1 Samueli 9:16 - Baibuli Ekibono kya Katonda 2014

¹⁶ “Enkyo mu kiseera ng'oti ni kino, ndidha kugheereza y'oli omusaadha okuva mu kiketezo kya Benjamini. Oidha kumusiiga omuzigo, abe omukulembeze ow'abantu bange Abaisiraeli. Oyo n'alitoola abantu bange abo mu mikono gy'Abafilisiti, kuba mboine okudaazibwadaazibwa kwaibwe n'okulira kwaibwe kwatuuka ye ndi.”

1 Samueli 9:16 ပူးပေါင်းရင်းမြစ်များ

2 Samueli 3:18

Kale mpegaano ekyo mukituukirize, kuba Musengwa Katonda yasuubiza Daudi ati, ‘Ndidha kukozesa omugheereza wange Daudi okununula abantu bange Abaisiraeli mu ngalo edh'Abafilisiti, ni mu ngalo edh'abazigu baibwe abandi boonaboona.’ ”

2 Bakyabazinga 20:5

Yaamukoba okwirayo akobe Hezekia omukulembeze w'abantu ba Musengwa Katonda oyo ati: “Musengwa Katonda, Katonda wa Daudi dhaadha wo akoba ati, ‘Mpuliire ky'onsabye era naabona n'amaziga go. Kale ni bona, ndidha kukuwonia, era ku lunaku olwokusatu oidha kuja mu isinzizo.

Zabbuli 102:1

Wo Musengwa Katonda, ndhiraamu okusaba kwange, owulire okulira kwange.

Zabbuli 106:44

Aye waire nga beebisa batyo, tiyabatoolaku mwoyo. Bwebaalira yabafaaku.

Zabbuli 25:18

Lingirira okudaazibwadaazibwa kwange n'obuzibu bwe ndimu, onsonighe ebibi byange byonabyona.

Ensambo 16:9

Omuntu asobola okutegeka by'anaakola, aye Musengwa Katonda n'abituukiriza.

Yeremia 32:8

Agho, nga Musengwa Katonda bwe yankoba, Hanameli yaidha ye nali mu luya olw'ekisaagaati kya kyabazinga, yansaba mmuguleku ekibandha kye. Agho naategeera nga bwene Musengwa Katonda n'eyayogera ninze.

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Samueli 14:20

Agho Saulo n'abantu boonaboona be yali nabo beesoloza, baaja mu lutalo. Baaja okubona ng'Abafilisiti bali kufumitagana beene na beene mu kutabuka okw'amaani.

1 Samueli 14:23

Olutalo lwaja, lwatuuka e Bethaveni n'okubisaagho. Atyo Musengwa Katonda yaawonia Isiraeli ku lunaku olwo.

1 Samueli 15:1

Agho Samueli yaakoba Saulo ati: “Musengwa Katonda yantuma okwidha y'oli okukusiiga omuzigo, obe kyabazinga ow'abantu be Abaisiraeli. Buti ni wulira by'akoba.

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”

1 Samueli 16:3

Agho oyete Yesse ku kughaayo omusengo ogwo nze ndikukobera eky'okukola. Omuntu ye ndikukoba, y'olisiiga omuzigo.”