1 Samueli 8:8 - Baibuli Ekibono kya Katonda 2014

⁸ Nga bwe babairenga beebisa eri nze, okuviira irala lwe nabatoola mu Misiri okutuusa n'olwaleero, nga banvaaku baagheereza emisambwa, n'iwe weena bwe bali kukwebikizaaku.

1 Samueli 8:8 ပူးပေါင်းရင်းမြစ်များ

Zabbuli 78:8

Balobe kuba ng'oti ni badhaadha baibwe, ab'oluse olw'empwitu era oludheemu oluse olw'abantu ab'emyoyo egitaagumira ku Katonda era abaalekera agho okumwikiriza.

Okuvaayo 16:3

“Nguli Musengwa Katonda yatwitira mu Misiri ye twatyamanga ku nsaka edh'emamba ni ku biiwulo eby'emere, ni tulya ni twiguta, ekyo n'ekyandisinzeeku imwe okutuleeta mu irungu lino twenatwena tulambukire muno endhala.”

Okuvaayo 17:2

Kale beemuluguunhiza Musa nga bamukanda bati: “Ife tufunire amaadhi ag'okunhwa.” Musa yaabairamu ati: “Lwaki muneemuluguunhiza? Lwaki muleba Musengwa Katonda.”

Okuvaayo 32:1

Abantu bwe baabona nga Musa alwire okuniinuka okuva ku lusozi, beesoloza baidha ye Aaroni, baamukoba bati: “Situkiramu otukolere bakatonda abanaatukulemberamu. Ono omusaadha Musa eyatutoola mu Misiri titwidhi kyamutuukaku.”

Yeremia 34:14

‘Buli ku nkomerero y'emyaka omusanvu, mwidha kulekulanga Baheburayi banaimwe be mwagula ng'abairu, babe ba idembe, nga bamaze okubagheereza okumala emyaka omukaaga.’ Aye badhaadha baimwe abo baaloba kumpulirisa waire okugondera kye nabakoba.

Ezekieli 2:3

nga gakoba gati: “Iwe omuntu, ndi kukutuma y'Abaisiraeli, eighanga eryo ery'abadheemu. Abantu abo banvaaku baakola ebibi ye ndi ng'oti ni badhaadha baibwe bwe baakola, era bakandheemera ni ye buli eno.

Okubala 16:41

Ku lunaku olwairirira, abantu boonaboona beemuluguunhiza Musa ni Aaroni, nga bakoba bati: “Mwaise abantu ba Musengwa Katonda!”

Amateeka Agokubiri 9:24

Mubaire mudheemeranga Musengwa Katonda okuviira irala lwe nabamanha.

Abalamuzi 13:1

Agho Abaisiraeli kabiri baayonoona ye Musengwa Katonda. Musengwa Katonda yaabaleka okufugibwa Abafilisiti okumala emyaka amakumi ana.

Abalamuzi 2:20

Agho obusungu bwa Musengwa Katonda bwatumbukira ku Baisiraeli ng'oti muliro, yaakoba ati: “Abantu ab'eighanga lino bamenhie endagaano ye nalagira badhaadha baibwe okukuumanga, era tibakampulira naire.

Abalamuzi 4:1

Ehudi bwe yamala okufa, Abaisiraeli bairamu kabiri okwonoona ye Musengwa Katonda.

Abalamuzi 6:1

Agho Abaisiraeli kabiri baayonoona ye Musengwa Katonda. Musengwa Katonda yaaleka Abamidia okubafuga okumala emyaka musanvu.

1 Samueli 8:7

Musengwa Katonda yaamwiramu ati: “Wulirisa ebintu byonabyona abantu bye bali kukukoba, kuba ti niiwe ye balobye, aye ninze ye balobye okuba kyabazinga waibwe.

1 Samueli 8:9

Kale ni wulirisa kye bali kukukoba. Aye balabule bukalamu ku nsambo kyabazinga y'aja okubabisangamu.”