1 Samueli 8:18 - Baibuli Ekibono kya Katonda 2014

¹⁸ Mu kiseera ekyo mulirira olwa kyabazinga waimwe, beene ye mwerondera, aye Musengwa Katonda talibairamu.”

1 Samueli 8:18 ပူးပေါင်းရင်းမြစ်များ

2 Ebyomubyanda 10:11

Kale ni oba nga lata wange yabataaku ekikoligo ekizito, nze ndidha kukyongeraku obuzito. Era oba nga lata wange yabakangaivulanga ng'abakubisa enkoba edhabuliidho, nze ndidha kubakangaivulanga nga mbakubisa enkoba edhiriku obusuna!’ ”

Yobu 27:8

Atatya Katonda kiki ky'asuubirayo, nga Katonda amukomiiza yaamutoolaku obulamu?

Yobu 27:9

Bw'aliba mu buzibu, Katonda aliwulira okulira kwe?

Zabbuli 18:41

Baalira nga benda okubabeera aye ghaabula abawonia; baalirira Musengwa Katonda aye yaaloba kubavugira.

Ensambo 21:13

Ole aloba okuwulirisa omwavu ng'ali kumulirira, yeena lw'alirira tibalimuwulirisa.

Isaia 1:15

Agho ni, bwe munaayandhuluzanga emikono gyaimwe nga muneeghemba, tiidhanga kubalingaku; ni bwe munansabanga einho mutya, tiidhanga kubawulirisa; kuba engalo dhaimwe dhisaabaine musaayi.

Isaia 59:1

Mutalowooza muti amaani ga Musengwa Katonda gaakoma, yaaba nga takaasobola kubalokola. Oba okulowooza muti amatu ge gaasemba, gaaba nga tigakaabawulira, nga muli kumweta okubayamba.

Isaia 8:21

Era baidha kuyengeeteranga mu nsi nga beeraliikirivu inho, era nga balumwa endhala. Ng'endhala eri kubaluma, baidha kwesinwanga bakolime kyabazinga waibwe ni Katonda waibwe. Ni bwebaliringa ghaigulu batya,

Ezekieli 8:18

Kale ni ndibakolaku n'ekiruyi ekindiku. Tirisaasiraku naire omulala ati oba okumugemerwa ekivunika. Era ni bwe balinsaba nga baleekaanira ghaigulu, tija kubawulira naire.”

Mika 3:4

Aye ekiseera kiri kwidha, mulirire Musengwa Katonda, aye alobe kubafaaku. Mumusabe, aye alobe kubakolera kye muli kumusaba. Kuba ebikolwa byaimwe bibi.

Luka 13:25

Mwenemu bw'alimala okusituka n'asibagho olwigi, imwe mulyemerera ku luya mwatoolera okukonkona ku lwigi nga mukoba muti, ‘Musengwa, twiguliregho.’ Alibairamu ati, ‘Tibaidhi! Muva gha?’

1 Samueli 8:17

Aidha kutwalanga ensolo ndala ku buli nsolo dhaimwe eikumi dhe munaayayanga, era mwidha kubanga bairu be.