1 Samueli 8:9 - Baibuli Ekibono kya Katonda 2014

⁹ Kale ni wulirisa kye bali kukukoba. Aye balabule bukalamu ku nsambo kyabazinga y'aja okubabisangamu.”

1 Samueli 8:9 ပူးပေါင်းရင်းမြစ်များ

Yeremia 11:7

kuba bwe natoola badhaadha baibwe mu nsi Misiri, nabalabuliragho irala okumpuliranga. Era nkaabalabula ni ye buli eno aghazira kukoogha naire.

Ezekieli 3:18

Bwe nkoba omuntu omukozi w'ebibi nti, ‘Bwenebwene oidha kufa,’ aye iwe n'otalabula muntu oyo kuva mu bibi bye asobole okuwonia obulamu bwe, omuntu oyo alifiira mu bibi bye. Aye omusango ogw'okufa kwe ndiguta ku iwe.

Ezekieli 46:18

Era kyabazinga taatoolenga itaka lya bantu bandi n'alibabingamu. Eitaka ly'anaaghangaku abaana be liidha kubanga eryo lye yafuna ng'obusika bwe. Olwo alobe kutuntuzanga bantu bange ng'ababinga mu itaka lyaibwe.”

1 Samueli 10:25

Samueli yainhonhola abantu ebyo kyabazinga by'ali n'okukolera abantu, n'ebyo abantu beene bye bali n'okukolera kyabazinga oyo. Ebintu ebyo yaabighandiika mu kitabo, yaabita mu maiso ga Musengwa Katonda. Agho Samueli yaasiibula abantu boonaboona, buli muntu yairayo ewaibwe.

1 Samueli 12:1

Agho Samueli yaakoba Abaisiraeli boonaboona ati: “Mubone eno, nkoze byonabyona bye mwansaba, naabateeragho kyabazinga ow'okubafuga.

1 Samueli 14:52

Ghaabangagho okulwanagana okw'amaani n'Abafilisiti, ekiseera kyonakyona kyabazinga Saulo kye yamala nga mulamu. Era Saulo buli lwe yabonanga omuntu ow'amaani oba aziramu ntete, ng'amwingiza mu igye lye.

1 Samueli 2:13

Ensambo bakabona abo ye baabisangamu abantu yali eti: omuntu bwe yaghangayo omusengo, omugheereza wa kabona ng'aidha nga bakaafumba emamba, ng'agemye wuuma ey'amaino asatu,

1 Samueli 8:8

Nga bwe babairenga beebisa eri nze, okuviira irala lwe nabatoola mu Misiri okutuusa n'olwaleero, nga banvaaku baagheereza emisambwa, n'iwe weena bwe bali kukwebikizaaku.