1 Samueli 9:21 - Baibuli Ekibono kya Katonda 2014

²¹ Saulo yairamu ati: “Nze ndi wa mu kika kya Benjamini, ekika ekisemberayo irala mu Isiraeli. Era endhu yaife n'esemberayo irala okumanhika mu kika kya Benjamini. Kale kiki ky'oviireku okunkoba otyo?”

1 Samueli 9:21 ပူးပေါင်းရင်းမြစ်များ

Zabbuli 68:27

Ekika kya Benjamini ekisembayo okuba ekitono, nga n'ekikulemberamu, abakulu mu kika kya Yuda bairaku mu bikunsu byaibwe. Abakulu mu kika kya Zebuluni, n'abakulu mu kika kya Nafutali boona bairaku.

Zabbuli 68:28

Wo Katonda, yolesa nga bw'oli ow'amaani, yoleka amaani go g'okozesa okutubeera,

Hosea 13:1

Mu biseera ebyabita, ab'ekika kya Efuraimu bwe baayogeranga, ng'ab'ebika ebindi mu Isiraeli badhugumira. Abaefuraimu abo baateebwangamu ekinhagansi. Aye nga bwe beereetera omusango olw'okusinza omusambwa Baali, bali n'okufa.

Luka 14:11

Kuba buli eyeetwala ati wa ghaigulu aja kwisibwa, ate buli eyeisa aja kutwalibwa nga wa ghaigulu.”

Ab'Efeso 3:8

Waire nga ninze asembayo mu batuukirivu boonaboona, Katonda yampa omukisa okukobera abamaghanga agandi Amawulire Amalungi, ag'obukombe obuli mu Kurisito obutaloodheka.

1 Samueli 10:27

Aye ghaabaagho abantu abazira kye bagasa, abaakoba bati: “Omusaadha oyo alituwonia atya?” Kale baamunhooma, baaloba kumutwalira birabo. Aye mwene yaabaleka buleke.

1 Samueli 14:51

Lata wa Saulo nga ni Kishi, ate lata wa Abuneri nga ni Neri, mutabane wa Abieli.

1 Samueli 15:17

Samueli yaamukoba ati: “Waire iwe mwene weebona nga toli wa ndhawulo ku bantu bandi, aye ti niiwe akulira ebika byonabyona mu Isiraeli? Musengwa Katonda yakusiiga omuzigo obe kyabazinga wa Isiraeli.

1 Samueli 18:18

Daudi yaakoba Saulo ati: “Katyo nze ninze ani? Era ab'endhu ya lata wange ni baani mu Isiraeli, nze okuba mukoirume wa kyabazinga?”

1 Samueli 18:23

Agho abagheereza ba Saulo, baakoba Daudi batyo. Daudi yaabakoba ati: “Mukyeta kintu kitono omuntu ng'oti ninze okuba mukoirume wa kyabazinga, ate nga ndi mwavu era atamanhiibwa naire?”

1 Samueli 9:22

Agho Samueli yaatwala Saulo n'omugheereza we, yaabaingiza mu kisenge ekinene, yaabatyamya mu kifo eky'emberi aghalala n'abageni abeete, abaali baghera ng'oti makumi asatu.