1 Timotheo 5:10 - Baibuli Ekibono kya Katonda 2014

¹⁰ Namwandu oyo ateekwa okuba nga amanhiibwa olw'ebikolwa ebikalamu: nga yakuza bukalamu abaana be, nga yasangaaliranga abageni, nga yanaazanga ebigere eby'abantu ba Katonda, nga yayambanga abali mu buzibu, era nga yeeghaayo inho okukola obukalamu mu buli nsambo.

1 Timotheo 5:10 ပူးပေါင်းရင်းမြစ်များ

Amainhama 18:4

Ka mbaleetere ku tuudhi munaabeku ku bigere, era muwoleereku agho mu kimpombye eky'omuti.

Amainhama 19:2

yaakoba ati: “Basengwa bange, mbeeghembye mwidheku ewange nze ndi mugheereza waimwe. Munaabeku ku bigere era musule ghano. Munaawuuna ku nkyo mweyongerayo.” Aye bairamu bati: “Busa, ife twidha kusula ghano mu ngira.”

Amainhama 24:32

Agho omusaadha yaaja, yaingira mu ndhu. Labani yaasibulula emigonero ku ngamiya, yaaleeta eisubi n'eby'okulya eby'engamiya, era yaaleeta n'amaadhi, omusaadha n'abaali naye, ge bananaaba ku bigere.

Amainhama 43:24

Omugheereza yaatwala aboluganda abo mu ndhu ya Yosefu, yaabagha amaadhi baanaabaku ku bigere, era yaagha endogoyi dhaibwe eby'okulya.

Zabbuli 119:4

Wo Musengwa Katonda, niiwe wataagho amateeka go era waalagira gakuumibwe butiribiri.

Isaia 1:17

mwege okukolanga ebirungi. Mufubenga okukola mu butuufu, mulekezenga agho abantu okutuntuza banaibwe, mulwanirirenga bamulekwa era muwolerezenga banamwandu.”

Abalevi 25:35

“Muisiraeli mwino bw'anaayavughalanga nga tasobola kubaagho ku lulwe yenka, onaamughanga obuyambi yaaba gh'oli, ng'oti ni bwe wandighaire omuntu ow'endha oba omusenze.

Matayo 25:17

N'eyafuna talanta eibiri yeena atyo, yaaja yaazaazaamu edhindi ibiri.

Matayo 5:16

Ekimulika kyaimwe kyakire abantu kityo, babone ebikolwa byaimwe ebikalamu, baghe Iseimwe ow'omu igulu ekitiisa.

Luka 7:38

Yaayemerera einhuma gh'ebigere bye yaalira. Era yaaboza ebigere bya Yesu n'amaziga ge, yaabisiimuuza enviiri dhe, yaabinhwegera, yaabisiiga obuwoowo.

Luka 7:44

Yaakyuka yaalingirira omukazi, yaakoba Simoni ati: “Obona omukazi ono? Nhingiire mu ndhu yo, tompaire maadhi ga kunaaba bigere. Aye ono aboziiza ebigere byange n'amaziga ge era yaabisiimuula n'enviiri dhe.

Ebikolwa by'Abatume 10:22

Bairamu bati: “Korunelio, omukulu ow'ekikunsu eky'abaisirukale n'atutumye. Omusaadha ono mutuufu, atya Katonda, era Abayudaaya boonaboona bamwogeraku bukalamu. Kale, malaika omutukuvu yamukoba akwete, oje ewuwe, awulire by'oyegeresa.”

Ebikolwa by'Abatume 22:12

“Agho mu Damasiko mwalimu omusaadha ng'ayetebwa Anania, atya Katonda mu kugema Amateeka, era ng'Abayudaaya baayo boonaboona bamwisaamu ekitiisa.

Ebikolwa by'Abatume 6:3

Kale ni baganda bange, mwerondemu abasaadha musanvu abatuufu, abaidhwire Mwoyo Mutukuvu, ab'amagezi, be tughanga okugemya omulimo ogwo.

Ebikolwa by'Abatume 9:36

Mu Yoppa mwalimu omukazi nga eriina lye ni Tabitha oba Dorukasi, ekitegeeza, empongo. Omukazi ono, yakolanga ebikolwa ebirungi era n'eby'ekisa.

Ebikolwa by'Abatume 9:39

Agho Petero yaasituka yaaja nabo. Bwe yatuuka baamutwala mu kisenge ekya ghaigulu. Banamwandu boonaboona baayemerera gh'ali nga balira era nga bwe bamulaga ebivaalo n'engoye edhindi Dorukasi bye yakola ng'akaali mulamu.

Ab'e Roma 12:13

Mutoolenga ku byaimwe mughenga abantu ba Katonda. Musangaalirenga abageni.

Ab'Efeso 2:10

Kuba ife tuli bitonde bya Katonda, twatondebwa mu Kurisito Yesu tukole ebikolwa ebikalamu Katonda bye yatutegekera okuva eira.

