1 Samueli 8:5 - Baibuli Ekibono kya Katonda 2014

⁵ Baamukoba bati: “Bona eno, buti okairiighe, ate batabane bo tibeebisa mu nsambo iwe ye weebisaamu. Mperaano ni, tulondere kyabazinga atukulemberenga, tube ng'oti n'amaghanga agandi goonagoona bwe gali.”

1 Samueli 8:5 ပူးပေါင်းရင်းမြစ်များ

Okubala 23:9

Mbabona nga ndi ku ngulu ku nsozi enene, naabalengera nga ndi ku busozi obutono. Abantu abo bali eighanga eriba lyonka, eighanga eriteetabula na maghanga gandi.

Ebikolwa by'Abatume 13:21

Agho baasaba okugheebwa kyabazinga, Katonda yaabagha Saulo mutabane wa Kishi ow'omu kika kya Benjamini, yaabafugira emyaka amakumi ana (40).

Abalamuzi 8:22

Agho Abaisiraeli baakoba Gideoni bati: “Tufugenga, iwe mwene, ni batabane bo, n'abaidhukulu bo, kuba otuwoniiza Abamidia.”

1 Samueli 10:19

Aye olwaleero muviire ku Katonda waimwe abawonia ebibamba n'ebizibu ebibagwira. Era munkobye mbateeregho kyabazinga abafuge. Kale ni, buti mwesoloze nga muli munda dhaimwe ni mu bika byaimwe.’ ”

1 Samueli 12:13

“Mperaano ni, mubone, kyabazinga ye mulonze wuuyo. Mwasaba kyabazinga, era wuuyo Musengwa Katonda amubaghaire okubafuga.

1 Samueli 12:17

Ekiseera kino kya makungula ga ngaano. Aye nja kweghemba Musengwa Katonda aleetegho okutyabuka kw'olukuba era agwise n'amaadhi, memale mumanhe ng'ekibi kyaimwe kye mwakola ye Musengwa Katonda kinene, eky'okumusaba kyabazinga.”

1 Samueli 12:2

Mperaano wuuyo aidha kubakulemberanga. Nze ndi mukaire ow'envu, era mubona batabane bange abali n'imwe. Nze mbakulembeire okuva nga ndi mwisuka okutuusa ni ye buli eno.

1 Samueli 9:20

N'endogoyi dhire edhimaze enaku eisatu nga dhibuze, otadheeraliikirira, kuba dhimaze okuboneka. Aye Abaisiraeli boonaboona naani ye bayayaanira einho? Ti niiwe, n'ab'omu ndhu ya lata wo yoonayoona?”