1 Timotheo 4:13 - Baibuli Ekibono kya Katonda 2014

¹³ Weemalire ku kusomeranga abantu Ebyaghandiikibwa, n'okubalambanga, n'okubeegeresa, okutuusa lwe ndiidha.

1 Timotheo 4:13 ပူးပေါင်းရင်းမြစ်များ

Yoanne 5:39

“Mwagaaza mu Byaghandiikibwa nga mudhuuba muti mu ebyo mwe munaafunira obulamu obutawaagho, ate nga Ebyaghandiikibwa byene ebyo bindhulira,

Ebikolwa by'Abatume 17:11

Abayudaaya baayo baali bakalamu okusinga ab'e Thessalonika, kuba baayangugha okwikiriza ekibono kya Katonda. Era buliidho nga beekebeedha Ebyaghandiikibwa okubona oba nga bityo bwe biri.

Ebikolwa by'Abatume 6:4

Ife twidha kusigala ku kusaba na kwegeresa kibono kya Katonda.”

Ab'e Roma 12:8

Oba kulamba tulambenga, oba kugaba tugabenga n'omwoyo mulala; omufuzi abenga munhinkiivu, n'oyo akolera abandi eby'ekisa akolenga atyo nga musangaavu.

1 Ab'e Korintho 14:26

Kye nkoba ni kino aboluganda: Bwe mwesoloza okusinza, owundi aba n'olwembo olusaaka Katonda, ole yaaba ni ky'ayegeresa. Ole yaaba ni Katonda ky'amwoleike, ole yaaba n'okwogera mu nnimi, ate ole owundi yaaba n'okuvuunula ebyogerwa. Buli ekikolebwa kibe nga kigasa Ekikunsu eky'Abaikiriza mu Kurisito.

1 Ab'e Korintho 14:3

Aye oyo ayogera eby'obulanzi ayogera na bantu, abakobera ebibazimba, abagumya era abaizaamu amaani.

1 Ab'e Korintho 14:6

Kale aboluganda bwe ndidha ye muli nga ndhogera mu nnimi muganhulwamu ki? Ghazira naire, okutoolaku nga mbakoberayooku Katonda by'andholeike, oba okumanha, oba obulanzi oba okugalaga.

Amateeka Agokubiri 17:19

Ekitabo ekyo kiidha kumubanga kumpi, era aidhanga kukisoma enaku dhoonadhoona edh'obulamu bwe, aghange okwega okutyanga Musengwa Katonda we n'okukuumanga byonabyona ebiragirwa mu kitabo ekyo.

1 Timotheo 4:16

Weekuume mu nsambo ye weebisaamu, era ni mu by'oyegeresa, era weekalangulire ku ebyo, kuba bw'okola otyo, olyerokola iwe mwene, era n'abo abakuwulira.

1 Timotheo 4:6

Ebibono ebyo bw'onaabituusa ku boluganda, onaaba mugheereza wa Kurisito Yesu mukalamu, aliisibwa ebibono eby'amazima eby'endhikiriza n'endhegeresa enungi y'ojiiraku.

2 Timotheo 3:15

Era oidhukira ng'okuva mu buto bwo obaire oyegeresebwa Ebyaghandiikibwa Ebitukuvu ebisobola okukugalagira okukutuusa ku kulokolebwa olw'okuba n'okwikiriza mu Kurisito Yesu.

2 Timotheo 4:2

Koberanga abantu ekibono, badeebe oba bakisiima oba tibakisiima, bainhonhole, obanenie era obagumye, obeegerese n'obuguminkiriza.

Tito 2:15

Yegeresanga ebintu bino ng'olamba era ng'onenianga abantu bo n'obuyinza bwonabwona. Ghatabangagho muntu yeenayeena akunhoomanga.

Yoshua 1:8

Ebiri mu kitabo kino eky'Amateeka bitakuvanga ku munwa. Bisomenga omusana n'obwire era ng'ogondera byonabyona ebyaghandiikibwamu. Olwo ebintu byonabyona biidha kukujiiranga bukalamu ng'ezira kikulema.