1 Samueli 9:26 - Baibuli Ekibono kya Katonda 2014

²⁶ Agho obwire nga buli kukya, Samueli yaayeta Saulo ghaigulu ku ndhu, ng'amukoba ati: “Situkagho nkusiibule oje.” Agho Saulo yaasitukagho, baafuluma bombi ni Samueli.

1 Samueli 9:26 ပူးပေါင်းရင်းမြစ်များ

Amainhama 19:14

Agho Loti yaafuluma, yaakoba abasaadha abaali ab'okubayiza baghala be ati: “Musitukiremu, muve mu kifo kino, kuba Musengwa Katonda ali kumpi okuzikiriza ekibuga.” Aye bale baadhuuba bati ali kudhondha budhondhe.

Amainhama 44:4

Bwe baali baakatambulaku katono okuva mu kibuga, Yosefu yaakoba omugheereza we ati: “Situka obingirire abasaadha abo. Bw'onaabatuukaku, obakobe oti, ‘Lwaki ebirungi bye tubakoleire mubisaswiremu ebibi? Lwaki mwibye ekikopo kya musengwa wange ekya feeza?

Yoshua 7:13

Situkiramu okobe abantu beetukuze era beetegeke okwidha ye ndi. Bakobe enkyo babe nga beetegeike, kuba nze Musengwa Katonda wa Isiraeli ndi kuja okubakoba nti, ‘Imwe Abaisiraeli, ghaligho ebintu bye muli nabyo bye nabalagira okuzikiriza. Buti timusobola kulwanisa muzigu abalumbye okutuusa nga mwetoiremu ebintu ebyo.’

Abalamuzi 19:28

Yaamukoba ati: “Situka tuje.” Aye ng'omukazi tali kumwiramu. Agho yaamuta ku ndogoyi, yaagolola ewuwe.

1 Samueli 9:25

Mu nsambo eyo Saulo yaaliira ghalala ni Samueli ku lunaku olwo. Bwe baava agho mu kifo ekigulumivu eky'okusinzizaamu, baaja mu kibuga. Baayalira Saulo obuliri ku ngulu kw'endhu, yaalambaala okwo.

1 Samueli 9:27

Bwe baatuuka ekibuga ghe kikanga, Samueli yaakoba Saulo ati: “Koba omugheereza wo abitegho, ajenga emberi. Iwe oyemerereku ghano katono, nkumanhise Katonda ky'akobye.”