1 Timotheo 1:4 - Baibuli Ekibono kya Katonda 2014

⁴ Bakobe bakange agho okwemalira ku nfumo, ni ku kunoonenkereza endyo edh'abantu endeeyiriri edhitakutuka. Ebyo bivaamu bwa kutakana, mu kifo ky'okwegeresa abantu ebya Katonda ebiri mu kwikiriza.

1 Timotheo 1:4 ပူးပေါင်းရင်းမြစ်များ

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

Ab'Efeso 3:2

Ndhuuba nti mwawulira nga Katonda olw'ekisa kye yangemya omulimo guno ku lwaimwe.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

1 Timotheo 4:7

Weesambenga enfumo edhiziramu kutya Katonda, edhitagwanira na kughayaku. Wemanhirize okutyanga Katonda.

1 Timotheo 6:11

Aye iwe omuntu wa Katonda, ebyo byonabyona bireke, ojiirenga ku butuufu, okutya Katonda, okwikiriza, okugonza, okuguminkiriza n'okuba omwikaikamu.

1 Timotheo 6:20

Timotheo, kuumanga bukalamu bye wagemesebwa. Oteeyimbanga mu mpayo edh'abatatya Katonda, ni mu kutakana ebiziramu, abandi kwe beeta amagezi

2 Timotheo 2:14

Baidhuse kino era obasikirire mu maiso ga Musengwa, balobenga kutakana lwa bibono bubono. Kino kiziramu muganhulo okutoolaku okwitaitana abawulira.

2 Timotheo 2:22

Agho ni lekanga ebitwaliriza abaisuka byonabyona, okolererenga obutuufu, okwikiriza, okugonza, n'emiraala nga weeyimbye n'abo abasinza Musengwa n'omwoyo omunaabuufu.

2 Timotheo 2:23

Oteeyimbanga mu kutakana kuziramu makulu oidhi ng'omwo n'omuva okusoolasoola.

2 Timotheo 4:4

Balirekera okuwulirisa eby'amazima, beemalira mu kuwulirisa nfumo.

Tito 1:1

Ninze Paulo omugheereza wa Katonda era omutume wa Yesu Kurisito. Natumibwa okugaziya okwikiriza okw'abantu ba Katonda abalonde, n'okubamanhisa amazima ag'endhikiriza etya Katonda,

Tito 1:14

mu kifo eky'okwemalira mu nfumo edh'Ekiyudaaya oba ku biragiro ebigundhe eby'abantu abaaloba amazima.

Tito 3:9

Aye oteeyimbanga mu ntaka dhiziramu makulu, oba okutakana ku ndyo dha bantu, oba obutaisania n'okusoola ku biri mu mateeka, kuba ebyo ghazira kye biganhula era bya bwereere.

Abaheburayi 13:9

Okwegeresa okundi kwonakwona kwe babaleetera kutabadaalimyanga. Kuba ekikulu n'ekisa kya Katonda okutugumya omwoyo, okusinga akujiira ku mateeka ag'eby'okulya agataganhulangaku abo abagajiiraku.

2 Petero 1:16

Bwe twabamanhisa ku kwira kwa Musengwa waife Yesu Kurisito n'obuyinza, ti twali ng'ababakobera enfumo obufumo. Aye twabaloodhera ekitiisa kye, kye twabona n'amaiso gaife geene.