1 Timotheo 5:14 - Baibuli Ekibono kya Katonda 2014

¹⁴ Kyenva nhenda banamwandu abato babayirenga bazaale abaana, era balabirirenga amaka gaibwe. Olwo lwe bataaleetere muzigu kuba na kaghagaanhia ka kutwogeraku bubi.

1 Timotheo 5:14 ပူးပေါင်းရင်းမြစ်များ

Amainhama 18:6

Aburahamu yaayangugha, yaingira mu weema eri Sara, yaamukoba ati: “Tegeka ebigero bisatu eby'engaano enungi, ogikande era ogifumbemu emigaati.”

Amainhama 18:9

Baamubuuza bati: “Mukazi wo Sara ali gha?” Yaabairamu ati: “Ali munda mu weema.”

2 Samueli 12:14

Aye olw'okuba wakola ekikolwa ekyo wanhooma inho Musengwa Katonda, omwana wo aidha kufa.”

Ensambo 14:1

Amagezi ag'omukazi n'agazimba amaka ge, aye obusiru bwe bugasaaniagho.

Yeremia 29:6

Mufumbiraganwe, muzaale abaana. Muleke n'abaana baimwe boona bafumbiraganwe, bazaale abaana. Muzaale mwale eyo ye muli, mulobe kukendeera.

Danieli 6:4

Bakungu baine bale ab'oku ntwiko ababiri, ghalala n'abafuzi ab'amasaza, baanoonia bazuuleyo ekintu eky'okwemuluguunhia ku Danieli ku bigemagana n'obwakyabazinga. Aye baalemwa okufuna kye banaavaaku okumwemuluguunhiaku, kuba yali mwesigwa, ng'azira nsobi y'akola waire okuba n'ekikyamu ky'akola.

Ab'e Roma 14:13

Kale ni tukange agho buli muntu okunenianga mwine. Era tutaleeteranga waluganda kugwa mu kibi.

2 Ab'e Korintho 11:12

Kye nkola buti ndidha kweyongera okukikola, nsobole okulemya abo abeesaaka nga bakoba mbu bye bakola n'ife bye tukola biri ku musingi mulala.

1 Timotheo 2:8

Kale, nhenda abasaadha, buli ghantu woonawoona beeghembenga Katonda, nga baghanika emikono gyaibwe emitukuvu, nga bazira busungu oba ntaka.

1 Timotheo 4:3

Abo n'abalobera abantu okubayiza oba okubayira, era ni babalobera eby'okulya ebindi Katonda bye yagha abaikiriza era abaidhi amazima, okubiryanga nga bamweyanza.

1 Timotheo 5:11

Aye toganhanga kughandiika banamwandu abakaali abato, kuba amairu ag'okubayira bwe gabatanuka, bava ku Kurisito.

1 Timotheo 6:1

Abo abairu bagwaine okuta einho mu basengwa baibwe ekinhagansi, eriina lya Katonda, n'endhegeresa ey'Ekikurisito birobe kwogerwaku bubi.

Tito 2:5

Era batenga amagezi mu bye bakola, babenga baamufu, abakola obukalamu emirimo mu maka gaibwe, ab'ekisa era abawulize ye baibaibwe. Memale ekibono kya Katonda kirobenga kuvumibwa.

Tito 2:8

Kozesanga ebibono ebituufu byene omuntu by'atasobola kubisaamu maiso olwo, abazigu bo baswale olw'okubula ekibi kye basobola okutwogeraku.

Abaheburayi 13:4

Obufumbo buteebwengamu ekitiisa abantu boonaboona, era obufumbo bukuumibwenga nga butukuvu, kuba abadankaanu n'abenzi, Katonda alibasalira omusango.