Ab'e Kolosai 1:10

Agho musobole okwebisa nga Musengwa bw'ayenda era nga mukola ebimusangaaza mu buli nsambo nga kiisi kye mukola kikalamu era nga kyania ebibala, era mweyongere n'okumanha Katonda.

1 Timotheo 2:10

Mu kifo ky'ebyo, bakole ebikolwa ebikalamu, nga bwe kigwanira abakazi abaisa mu Katonda ekitiisa.

1 Timotheo 3:2

Omulabirizi tateekwa kubaaku ni kye bamwogeraku. Ateekwa okuba n'omukazi mulala, ateekwa okuba nga yeefuga, ataamu amagezi mu by'akola, yeebisa bukalamu, asangaalira abageni, ate aidhi okwegeresa.

1 Timotheo 3:7

Era ateekwa okuba omuntu ateebwamu ekinhagansi, n'abo abatali mu Kikunsu ky'Abaikiriza mu Kurisito, alobe kubaaku ky'anenezebwa, na kugwa mu mutego gwa Sitaani.

1 Timotheo 5:16

Aye bweghabaagho omukazi yeenayeena Omukurisito ali n'abantu be nga banamwandu, oyo mwene n'abe abalabirirenga, Ekikunsu eky'Abaikiriza mu Kurisito kirobe kuzitooghererwa, kisobole okulabiriranga banamwandu beene liina abaziraku abayamba.

1 Timotheo 5:25

N'ebikolwa ebikalamu bityo biboneka mangu. Ni bwe bitaboneka mangu, birwa eira byaboneka.

1 Timotheo 6:18

Bagwaine okukola obulungi, babe bakombe mu bikolwa ebirungi, aby'ekisa era eby'obugabi.

2 Timotheo 1:5

Ndidhukira okwikiriza kwo okw'amazima okwatoolerera mu dhaadha wo Loi, ni kuja ni mu inhoko Eunike, era buti kwe nkakasa nti kuli ni mu iwe.

2 Timotheo 2:21

Omuntu bwe yeetukuza n'ava mu bibi byonabyona, afuuka ekibya ekikozesebwa emirimo egy'ebbeeyi, ng'atukuziibwa era nga wa mugaso ye Musengwa era eyeetegeike okukola omulimo gwonagwona omukalamu.

2 Timotheo 3:15

Era oidhukira ng'okuva mu buto bwo obaire oyegeresebwa Ebyaghandiikibwa Ebitukuvu ebisobola okukugalagira okukutuusa ku kulokolebwa olw'okuba n'okwikiriza mu Kurisito Yesu.

2 Timotheo 3:17

Olwo omuntu wa Katonda abe mwetegefu ng'ali n'ebyetaagisa byonabyona okukola kiisi mulimo omukalamu.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Tito 2:7

Era iwe mwene oteekwa okuba eky'okuboneraku ekirungi mu by'okola byonabyona, ng'oli wa mazima era omumalirivu mu kwegeresa kwo.

Tito 3:1

Idhukizanga Abakurisito bo okuwuliranga abafuzi n'ab'obuyinza, n'okubagonderanga, era babenga beetegefu okukola kiisi mulimo mukalamu.

Tito 3:14

Abantu baife bagwaine beege okukozesanga ebiseera byaibwe obukalamu, nga bakola emirimo omuva ebyetaago balobe kuba agho nga bazira kye bagasa.

Tito 3:8

Ekibono kino kituufu kyene. Nhenda weekalangule okukobera abo abaikiriza Katonda ebintu ebyo basobole okwemaliranga ku kukola ebikolwa ebikalamu, nga bikalamu era ebiganhula abantu.

Abaheburayi 10:24

Tufengayo inho okukubiriza banaife mu kugonzania, n'okukola ebikalamu.

Abaheburayi 13:2

Timwerabiranga kusangaazanga bantu be mutaidhi, kuba ghaligho abasangaaza bamalaika nga tibaidhi.

Abaheburayi 13:21

abaghe kiisi kikalamu kyonakyona kye mwetaaga okukolanga by'ayenda. Katonda oyo atukozese by'asiima mu Yesu Kurisito, agheebwe ekitiisa, ebyanda n'ebyanda. Amiina.

1 Petero 2:12

Mwebisenga bukalamu nga muli mu bamaghanga agandi. Olwo balobe kuboogeraku bati muli bakozi ba bibi, aye babone nga bye mukola bikalamu era basaake Katonda ku lunaku lw'aliidha.

1 Petero 4:9

Musangaazenga banaimwe mu maka gaimwe, n'omwoyo mulala.

3 Yoanne 1:12

Abantu boonaboona boogera bikalamu ku Demetirio era nga kya mazima. N'ife twena tumwogeraku bikalamu ate era oidhi nga bye tukoba bya mazima.