganhe nfune omugabo gwa mikuzi ebiri ogw'omwoyo gwo.”

Isaia 40:2

Mwize amaani mu bantu b'omu Yerusalemu. Mubakobe muti mpegaano okudaazibwadaazibwa kukomye, era ebibi byaibwe bisoniyiibwa. Nze Musengwa Katonda namala okubagha ekibonerezo ekibajaamu olw'ebibi byaibwe.”

Yeremia 16:18

Nja kubabonereza nga mbeesasuulizaaku emikuzi ebiri olw'okwonoona kwaibwe n'ebibi byaibwe kuba baayonoona ensi yange baagireetamu ebisinzibwa byaibwe ebitali Katonda ebyenhinhalwa ebiri ng'oti bwa mirambo, era bagiidhuza emisambwa.”

Yeremia 17:18

Abo abankiriga bagwananga baaswala, aye nze, iwe Musengwa Katonda, mponia okuswala. Beene n'ababe beeraliikirirenga, aye nze otandekanga kweraliikirira. Basindikire akabi kabasaanizeegho irala.

Zekaria 9:12

Imwe abali mu bunhage, mwire mu kifo kyaimwe eky'okwewogomamu. Mwire kuba mpegaano muli n'eisuubi. Olwaleero ndi kubakakasa nti ebyaimwe byonabyona ebyayonoonebwa mu kudaazibwadaazibwa kwaimwe, ndibibairizaagho naasinzaagho emikuzi ebiri.

Okubala 18:31

Munaabanga ba idembe, imwe beene era n'ab'omu ndhu dhaimwe, okubiriira mu kifo kyonakyona ekibaagho, kuba ebyo n'ebisasulira obugheereza bwe mukola mu Weema ey'Okwagaananirangamu ni Musengwa Katonda.

Matayo 24:25

“Mwekuume mbakobeire nga bukaali.

Luka 10:7

Mu ndhu yeene eyo mwe musulanga, mwalyanga era mwanhwanga bye babagha kuba omukozi agwana okusasulwa enkemba ye. Mutavanga mu ndhu kwira mu yindi.

Luka 12:42

Musengwa yaakoba ati: “Omughanika omwesigwa era omwegendereza n'ali gha? N'oyo musengwa we y'akuumisa ab'omu maka ge n'okubaghanga emere yaibwe mu biseera ebituufu?

Yoanne 4:38

Nabatuma okukungula bye mutaalima; bandi n'abaalima imwe mwaganhulwa olw'amaani gaibwe.”

Ebikolwa by'Abatume 11:30

Baakola batyo era baatuma Barunaba ni Saulo okutwala obuyambi obwo y'abakulembeze ab'Ekikunsu ky'Abaikiriza mu Kurisito.

Ebikolwa by'Abatume 20:35

Nabooleka mu ebyo byonabyona bye nakola nti tuteekwa okufaabiikana okuyamba abanafu nga twidhukira ebibono bya Musengwa Yesu eyakoba ati, ‘Okugaba kwesiimisa okusinga okugheebwa.’ ”

Ebikolwa by'Abatume 28:10

Baatugha ebirabo kamaala era bwe twatuusa ekiseera okuvaayo baatugha byonabyona ebyali byetaagisa mu lugendo.

Ab'e Roma 12:8

Oba kulamba tulambenga, oba kugaba tugabenga n'omwoyo mulala; omufuzi abenga munhinkiivu, n'oyo akolera abandi eby'ekisa akolenga atyo nga musangaavu.

Ab'e Roma 15:27

Ekyo beene n'abaasalagho okukikola, aye era baali n'eibandha okuyamba abaavu abo kuba Abayudaaya baagabiraku amaghanga agandi ku birungi byaibwe eby'omwoyo. Kale abamaghanga agandi boona bateekwa okuyamba Abayudaaya mu by'omubiri.

Ab'e Roma 16:12

Muunamukize Torufaina ni Tirufosa abakola omulimo gwa Musengwa. Muunamukize ni mukagwa wange Perusi eyakolera Musengwa emirimo ekyodo.

1 Ab'e Korintho 15:10

Aye olw'ekisa kya Katonda, kye nva ni mba nga bwendi buti. Era ekisa ekyo tikyafa busa. Nakola inho okusinga abatume abandi, waire nga mu butuufu ti ninze eyali akola, aye ekisa kya Katonda nga n'ekikolera mu nze.

