1 Timotheo 2:7 - Baibuli Ekibono kya Katonda 2014

⁷ Era ekyo n'ekyanteesaagho mbe omutume era omwegeresa ow'abamaghanga agandi, mbakobere eby'okwikiriza n'eby'amazima. Ndi kwogera mazima, tiri kuguya.

1 Timotheo 2:7 ပူးပေါင်းရင်းမြစ်များ

Zabbuli 111:7

Mu byonabyona by'akola yesigika era wa mazima; ebiragiro bye biziramu buguya,

Omulangirizi 1:12

Nze Omulangirizi nali kyabazinga wa Isiraeli mu Yerusalemu.

Omulangirizi 7:27

Bona eno, Omulangirizi akoba ati ekyo nakizuula mpola nga nja bwe neekalirisa ekintu kirala kirala, nga nhenda okumanha ebintu nga bwe biri.

Yoanne 7:35

Abayudaaya beebuuzagania bati: “Ategeka kuja gha ye tutalimubonera? Ategeka kuja mu bale abeetabika n'Abagureki, ayegerese Abagureki?

Ebikolwa by'Abatume 14:27

Bwe baatuuka mu Antiokia baasoloza Ekikunsu ky'Abaikiriza mu Kurisito, baabakobera byonabyona Katonda bye yabakozesa era nga bw'alaze abamaghanga agandi engira ey'okwikiriza.

Ebikolwa by'Abatume 22:21

Yankoba ati, ‘Ja kuba ndidha kukutuma eghala mu bamaghanga agandi.’ ”

Ebikolwa by'Abatume 26:20

Aye natoolera n'ab'omu Damasiko, n'ab'omu Yerusalemu, n'ab'omu Buyudaaya yoonayoona, era n'ab'omu maghanga agandi, naabakobera beenenie, bakyuke baire ye Katonda, bakole ebikolwa ebyoleka nga beeneniiza.

Ebikolwa by'Abatume 9:15

Musengwa yaakoba Anania ati: “Ja, kuba oyo nze mmwerondeire okumanhisa eriina lyange mu bamaghanga agandi, ni bakyabazinga, n'abantu ba Isiraeli.

Ab'e Roma 1:9

Katonda n'omudhulizi nga bye nkoba bituufu, kuba oyo ye mpeereza n'omwoyo gwange gwonagwona nga nkobera abantu Amawulire Amalungi agagema ku Mwana we. Katonda oyo akiidhi nga buliidho mbaidhukira buli lwe nsaba,

Ab'e Roma 10:14

Aye balisaba batya oyo ye bataikirizanga? Era baliikiriza batya oyo ye batawulirangaku? Era baliwulira batya nga ghazira muntu abakobeire?

Ab'e Roma 11:13

Mperaano ka mbakobere imwe abamaghanga agandi ekiseera kye nnaamala nga nkaali mutume waimwe ndidha kutanga mu mulimo gwange ekitiisa.

Ab'e Roma 15:16

okuba omugheereza we mu bamaghanga agandi. Nkola omulimo ogw'obwakabona nga nkobera abantu Amawulire Amalungi agava ewa Katonda, abamaghanga agandi babe ng'ekirabo ky'asiima nga kitukuziibwa Mwoyo Mutukuvu.

Ab'e Roma 9:1

Ndhogera mazima mu Kurisito tiguya, era n'omwoyo gwange gundhulira mu Mwoyo Mutukuvu.

1 Ab'e Korintho 9:1

Tiri wa idembe? Tiri mutume? Tyabona Yesu Musengwa waife? Imwe timwava mu mulimo gwe nakolera Musengwa waife?

2 Ab'e Korintho 11:31

Katonda era Lata wa Musengwa waife Yesu, asaakibwa ebyanda n'ebyanda, aidhi nga tiri kuguya.

Ab'e Galatia 1:16

Era bwe yasalagho okundholeka Omwana we nsobole okukobera abamaghanga agandi Amawulire Amalungi agamufaaku, tyebuuzaaku ku muntu yeenayeena,

Ab'e Galatia 1:20

Ndayira mu maiso ga Katonda nga bye ndi kubaghandiikira, tiri kusubagha!

Ab'e Galatia 2:16

Aye twidhi ng'omuntu abalibwa okuba omutuukirivu lwa kuba na kwikiriza mu Yesu Kurisito, aye ti lwa kukola nga Mateeka bwe galagira. N'ife twena twali n'okwikiriza mu Kurisito Yesu, olwo tubalibwe okuba abatuukirivu lwa kwikiriza Kurisito aye ti lwa kukola ng'Amateeka bwe galagira. Ghazira abalibwa kuba mutuukirivu lwa kukola ebyo amateeka bye galagira.

Ab'e Galatia 2:9

Yakobo, Petero ni Yoanne, abaabonekanga okuba nga n'abakulembeze, baakibona nga Katonda yangemya omulimo omukulu guno. Kale baatugema mu ngalo, nze ni Barunaba, ng'akamanhiso akooleka nga tuli bakozi banaibwe ku mulimo n'omulala. Era twaisania ife tuje mu bamaghanga agandi, ate beene baje mu bakekete.

Ab'e Galatia 3:9

Agho ni, abo boonaboona abali n'okwikiriza kyebava ni bagheebwa omukisa nga Aburahamu yeena bwe yagheebwa olw'okwikiriza.

2 Timotheo 1:11

Nalondebwa okukobera abantu Amawulire Amalungi ng'omutume era omwegeresa,

2 Petero 2:5

Era Katonda tiyasaasira nsi mu biseera bya Noa, aye yasindika omwidhuzo okusaaniagho abantu abatamutya. Yaawoniagho Noa eyakoberanga abantu nga Katonda bw'ayenda beebise, era yaawoniagho n'abantu abandi musanvu.