1 Timotheo 1:18 - Baibuli Ekibono kya Katonda 2014

¹⁸ Mwana wange Timotheo, bye nkulagira bijiira ku bibono eby'abalanzi bye baakwogeraku eira. Idhukiranga ebibono ebyo, memale oghange okulwana obukalamu,

1 Timotheo 1:18 ပူးပေါင်းရင်းမြစ်များ

Ebikolwa by'Abatume 16:1

Agho Paulo yaikirira e Derube n'e Lisitura. Eyo yaliyo omwegeresebwa eyayetebwanga Timotheo. Inhina yali Muyudaaya aikiriza mu Kurisito, aye nga ise Mugureki.

1 Ab'e Korintho 4:17

Olwa kino ndi kubatumira Timotheo, omwana wange omugonzi era omwesigwa, abaidhukizenga enkola yange mu bulamu buno obuyaaka mu Kurisito Yesu, era ye ndhegeresa mu Bikunsu eby'Abaikiriza mu Kurisito byonabyona.

1 Ab'e Korintho 9:7

Mwisirukale ki eyeesasulira mwene ng'ali mu igye? Naani asimba enimiro y'emizabbibu n'atalya ku bibala byayo? Mwayi ki atanhwa ku mata ga mu kyayo kye?

Ab'e Filippi 2:22

Aye omugaso gwa Timotheo mugwidhi bukalamu, mwidhi bwe tubairenga nga tusansaania naye Amawulire Amalungi, ng'oti n'omwana n'ise bwe bandikoze.

1 Timotheo 1:2

Mpandiikira Timotheo, omwana wange mwenemwene mu kwikiriza. Katonda Lata, ni Kurisito Yesu Musengwa waife akughe enkabi n'emiraala, era akusaasire.

1 Timotheo 1:5

Mu kiragiro kino tugendereramu okuleetagho okugonza okusimuka mu mwoyo omunaabuufu ogutansalira musango, n'okwikiriza okuziramu buguya.

1 Timotheo 4:14

Otagayaalira kitone ky'oli nakyo, ekyakugheebwa bwe waisibwaku emikono abakulembeze b'abaikiriza ng'abalanzi bwe baalanga.

1 Timotheo 4:4

Kiisi kitonde ekya Katonda kikalamu era ghazira kya muziro, kasita kiriibwa n'okweyanza;

1 Timotheo 6:20

Timotheo, kuumanga bukalamu bye wagemesebwa. Oteeyimbanga mu mpayo edh'abatatya Katonda, ni mu kutakana ebiziramu, abandi kwe beeta amagezi

2 Timotheo 1:2

Mpandiikira Timotheo omwana wange omugonzi. Katonda Lata, ni Kurisito Yesu Musengwa waife akughe enkabi n'emiraala, era akusaasire.

2 Timotheo 4:7

Nwaine bukalamu olutalo, embiro ndhimaliriiza, ngumiire ku kwikiriza.

Tito 1:4

Mpandiikira Tito omwana wange mwenemwene bwe twikiriza obulala. Katonda lata ni Kurisito Yesu Omulokozi waife akughe enkabi n'emiraala.

Filemoni 1:10

Ndi kukweghemba ku lw'omwana wange Onesimo eyafuuka omwana wange nga ndi musibe.