1 Timotheo 5:11 - Baibuli Ekibono kya Katonda 2014

¹¹ Aye toganhanga kughandiika banamwandu abakaali abato, kuba amairu ag'okubayira bwe gabatanuka, bava ku Kurisito.

1 Timotheo 5:11 ပူးပေါင်းရင်းမြစ်များ

Isaia 3:16

Musengwa Katonda era akoba ati: “Abakazi b'omu Yerusalemu beebona nga ba ghaigulu, baatambula nga bamadalaiza emitwe, era baamoga bwenzi bwereere. Batambula mpolampola kasaalizo, baaja nga bawolomya obulege bwe bavaala mu bukongoivule.

Hosea 13:6

Aye bwe mwatuuka mu nsi enungi, ni mulya era ni mwiguta, olwo mwatoolera okwekuluntaza, mwaneerabira.

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.

1 Timotheo 4:3

Abo n'abalobera abantu okubayiza oba okubayira, era ni babalobera eby'okulya ebindi Katonda bye yagha abaikiriza era abaidhi amazima, okubiryanga nga bamweyanza.

1 Timotheo 5:12

Olwo nga beetaaku omusango ogw'obutatuukiriza ekyo kye baasooka okumusuubiza.

1 Timotheo 5:14

Kyenva nhenda banamwandu abato babayirenga bazaale abaana, era balabirirenga amaka gaibwe. Olwo lwe bataaleetere muzigu kuba na kaghagaanhia ka kutwogeraku bubi.

1 Timotheo 5:9

Namwandu okughandiikibwa mu banamwandu, ateekwa okuba ng'agheza emyaka nkaaga egy'obukulu. Era ateekwa okuba nga yabayiraku omusaadha mulala yenka.

Yakobo 5:5

Ku nsi kuno mubaire mu bulamu obw'okudiibuula n'okwesanhusa. Mugeedheire olunaku lule olw'okwitibwa.

2 Petero 2:18

Mu busiru bwaibwe baasiikana nga beesuuta, era baakozesa obudankaanu bwaibwe obw'omubiri okusendasenda abo abaakava obuve mu bantu abakaali mu nsobi.

Okwolekebwa 18:3

Kuba amaghanga goonagoona gaatamiira omwenge ogw'obwenzi bwe. Bakyabazinga ab'oku nsi baayenda naye, n'abasuubuzi ab'oku nsi bakombaghalira ku kwedhalabya kwe okungi.”

Okwolekebwa 18:7

Ye yakomya okwesaaka n'okwedhalabya, mwena ye mube mukomye okumudaaza n'okumuliza enaku; kuba yeesuuta mu mwoyo ati: ‘Ninze kyabazinga omukazi, tiri namwandu, era tirimanha bughafu naire.’

Okwolekebwa 18:9

Bakyabazinga ab'ensi abaayendanga naye era ni beedhalabyanga bwe balibona omwosi ng'ali kuya, balimulirira era baagegenga.