1 Samueli 7:14 - Baibuli Ekibono kya Katonda 2014

¹⁴ N'ebibuga byonabyona Abafilisiti bye baali banhaze ku Baisiraeli, ebiri ghagati gha Ekuroni ni Gathi, byairira Abaisiraeli. Kale Isiraeli yeiriza ebiketezo byayo byonabyona, era ghaabaagho emiraala ghagati gh'Abaisiraeli n'Abamori.

1 Samueli 7:14 ပူးပေါင်းရင်းမြစ်များ

1 Ebyomubyanda 18:1

Ebyo bwe byawa, Daudi kabiri yaalwana n'Abafilisiti yaabaghangula, era yaabanhagaku ekibuga Gathi n'obubuga obukyezungulwire.

Zabbuli 106:34

Baaloba okuzikiriza abamaghanga agandi, nga Musengwa Katonda bwe yabalagira,

Okubala 13:29

Twabona nga Abamaleki baba mu kiketezo kyayo ekikalukalu eky'oku luuyi olw'omukono omusaadha olw'e buvandhuba, Abahitti n'Abayebusi n'Abamori, baaba mu kiketezo kyayo eky'ensozi, ate Abakanaani baaba ku mbali okw'enhandha, ni ku mbali okw'omwiga Yorudani.”

Amateeka Agokubiri 7:16

Muzikirizenga amaghanga goonagoona Musengwa Katonda waimwe g'anaabatanga mu ngalo, era mutagagemerwanga kivunika. Mutasinzanga bakatonda baago, kuba ekyo kisobola okubafuukira imwe omutego.

Amateeka Agokubiri 7:2

Musengwa Katonda waimwe bw'alita abantu abo mu ngalo dhaimwe ni mu baghangula, muteekwa okubasaaniagho boonaboona. Mutakolanga nabo ndagaano waire ndala eti, era mutabagemerwanga kivunika naire.

Yoshua 10:5

Agho bakyabazinga abo abataanu Abamori: owa Yerusalemu, owa Heburoni, owa Yaramuthi, owa Lakishi n'owa Eguloni, beesoloza, baata amagye gaibwe ghalala okwezungulula Gibeoni era baakirumba.

Yoshua 15:11

yaaja ku lusozi Ekuroni ng'erubita ku luuyi lwene olwo, kabiri yaakyuka okutuuka e Shikkeroni, yaaja yaabisa olusozi Baala, yaabita ku Yabuneeli, yaakoma ku Nhandha Eyaghagati.

Abalamuzi 4:17

Aye Sisera yaalumuka na bigere, yaatuuka ku weema ya Yaeli muka Heberi Omukeni kuba ghaaligho emiraala ghagati gha kyabazinga Yabini ow'e Hazori n'ab'endhu ya Heberi.