1 Timotheo 2:3 - Baibuli Ekibono kya Katonda 2014

³ Ekyo kikalamu, ni Katonda Omulokozi waife akisiima

1 Timotheo 2:3 ပူးပေါင်းရင်းမြစ်များ

Isaia 45:21

Muleete empoza yaimwe mugyandhuleyo, n'abo ababawolezaagho beebuuzaganie buli muntu ku mwine. Naani eyalanga eira einho ebyo ebyali biri n'okubaagho? Ti ninze Musengwa Katonda? Kale ni ezirayo kyetebwa katonda okutoolaku nze, Katonda Omutukuvu era Omulokozi. Bwenebwene ezirayo wundi okutoolaku nze.

Luka 1:47

Omwoyo gwange gusangaaliire mu Katonda omununuzi wange.

Ab'e Roma 14:18

Kiisi agheereza Kurisito atyo, asanhusa ni Katonda, era n'abantu bamusiima.

Ab'e Filippi 1:11

Obulamu bwaimwe bwidhule ebikolwa ebikalamu ebiidha nga bibita mu Yesu Kurisito olw'okugheesa Katonda ekitiisa n'olw'okumusaaka.

Ab'e Filippi 4:18

Ebintu byonabyona mbifunie mu bwidhuvu, bisingaku ni bye neetaaga. Mperaano buli kintu kye neetaaga ndi nakyo okuva Epafurodito bwe yampa ebyo bye mwantonera nga biri ng'omusengo oguwunhira Katonda akawoowo, gw'asiima era ogumusangaaza.

Ab'e Kolosai 1:10

Agho musobole okwebisa nga Musengwa bw'ayenda era nga mukola ebimusangaaza mu buli nsambo nga kiisi kye mukola kikalamu era nga kyania ebibala, era mweyongere n'okumanha Katonda.

1 Ab'e Thessalonika 4:1

Aboluganda, mwatwegeraku nga bwe mugwaine okwebisa memale musobole okusiimya Katonda, era ekyo kye mubaire mukola. Mperaano tubeeghembye era tubakubiriza mu liina lya Musengwa Yesu, mukole mutyo ate era mwongeremu n'amaani,

1 Timotheo 1:1

Ninze Paulo omutume wa Kurisito Yesu, olw'ekiragiro kya Katonda Omulokozi waife, n'ekya Kurisito Yesu ye tulimu n'eisuubi.

1 Timotheo 4:10

Kye tuva ni tufaabiikana era ni tufuba einho, lwa kuba eisuubi lyaife liri mu Katonda omulamu Omulokozi w'abantu boonaboona, aye okusingira irala ow'abo abaikiriza.

1 Timotheo 5:4

Bwe ghabaagho namwandu ali n'abaana oba abaidhukulu, bano basookenga okumanha endhikiriza yaibwe ky'ebakoba okukoleranga amaka ag'ewaibwe, n'okusasulaku abazaire baibwe kuba ekyo Katonda ky'asiima.

2 Timotheo 1:9

Ono yatulokola era yaatweta okuba ababe. Kino tiyakikola lwa bikolwa bye twakola, aye olw'ekigendererwa kye mwene era n'olw'ekisa, kye yatulaga mu Kurisito Yesu okuva eira n'eira.

Abaheburayi 13:16

Timwerabiranga kukola bukalamu n'okubeeragana kuba egyo n'emisengo Katonda gy'asiima.

1 Petero 2:20

Naani abasaaka bwe muguminkiriza nga mubonerezeibwa olw'okukola obubi? Aye bwe muguminkiriza nga mudaazibwadaazibwa olw'okukola obukalamu, musiimibwa Katonda.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.