1 Timotheo 4:6 - Baibuli Ekibono kya Katonda 2014

⁶ Ebibono ebyo bw'onaabituusa ku boluganda, onaaba mugheereza wa Kurisito Yesu mukalamu, aliisibwa ebibono eby'amazima eby'endhikiriza n'endhegeresa enungi y'ojiiraku.

1 Timotheo 4:6 ပူးပေါင်းရင်းမြစ်များ

Zabbuli 19:7

Musengwa Katonda yataagho amateeka ge na bwegendereza; gaiza obulamu mu mwoyo oguziriike. Kiisi Musengwa Katonda ky'akoba kyesigika, kifuula azira magezi okuba omugezi.

Ensambo 4:2

Bye ndi kubeegeresa birungi byene, kale mutabivangaku naire.

Yeremia 15:16

Wo Musengwa Katonda Afuga Amagye, Iwe wayogera ninze, naawulirisa buli kibono kye wakoba. Ekyo kyaleetera omwoyo gwange okusanhuukirira; kuba nze ndi wuwo.

Matayo 13:52

Yaabakoba ati: “Kale ni kiisi Munamateeka ayega mu by'Obwakyabazinga obw'omu igulu afaanana ng'oti n'omuntu mwenemu, atoola mu iterekero lye ebiyaaka n'ebikaire.”

Luka 1:3

Isebo ow'ekitiisa Theofilo, zeena ni, nga mmaze okunoonereza byonabyona n'obwegendereza okuva ku ntoolo, kyambonekera nga kikalamu mbikughandiikire nga mbisengeike,

Ebikolwa by'Abatume 1:15

Mu kiseera n'ekirala, Petero yaayemerera ghagati gh'aboluganda, ekikunsu kyalimu abantu nga kikumi n'abiri, yaakoba ati:

Ebikolwa by'Abatume 20:31

Kale ni mwekuume era mwidhukire nga namala emyaka esatu nga tiyosa omusana n'obwire okubalabula, kiisi mulala mu imwe nga bwe ndira n'amaziga.

Ebikolwa by'Abatume 20:35

Nabooleka mu ebyo byonabyona bye nakola nti tuteekwa okufaabiikana okuyamba abanafu nga twidhukira ebibono bya Musengwa Yesu eyakoba ati, ‘Okugaba kwesiimisa okusinga okugheebwa.’ ”

Ab'e Roma 15:15

Aye mu mbaluwa eno, aghandi mpandiise n'obugumu nga ndiku ni bye mbaidhukiza. Kino nkikoze kuba Katonda yansaasira

1 Ab'e Korintho 4:17

Olwa kino ndi kubatumira Timotheo, omwana wange omugonzi era omwesigwa, abaidhukizenga enkola yange mu bulamu buno obuyaaka mu Kurisito Yesu, era ye ndhegeresa mu Bikunsu eby'Abaikiriza mu Kurisito byonabyona.

2 Ab'e Korintho 11:23

Abo bagheereza ba Kurisito? Nze mbasinga. Nga ndhogera ng'omulalu, mbasinga okukola einho. Nsibiibwa mu ikomera emikuzi kamaala okubasinga. Nkubiibwa emikuzi kamaala okubasinga, era emikuzi mingi naabulaku katono n'okufa.

2 Ab'e Korintho 3:6

Oyo n'eyatusobozesa okuba abagheereza ab'endagaano empyaka, etali ya mateeka maghandiike aye ey'amateeka aga Mwoyo. Amateeka amaghandiike galeeta kufa, aye Mwoyo aleeta bulamu.

2 Ab'e Korintho 6:4

Aye mu byonabyona bye tukola twoleka nga tuli bagheereza ba Katonda nga tugumira n'obuguminkiriza okudaazibwadaazibwa, ebizibu, ebibamba,

Ab'Efeso 6:21

Tukiko, owoluganda omugonzi era omugheereza omwesigwa mu Musengwa, aidha kubakobera byonabyona, mumanhe ebinfaaku ni bye ndi kukola.

