1 Timotheo 5:1 - Baibuli Ekibono kya Katonda 2014

¹ Otadhuukanga musaadha mukaire, aye mulambenga nga lata wo, ate abaisuka batwalenga nga baganda bo.

1 Timotheo 5:1 ပူးပေါင်းရင်းမြစ်များ

Abalevi 19:32

“Mutenga ekinhagansi mu bantu abakairiighe, era mubaisengamu ekitiisa. Era muntyenga nze Musengwa Katonda waimwe.

Matayo 23:8

“Aye imwe batabeetanga bati, ‘Mwegeresa,’ kuba muli n'omwegeresa mulala ate mwenamwena muli baluganda.

Ebikolwa by'Abatume 14:23

Bwe baamala okutaagho, abakulembeze mu kiisi Kikunsu ky'Abaikiriza mu Kurisito baabagemya Musengwa ye baikiriza, nga basaba era nga basiiba.

Ebikolwa by'Abatume 15:4

Bwe baatuuka e Yerusalemu, ab'Ekikunsu eky'Abaikiriza mu Kurisito ghalala n'Abatume n'abakulembeze b'abaikiriza, baabasangaalira. Paulo ni Barunaba baabakobera byonabyona Katonda bye yabakozesa.

Ebikolwa by'Abatume 15:6

Abatume n'abakulembeze b'abaikiriza beesoloza okulinga mu nsonga eyo.

Ebikolwa by'Abatume 20:17

Agho Paulo ng'ali mu Mileto yaatuma mu Efeso okweta abakulembeze b'Ekikunsu ky'Abaikiriza mu Kurisito, bamubone.

Ab'e Roma 13:7

Kale ni boonaboona mubaghenga kye muteekwa okubagha. Asoloza omusolo mugumughenga, asoloza empooza mugimughenga, agwaine okutiibwa mumutyenga, era n'ow'ekitiisa mukimughenga.

Ab'e Galatia 6:1

Aboluganda, omuntu yeenayeena bw'ayagaanibwa ng'akoze ekisobyo kyonakyona, abo abafugibwa Mwoyo mu imwe mugwaine okumugoloza, aye nga timukozesa bukambwe. Aye mwekuumenga mwena mulobe kukemebwa.

Amateeka Agokubiri 33:9

Abalevi abo baagumira ku iwe, okusinga okufa ku bazaire baibwe ni ku baganda baibwe ni ku baana baibwe. Baawulira ebiragiro byo, era baakuuma endagaano yo.

1 Timotheo 5:17

Abakulembeze b'abaikiriza abakola obukalamu, bagwaniire empeera ya mikuzi ebiri, ng'abasinga n'abo abakalabatana okukobera n'okwegeresa abantu ekibono kya Katonda.

1 Timotheo 5:2

Abakazi abakaire batwalenga nga bainhoko, ate abaguna batwalenga nga baanhoko. Ebyo bikolenga n'omwoyo omunaabuufu.

Tito 2:2

Kubirizanga abasaadha abakulu beefugenga, babenga bantu bakalamu. Batenga amagezi mu bye bakola, babenga baidhuvu mu kwikiriza, mu kugonza ni mu kuguminkiriza.

Tito 2:6

Mu nsambo n'endala, kubirizanga abaisuka okwefuganga.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.

Yakobo 5:14

Ghaligho mu imwe omulwaire? Ayete abakulembeze ab'Ekikunsu eky'Abaikiriza mu Kurisito bamusabire, era bamusiige omuzigo mu liina lya Musengwa.

1 Petero 5:1

Nhenda okukubiriza abo abakulembeze b'abaikiriza abali mu imwe. Zeena nga bwendi mukulembeze munaibwe eyaboneraku irala okudaazibwadaazibwa kwa Kurisito, era aja okugabana ku kitiisa ekija okwolekebwa, mbakubiriza

2 Yoanne 1:1

Ninze omukaire mpandiikira omukyala omulonde n'abaana be, be ngonza mu mazima. Era ti ninze zenka aye n'abo boonaboona abaidhi amazima

3 Yoanne 1:1

Ninze omukaire, mpandiikira Gayo omugonzi, ye ngonza mu mazima.

Okwolekebwa 4:4

Okwezungulula ekityamo eky'obwakyabazinga ekyo, ghaaligho ebityamo ebindi eby'obwakyabazinga amakumi abiri na bina (24), nga kutyaimeku abakulembeze amakumi abiri na bana nga bali mu bivaalo ebyeru, era bavaire engule edha zaabu ku mitwe.