1 Samueli 6:5 - Baibuli Ekibono kya Katonda 2014

⁵ Kale ni mukole ebiwumbe ebifaanana ng'oti n'ebizimba byaimwe n'ebindi ebifaanana ng'oti n'empube dhaimwe edhiri kwitaitana ensi. Olwo mwise ekitiisa mu Katonda wa Isiraeli, memale katyo oba anaalekera agho okubabonereza imwe, n'emisambwa gyaimwe, era n'ensi yaimwe.

1 Samueli 6:5 ပူးပေါင်းရင်းမြစ်များ

1 Ebyomubyanda 16:28

Imwe abantu ab'ensi dhoonadhoona musaake Musengwa Katonda, mwatule nga Musengwa Katonda bw'ali ow'ekitiisa era ow'obukumu.

1 Ebyomubyanda 16:29

Mughe eriina lya Musengwa Katonda ekitiisa ekirigwaniire; mwidhe mu maiso ge era mumuleetere ebigheebwayo. Musinze Musengwa Katonda mu butukuvu bwe,

Zabbuli 18:44

Olwampuliraku bati, baatoolera okugondera ebiragiro byange, abamaghanga agandi baidha ye ndi nga baavula bwavule.

Zabbuli 32:4

Wambonerezanga omusana n'obwire, amaani gampweramu irala ng'oti n'ebisimbe bwe bikala okw'endoboozi.

Zabbuli 39:10

Ntoolaaku obulwaire buno, mbulaku bwa katono okufa olw'omukono gwo okunkuba einho.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Okuvaayo 12:12

kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Okuvaayo 8:17

Baakola batyo Aaroni yaakuba n'omwigo gwe enkungu eyali ghansi ku itaka, obudhuuni bweyugha ku bantu ni ku nsolo. Enkungu yoonayoona eyali ghansi ku itaka woonawoona mu Misiri yaafuuka budhuuni.

Okuvaayo 8:24

Era atyo Musengwa Katonda bweyakola yaabasindikira ebikuukuulu eby'ensowera byaidhula mu ndhu ya kyabazinga, ni mu ndhu edh'abakungu be. Ensowera dhaidhula ensi yoonayoona Misiri era ensi eyo yaafafaagana olw'ensowera edho.

Okuvaayo 8:5

Musengwa Katonda yaakoba Musa ati: “Koba Aaroni oti, ‘Golola omukono gwo ogugemye omwigo gwo, ogwolekeze emiiga, emyala n'ebidiba, obireetere okuvaamu ebikere biidhule ku nsi yoonayoona Misiri.’ ”

Isaia 19:1

Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Isaia 42:12

Abo abali mu biketezo eby'oku nhandha leka basaake Musengwa Katonda, era bamuteemu ekitiisa.

Yeremia 13:16

Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Yeremia 3:13

Aye mwikirize nga muli n'omusango olw'okudheemera nze Musengwa Katonda waimwe, ni mweghaayo okusinza bakatonda abagwira buli ghansi mu kinsense eky'omuti omuzibirivu. Era mwaloba kumpulira na kugondera biragiro byange. Nze Musengwa Katonda, ninze nkobye.

Yoeli 2:25

Ndibairizaagho bye mwafiirwa ebyaliibwa ebikuukuulu n'ebikuukuulu eby'enzige edhaidha, nze mwene dhe nasindika okubalumba ng'eigye eryange eikologho.

Yona 3:9

Tomanha, oba katyo Katonda asobola okukyusa ekirowoozo kye, yaalekera okusungughala ekibitiriire, yaaloba kutuzikiriza.’ ”

Malaki 2:2

Muli n'okuntaamu ekitiisa. Aye ekyo bwe munaaloba okukitaaku omwoyo, ndibasindikira ekikolimo, n'edhandibaire enkabi dhoona naadhireetera okufuuka ebikolimo. Mu butuufu ekyo namala ira n'okukikola, kuba ekiragiro kyange timukitaaku mwoyo.

Okubala 33:4

Baalekanga ng'Abamisiri bali kuziika abaana baibwe ababeri, Musengwa Katonda be yaita n'ayoleka nga bw'ali n'obuyinza okusinga emisambwa gyaibwe.

Yoanne 9:24

Kabiri baayeta omusaadha eyabanga omutulu baamukoba bati: “Mu ga Katonda yogera ekituufu twidhi ng'omusaadha oyo mukozi wa bibi!”

Yoshua 7:19

Yoshua kyeyava naakoba Akyani ati: “Mwana wange, yogera amazima mu maiso ga Musengwa Katonda, Katonda wa Isiraeli weenenie. Nkobera kye wakola otakingisa.”

Okwolekebwa 11:13

Mu kaseera ako keene, ghaabaagho musisi ow'amaani. Ekitundu kirala ku bitundu eikumi eby'ekibuga kyazikirira, n'abantu kasanvu (7,000) baafiira mu musisi oyo. Abantu abaawonagho baatya inho, era baasaaka ekitiisa kya Katonda ow'eigulu.

Okwolekebwa 14:7

Yaayogera n'amamiro ag'amaani ati: “Mutyenga Katonda mumusaake, kuba ekiseera kye eky'okusaliramu omusango kituuse. Mumusinze oyo eyatonda eigulu n'ensi, n'enhandha, n'ensulo.”

Okwolekebwa 16:9

Abantu baayokebwa n'omuliro ogw'amaani einho, baavuma eriina lya Katonda ali n'obuyinza ku bibamba ebyo, era baaloba kwenenia na kumusaaka.

1 Samueli 5:11

Agho baatuma, baayeta abafuzi ab'Abafilisiti boonaboona, baabakoba bati: “Mwizeeyo Esanduuku ey'Endagaano ya Katonda wa Isiraeli mu kifo kyayo y'eba, erobe kutwita ife n'abantu baife.” Ghaaligho okutya einho ekibitiriire mu kibuga kyonakyona, kuba Katonda yali ali kubabonereza inho.

1 Samueli 5:9

Aye olwagituusa e Gathi bati, Musengwa Katonda yaatoolera okubonereza ekibuga ekyo. Yaabaleetera okutya einho, era yaabasindikira okulwala ebizimba byabafukumukaku boonaboona, abakulu n'abato.

1 Samueli 6:8

Memale mute Esanduuku ey'Endagaano ya Musengwa Katonda ku kigaali ekyo. N'ebiwumbe bire ebya zaabu, bye muli kugheereza Musengwa Katonda bibe ekigheebwayo ng'omutango, mubite mu sanduuku eyindi, mugiriinaanie Esanduuku ya Musengwa Katonda. Olwo musame ente dhighaluze ekigaali, mudhireke Esanduuku ya Musengwa Katonda eje y'eyenda.