Ab'e Filippi 2:20

Oyo ni yenka ali n'omwoyo ng'ogwange, abalumirwa mu buli nsambo.

Ab'e Filippi 2:22

Aye omugaso gwa Timotheo mugwidhi bukalamu, mwidhi bwe tubairenga nga tusansaania naye Amawulire Amalungi, ng'oti n'omwana n'ise bwe bandikoze.

Ab'e Filippi 3:16

Aye ekikulu tweyongere okujiira ku nkola ye tubairengaku okutuusa mperaano.

Ab'e Kolosai 2:19

Oyo aba aviire ku Kurisito, omutwe. Ate ng'omutwe n'ogugemerera omubiri gwonagwona, nga gukozesa enkusakusa mu buli buyungiro, era omutwe n'oguliisa omubiri ni gukula nga Katonda bw'aba asiimye.

Ab'e Kolosai 3:16

Ekibono kya Kurisito n'obukombe bwakyo kibenga mu myoyo gyaimwe. Buli muntu ayegeresenga era agalagirenga mwine mu magezi goonagoona. Mwembenga zabbuli n'enhembo edhisaaka Katonda, n'enhembo edh'omwoyo nga mwoleka okusiima kwaimwe mu myoyo gyaimwe eri Katonda.

Ab'e Kolosai 4:7

Tukiko owoluganda waife omugonzi, omukozi wa Kurisito omwesigwa era mugheereza munaife mu mirimo gya Musengwa, aidha kubakobera byonabyona ebinfaaku.

1 Ab'e Thessalonika 3:2

Twatuma muganda waife Timotheo, omugheereza wa Katonda mu kukobera abantu Amawulire Amalungi aga Kurisito, aidhe abalambe era abagumye mu kwikiriza kwaimwe,

1 Timotheo 1:10

Gaateebwagho lwa benzi, lwa badankaanu, abawuuyi, abaguya era abalayira ebiziramu, n'abo boonaboona abakola ebitajiira ku ndhegeresa ntuufu.

1 Timotheo 4:16

Weekuume mu nsambo ye weebisaamu, era ni mu by'oyegeresa, era weekalangulire ku ebyo, kuba bw'okola otyo, olyerokola iwe mwene, era n'abo abakuwulira.

1 Timotheo 6:3

Omuntu yeenayeena ayegeresa mu nsambo eyindi nga taisania na bibono bituufu ebya Musengwa waife Yesu Kurisito era nga taisania na ndhegeresa ya kutya Katonda,

2 Timotheo 1:6

Kyenva nkwidhusa okukuumanga ekirabo ekiri mu iwe Katonda kye yakugha lwe nakwisaaku emikono, kirobe kuzikirira

2 Timotheo 3:10

Aye iwe obaire olondoola bukalamu bye mbaire nga ndhegeresanga, ensambo ye neebisaamu, ekigendererwa kyange mu bulamu, okwikiriza kwange, okugumira ebizibu kwange, okugonza kwange, okuguminkiriza kwange,

2 Timotheo 4:3

Kuba ekiseera kiri kwidha abantu balekere okuwulira okwegeresa okw'amazima, aye olw'okwenda einho okuwulira ababeegeresa ebibanhoonha, balyagala abeegeresa aba buli nsambo.

Tito 2:1

Aye iwe yegeresanga ebyo ebiisania n'endhegeresa entuufu.

1 Petero 2:2

Ng'abaana abaghere bwe balirira amata amakalamu buli kiseera, mwena buliidho mwegombenga emere enkalamu ey'omwoyo. Bwe mulya emere eyo mwidha kukula era mulokolwe.

2 Yoanne 1:9

Oyo yeenayeena ayawuka n'atasigala ku ndhegeresa ya Kurisito taba na Katonda, aye oyo asigala ng'ali ku ndhegeresa ya Kurisito aba ni Lata era ni Mwana.

Yuda 1:5

Mperaano nhenda okubaidhusa, waire nga mukiidhi bukalamu, nti oyo eyazaawula Abaisiraeli okuva mu Misiri, yamala yaazikiriza abo abataali na kwikiriza.