1 Samueli 7:17 - Baibuli Ekibono kya Katonda 2014

¹⁷ Bwe yamalanga, yairayo e Rama, n'eyabanga amaka ge. Era eyo yoona yaalamulirangayo Abaisiraeli, era yaazimbirayo Musengwa Katonda alutaari.

1 Samueli 7:17 ပူးပေါင်းရင်းမြစ်များ

Amainhama 33:20

Yaazimbagho alutaari, yaagituuma eriina Eli Elohe Isiraeli.

Amainhama 35:7

Yaazimba agho alutaari, ekifo ekyo yaakituuma eriina Eli Betheli, kuba agho Katonda ghe yamweyolekera, ng'ali kulumuka muganda we.

Isaia 10:29

Bamaze okubita aghaingirirwa, baaja baasula e Geba. Ab'omu kibuga Rama bali kudhugumira olw'okutya, ab'omu kibuga kya kyabazinga Saulo eky'e Gibea balumwike.

Abalamuzi 4:5

Yaatyamanga ghansi mu muti omunaazi ogwayetebwanga ogwa Debora, ogwalinga ghagati gha Rama ni Betheli, mu kiketezo eky'ensozi ekya Efuraimu. Abaisiraeli baajanga eyo y'ali okubasalira emisango.

Abalamuzi 6:24

Gideoni yaazimbira Musengwa Katonda alutaari mu kifo ekyo, yaagituuma eriina: “Musengwa Katonda oyo n'emiraala.” N'okutuusa mpegaano alutaari eyo ekaali mu Ofura ekya Ababiezeri.

1 Samueli 1:1

Ghaaligho omusaadha ye baayetanga Elukana eyabanga mu Ramathaimu Zofimu mu biketezo bya Efuraimu eby'ensozi. Elukana oyo yali mutabane wa Yerohamu. Yerohamu oyo yali mutabane wa Elihu. Elihu oyo yali mutabane wa Tohu. Ate Tohu oyo yaaba mutabane wa Zufa Omuefuraimu.

1 Samueli 1:19

Bwe bwakya enkyo Elukana n'ab'omu ndhu ye baasinza Musengwa Katonda. Bwe baamala bairayo mu maka gaibwe e Rama. Agho Elukana yaaba ni mukazi we Hanna mu buliri, era Musengwa Katonda yaidhukira Hanna oyo.

1 Samueli 11:15

Kale boonaboona baaja e Giligali, era nga bali eyo mu maiso ga Musengwa Katonda, baalangirira Saulo nga ni kyabazinga. Baagheerayo eyo emisengo egy'ebigheebwayo olw'okutabagana, era Saulo n'abantu boonaboona baasagamba inho nga bali eyo.

1 Samueli 14:35

Saulo yaazimbira agho Musengwa Katonda alutaari. Eyo n'alutaari Saulo oyo ye yasooka okuzimbira Musengwa Katonda.

1 Samueli 15:34

Agho Samueli yaaja e Rama, ni Saulo yeena yaaja mu maka ge e Gibea ekya Saulo.

1 Samueli 2:11

Agho Elukana yairayo eka. Omulenzi yaasigala ng'agheereza Musengwa Katonda, nga Eli n'amulabirira.

1 Samueli 28:3

Mu kiseera ekyo Samueli yali amaze okufa, nga n'Abaisiraeli boonaboona bamaze okumulira n'okumuziika e Rama mu kibuga kye. Era Saulo yali amaze okubinga abalaguzi n'abasamize mu Isiraeli.

1 Samueli 8:4

Agho abakulu b'ebikunsu mu Isiraeli beesoloza baaja ye Samueli e Rama.

1 Samueli 9:12

Abaghala baabairamu bati: “Aliyo, era wuuyo abakulembeiremu. Mwangugheku mumwagaane, yaakatuuka mu kibuga, kuba olwaleero abantu baja kughaayo omusengo mu kifo ekigulumivu eky'okusinzizaamu.