1 Samueli 8:19 - Baibuli Ekibono kya Katonda 2014

¹⁹ Aye abantu baaloba kuwulirisa Samueli bye yabakoba, era baakoba bati: “Busa! Ife twidha kuba ni kyabazinga anaatufuganga,

1 Samueli 8:19 ပူးပေါင်းရင်းမြစ်များ

2 Bakyabazinga 21:9

Aye abantu baaloba kugondera Musengwa Katonda, era Manasse yaabasendasenda yaabaleetera okukola ebibi okusinga n'abantu abamaghanga agandi bye baakola, Musengwa Katonda be yazikiriza ng'Abaisiraeli bali kumpi okutuuka yo.

Zabbuli 81:11

Aye abantu bange baaloba okumpulira! Isiraeli yaaloba okukolagana ninze!

Zabbuli 81:12

Kale n'okubaleka bajiire ku ebyo emyoyo gyaibwe emidheemu bye gibalagira, beebise nga beene bwebalowooza.

Isaia 66:4

Kale zeena ndibasindikira ebyo byene bye batya ebibaleetera obulumi kuba bwe nayeta ghazira waire omulala ati eyavugira, era bwe nayogera ghazira yafaayo kuwulira. Aye baakola bwa bibi ye ndi, baalondagho okukola ebitansangaaza.”

Yeremia 44:16

“Ife tulobye, titwenda kuwulira by'oli kutukoba mu liina lya Musengwa Katonda.

Yeremia 7:13

Mukoze ebibi ebyo byonabyona emikuzi kamaala nga mbalabulanga aghazira kukoogha naire, aye mwaloba kuwulira, era naabeeta aye mwaloba kuvugira.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Amateeka Agokubiri 17:14

Musa yaakoba Abaisiraeli ati: “Bwe mulimala okutuuka mu nsi Musengwa Katonda waimwe y'aja okubagha, ni mugitwala era ni mu gityamamu, kisoboka okuba nga mulyetaaga okutaagho kyabazinga abafuge ng'oti n'amaghanga agandi goonagoona agaliba nga gabeezungulwire.

1 Samueli 12:12

Aye bwe mwabona nga kyabazinga Nahashi ow'Abammoni ali kwidha okubalumba, mwaloba Musengwa Katonda waimwe okuba kyabazinga waimwe. Mwankoba muti, ‘Twenda kyabazinga n'abe atufugenga.’