1 Ab'e Korintho 16:16

Aboluganda, mbeeghemba mugonderenga abantu ng'oti n'abo, era mugonderenga n'oyo yeenayeena afuba okukolera aghalala nabo.

1 Ab'e Korintho 3:9

Kuba ife, Katonda tuli bakozi baine era imwe muli nimiro ya Katonda. Kabiri muli kizimbe kya Katonda.

2 Ab'e Korintho 6:1

Nga tukolera ghalala ni Katonda, tubeeghembye ekisa Katonda kye yabagemerwa mutakireka kufa busa.

Ab'e Galatia 6:6

Oyo ayegeresebwa ekibono, atoole ku bibye byonabyona agheeku oyo amwegeresa.

Amateeka Agokubiri 18:8

Aidha kufunanga omugabo gw'emere nga n'omulala n'ogwa baine, ng'otoireku ebyo by'anaabanga ng'afunie okuva mu boluganda lwe.”

Ab'e Filippi 2:16

Mukalangule ekibono eky'obulamu memale ku lunaku lwa Kurisito nsobole okwenhumiriza nti amaani n'okufaabiikana kwange tibyafa busa.

Ab'e Filippi 2:29

Kale mumusangaalire inho ng'owoluganda mu Musengwa. Era abantu abali ng'oti n'oyo mubatengamu ekinhagansi,

Ab'e Filippi 4:3

Era weena mukozi munange omwesigwa nkweghemba oyambe abakazi abo, kuba baakola inho ninze mu kusansaania Amawulire Amalungi. Era nga batyo bwe baali ni Kelementi, era ni bakozi banange abandi, beene maina agali mu kitabo kya Katonda eky'obulamu.

1 Timotheo 3:5

Kuba omuntu ataghanga kufuga maka ge, asobola atya okulabirira Ekikunsu eky'Abaikiriza mu Kurisito ekya Katonda?

1 Timotheo 4:10

Kye tuva ni tufaabiikana era ni tufuba einho, lwa kuba eisuubi lyaife liri mu Katonda omulamu Omulokozi w'abantu boonaboona, aye okusingira irala ow'abo abaikiriza.

1 Timotheo 4:14

Otagayaalira kitone ky'oli nakyo, ekyakugheebwa bwe waisibwaku emikono abakulembeze b'abaikiriza ng'abalanzi bwe baalanga.

1 Timotheo 4:16

Weekuume mu nsambo ye weebisaamu, era ni mu by'oyegeresa, era weekalangulire ku ebyo, kuba bw'okola otyo, olyerokola iwe mwene, era n'abo abakuwulira.

1 Timotheo 4:6

Ebibono ebyo bw'onaabituusa ku boluganda, onaaba mugheereza wa Kurisito Yesu mukalamu, aliisibwa ebibono eby'amazima eby'endhikiriza n'endhegeresa enungi y'ojiiraku.

1 Timotheo 5:19

Towulirisanga bye boogera ku mukulembeze wa baikiriza, okutoolaku nga biriku abadhulizi babiri oba basatu.

1 Timotheo 5:3

Banamwandu beene liina, batengamu ekinhagansi.

2 Timotheo 2:6

Omulimi eyafuba n'asooka okulya ku bibala.

2 Timotheo 4:2

Koberanga abantu ekibono, badeebe oba bakisiima oba tibakisiima, bainhonhole, obanenie era obagumye, obeegerese n'obuguminkiriza.

Abaheburayi 13:17

Muwulirenga abakulembeze baimwe era mubagonderenga, kuba n'abalabirira emyoyo gyaimwe, era balyewozaaku ensambo ye baagirabiriramu. Mubasobozese okukola omulimo guno n'eisanhu, aye ti mu nnaku, kuba ekyo ghazira kye kibaganhula.

Abaheburayi 13:24

Mulamuse abakulembeze baimwe boonaboona n'abatuukirivu boonaboona. Ab'omu Italia babalamwisa.

Abaheburayi 13:7

Mwidhukirenga abakulembeze baimwe abaabakobera ekibono kya Katonda. Mwidhukirenga eby'obulamu bwaibwe, era mubenga n'okwikiriza ng'oti n'okwaibwe.