1 Timotheo 2:15 - Baibuli Ekibono kya Katonda 2014

¹⁵ Aye omukazi alilokolerwa mu kuzaala, kasita akalangukira mu kwikiriza, ni mu kugonza, ni mu butuukirivu, ni mu kwebisa obukalamu.

1 Timotheo 2:15 ပူးပေါင်းရင်းမြစ်များ

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Yeremia 31:22

Imwe abantu abatali beesigwa, mulirekera li okudaaliimira eno n'ere? Nze Musengwa Katonda ntonzeegho ekintu ekiyaaka ku nsi era nga kya ndhawulo, eky'omukazi okuba nga n'omukuumi w'omusaadha.”

Luka 2:7

Yaazaala omwana we omuberi nga mulenzi, yaamuzingirira mu bugozi, yaamuta mu kiibo ensolo mwe dhiriira kuba tibaafuna kifo mu ndhu ey'abageni.

1 Ab'e Korintho 12:23

era ebitundu ebyo eby'omubiri bye tutwala obutaba bya kitiisa inho, bye tusinga kutaamu kitiisa. Ebyo ebitagwaine kwolekebwa bye tusinga okwegendereza einho, mu nsambo ye tuteegenderezaamu

1 Timotheo 1:14

Musengwa waife yansaasira inho, yampa okwikiriza n'okugonza, bye tufunira mu Kurisito Yesu.

1 Timotheo 1:5

Mu kiragiro kino tugendereramu okuleetagho okugonza okusimuka mu mwoyo omunaabuufu ogutansalira musango, n'okwikiriza okuziramu buguya.

1 Timotheo 2:9

Era nhenda abakazi bavaalenga ebivaalo ebigwaniire, balobe kwemalira ku misono gya nviiri, na ku kwewoomya nga bavaala ebya zaabu oba amabaale ag'omughendo, oba ebivaalo eby'omughendo einho.

Tito 2:12

Era kitwegeresa okutya Katonda n'okulekayo okwegomba okw'ensi eno, n'okuba abantu abasobola okwefuga, abeesimbu, era abatya Katonda mu nsi muno.

1 Petero 4:7

Enkomerero ey'ebintu byonabyona eri kumpi. Agho ni mubenga beetegefu era musabenga.