1 Samueli 8:7 - Baibuli Ekibono kya Katonda 2014

⁷ Musengwa Katonda yaamwiramu ati: “Wulirisa ebintu byonabyona abantu bye bali kukukoba, kuba ti niiwe ye balobye, aye ninze ye balobye okuba kyabazinga waibwe.

1 Samueli 8:7 ပူးပေါင်းရင်းမြစ်များ

Okuvaayo 16:8

Era Musa yaabakoba ati: “Ogw'eigulo Musengwa Katonda aidha kubagha emamba ey'okulya, era enkyo abaghe emere mulye mwigute, kuba Musengwa Katonda oyo awuliire bye mumwemuluguunhiamu. Bwe mwemuluguunhia muba timuli kukoba ife, aye muba muli kukoba Musengwa Katonda, kuba katyo ife niife baani?”

Isaia 66:4

Kale zeena ndibasindikira ebyo byene bye batya ebibaleetera obulumi kuba bwe nayeta ghazira waire omulala ati eyavugira, era bwe nayogera ghazira yafaayo kuwulira. Aye baakola bwa bibi ye ndi, baalondagho okukola ebitansangaaza.”

Yeremia 34:14

‘Buli ku nkomerero y'emyaka omusanvu, mwidha kulekulanga Baheburayi banaimwe be mwagula ng'abairu, babe ba idembe, nga bamaze okubagheereza okumala emyaka omukaaga.’ Aye badhaadha baimwe abo baaloba kumpulirisa waire okugondera kye nabakoba.

Ezekieli 2:3

nga gakoba gati: “Iwe omuntu, ndi kukutuma y'Abaisiraeli, eighanga eryo ery'abadheemu. Abantu abo banvaaku baakola ebibi ye ndi ng'oti ni badhaadha baibwe bwe baakola, era bakandheemera ni ye buli eno.

Ezekieli 3:7

Aye ab'eighanga lya Isiraeli tibaidha kukuwulirisa, kuba tibenda kuwulira nze bye mbakoba, olw'okuba ba mpwitu era baakalanguka emyoyo.

Okubala 22:20

Obwire obwo Katonda yaidha yaakoba Balaamu ati: “Oba nga abantu abo baidhie kukweta, situka oje nabo. Aye kye nnaakukoba okukola kyonka ky'onaakola.”

Matayo 10:40

“Asangaalira imwe, aba asangaaliire nze ate asangaalira nze aba asangaaliire ole eyantuma.

Luka 10:16

“Awulira imwe aba awuliire nze; aloba okubawulira aba alobye kuwulira nze; ate aloba okuwulira nze aba alobye kuwulira ole eyantuma.”

Luka 19:14

Aye abantu ab'omu nsi ye, baali nga baamukyagha, era baagheereza abakwenda abaamuva einhuma okukoba bale ye yali ali kuja bati tibenda oyo abafuge.

Luka 19:27

Ate abo abazigu bange abataayenda mbafuge, mubaleete ghano mubaite nga mbona.’ ”

Yoanne 13:16

Bwenebwene ka mbakobere: omwiru tasinga Musengwa we, era omutume tasinga oyo amutuma.

Abalamuzi 8:23

Gideoni yaabairamu ati: “Nze tija kubafuganga, waire mutabane wange. Musengwa Katonda n'anaabafuganga.”

1 Samueli 10:19

Aye olwaleero muviire ku Katonda waimwe abawonia ebibamba n'ebizibu ebibagwira. Era munkobye mbateeregho kyabazinga abafuge. Kale ni, buti mwesoloze nga muli munda dhaimwe ni mu bika byaimwe.’ ”

1 Samueli 12:1

Agho Samueli yaakoba Abaisiraeli boonaboona ati: “Mubone eno, nkoze byonabyona bye mwansaba, naabateeragho kyabazinga ow'okubafuga.

1 Samueli 12:12

Aye bwe mwabona nga kyabazinga Nahashi ow'Abammoni ali kwidha okubalumba, mwaloba Musengwa Katonda waimwe okuba kyabazinga waimwe. Mwankoba muti, ‘Twenda kyabazinga n'abe atufugenga.’

1 Samueli 8:22

Era Musengwa Katonda yaamwiramu ati: “Kola kye bali kwenda, obateeregho kyabazinga.” Agho Samueli yaakoba abantu ati: “Kale, buli muntu aireyo ewaibwe.”

1 Samueli 8:8

Nga bwe babairenga beebisa eri nze, okuviira irala lwe nabatoola mu Misiri okutuusa n'olwaleero, nga banvaaku baagheereza emisambwa, n'iwe weena bwe bali kukwebikizaaku.