1 Samueli 9:7 - Baibuli Ekibono kya Katonda 2014

⁷ Saulo yaabuuza omugheereza we ati: “Bwe tunaaja y'ali tunaamutwalira kirabo ki? Ensawo dhaife dhiwoiremu emere, ate tuzira kintu kyonakyona kya kumugha. Kiki kye tuli nakyo ghano?”

1 Samueli 9:7 ပူးပေါင်းရင်းမြစ်များ

1 Bakyabazinga 13:7

Kyabazinga yaakoba omulanzi ati: “Idha tuje eka ewange, olye ku mere oiremu amaani, era ndidha kukugha n'ekirabo.”

1 Bakyabazinga 14:3

Mutwalire emigaati eminene ikumi, otwale ni ku migaati emitono, n'ekidoome eky'omudheenene gw'endhuki. Aidha kukukobera omwana bw'anaaba.”

2 Bakyabazinga 4:42

Olundi ghaidhagho omusaadha eyava e Baali Shalisha ng'aleeteire mu nsawo ye ebirime ebisooka okukungulwa eri Elisha omuntu wa Katonda. Mwalimu obufaaganda obw'engaano ye baakakungula, n'emigaati amakumi abiri egya sayiri ye baasooka okukungula. Elisha yaakoba omugheereza we ati: “Ebyo bighe abantu balye.”

2 Bakyabazinga 5:15

Yairayo y'omuntu wa Katonda ghalala ni be yali nabo boonaboona, yaayemerera mu maiso ge, yaakoba ati: “Bona, mpegaano ntegeereire irala nga mu nsi muzira katonda wundi okutoolaku Katonda wa Isiraeli. Kale ganha nze omugheereza wo nkughe ekirabo kye nkuleeteire.”

2 Bakyabazinga 5:5

Kyabazinga wa Siria yaakoba ati: “Kale ja. Ndidha kughandiikira kyabazinga wa Isiraeli embaluwa ogimutwalire.” Agho Naamani yaaja ng'atwaire n'ebitundu bya feeza enkumi isatu (3,000), n'ebya zaabu kakaaga (6,000), era n'ebivaalo ikumi ebirungi.

2 Bakyabazinga 8:8

yaakoba Hazaeli ati: “Twala ekirabo, oje obone omuntu wa Katonda, obite mu oyo weebuuze ku Musengwa Katonda oba nga nnaawona obulwaire buno.”

2 Bakyabazinga 8:9

Agho Hazaeli yaaja okubona Elisha, ng'atwaire ku bintu byonabyona ebirungi eby'omu Damasiko, ng'abitwise ku ngamiya amakumi ana (40). Bwe yatuuka aghali Elisha, yaakoba ati: “Mutabane wo Benihadadi kyabazinga wa Siria antumye y'oli nkubuuze oba nga anaawona obulwaire obumuluma.”

Ezekieli 13:19

Mwonoona eriina lyange mu bantu bange, nga mwenda okufunayo emiganda obuganda egya sayiri, n'ebitole obutole eby'emere. Mwaita abantu abatagwaniire kufa, ate abatagwaniire kuba balamu mwabawonia. Era mwakobera abantu bange eby'obuguya, era boona baabawulirisa.”

Abalamuzi 6:18

Nkweghembye otava ghano, ka mmale okukuleetera ekigheebwayo kyange.” Musengwa Katonda yairamu ati: “Ndidha kuba ghano okutuusa gh'onairira.”