1 Timotheo 2:10 - Baibuli Ekibono kya Katonda 2014

¹⁰ Mu kifo ky'ebyo, bakole ebikolwa ebikalamu, nga bwe kigwanira abakazi abaisa mu Katonda ekitiisa.

1 Timotheo 2:10 ပူးပေါင်းရင်းမြစ်များ

Ensambo 31:25

Aba mumalirivu era wa kitiibwa, era ebiseera eby'omu maiso tibimweraliikiriza.

Ensambo 31:31

Oyo mumughenga ku bintu by'akolereire, era agwaniire okusaakibwanga mu kifo eky'olwekobaano ku mulyango ogwingira ekibuga.

Ebikolwa by'Abatume 9:36

Mu Yoppa mwalimu omukazi nga eriina lye ni Tabitha oba Dorukasi, ekitegeeza, empongo. Omukazi ono, yakolanga ebikolwa ebirungi era n'eby'ekisa.

Ebikolwa by'Abatume 9:39

Agho Petero yaasituka yaaja nabo. Bwe yatuuka baamutwala mu kisenge ekya ghaigulu. Banamwandu boonaboona baayemerera gh'ali nga balira era nga bwe bamulaga ebivaalo n'engoye edhindi Dorukasi bye yakola ng'akaali mulamu.

Ab'Efeso 2:10

Kuba ife tuli bitonde bya Katonda, twatondebwa mu Kurisito Yesu tukole ebikolwa ebikalamu Katonda bye yatutegekera okuva eira.

1 Timotheo 2:11

Mu kwegeresebwa, omukazi ayegenga kasirise nga yewombeese.

1 Timotheo 2:9

Era nhenda abakazi bavaalenga ebivaalo ebigwaniire, balobe kwemalira ku misono gya nviiri, na ku kwewoomya nga bavaala ebya zaabu oba amabaale ag'omughendo, oba ebivaalo eby'omughendo einho.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Tito 3:8

Ekibono kino kituufu kyene. Nhenda weekalangule okukobera abo abaikiriza Katonda ebintu ebyo basobole okwemaliranga ku kukola ebikolwa ebikalamu, nga bikalamu era ebiganhula abantu.

1 Petero 2:12

Mwebisenga bukalamu nga muli mu bamaghanga agandi. Olwo balobe kuboogeraku bati muli bakozi ba bibi, aye babone nga bye mukola bikalamu era basaake Katonda ku lunaku lw'aliidha.

2 Petero 3:11

Oba nga ebintu bino bija kuzikirizibwa bityo, imwe mugwaine kuba mutya? Mugwaine kuba batukuvu era abatya Katonda mu bulamu bwaimwe.

Okwolekebwa 2:19

Ndidhi by'okola. Ndidhi okugonza n'okwikiriza by'oli nabyo. Ndidhi okugheereza kwo n'okuguminkiriza mu bizibu kw'oli nakwo. Era ndidhi ng'oli kukola ebintu kamaala buti okusinga bye wakolanga mu mainhama.