1 Samueli 6:17 - Baibuli Ekibono kya Katonda 2014

¹⁷ Bino n'ebiwumbe ebyakolebwa nga bifaanana ng'oti bizimba, Abafilisiti bye baagheereza Musengwa Katonda bibe ekigheebwayo ng'omutango: ekirala olw'ekibuga Ashidodi, ekindi olw'ekibuga Gaza, n'ekindi olw'ekibuga Ashikeloni, n'ekindi olw'ekibuga Gathi, era n'ekindi olw'ekibuga Ekuroni.

1 Samueli 6:17 ပူးပေါင်းရင်းမြစ်များ

2 Samueli 1:20

Mutakikoberaku bantu b'e Gathi, waire okukisansaania mu nguudo edh'e Ashikeloni; kuba mwidha kuleetera baghala b'Abafilisiti okusagamba, olwo muleetere baghala b'abantu abo abatali bakekete okutuumira ghaigulu olw'eisanhu.

2 Samueli 21:22

Abo abana baali ba ku lulyo olw'abantu abawaigufu abaali e Gathi, era Daudi n'abasaadha be n'abaabaita.

2 Bakyabazinga 1:2

Agho kyabazinga Ahazia owa Isiraeli, yaaghanuka ku lubalaza olwa ghaigulu ku ndhu ye, mu kisaagaati kye mu Samaria, yagwa ghansi yeerumiriza inho. Kale yaatuma abakwenda ng'abakoba ati: “Muje mwebuuze ku musambwa Baalizebubu ogw'e Ekuroni, mmanhe oba nga nnaawona.”

2 Ebyomubyanda 26:6

Uzzia oyo yaaja yaalumba Abafilisiti, yaabalwanisa, yaamenhagho ebimante eby'oku bibuga, Gathi, ni Yabune, ni Ashidodi. Era yaazimba ebibuga mu biketezo by'e Ashidodi, n'aghandi mu nsi y'Abafilisiti.

Yeremia 25:20

abasenze boonaboona abaali mu Misiri, ni bakyabazinga ab'omu nsi Uzi, ni bakyabazinga boonaboona ab'omu bibuga eby'Abafilisiti eby'e Ashikeloni, n'e Gaza, n'e Ekuroni, n'abandi abasigairegho ab'e Ashidodi

Abalevi 5:7

Aye omuntu oyo bw'anaabanga nga tasobola kughaayo ntaama oba mbuzi, olw'okuba ow'entoola ghatono, anaaleetanga enhonhi dhino eri Musengwa Katonda dhaaba ekigheebwayo ng'omutango olw'omusango gw'aiziiza: amaghemba abiri oba enjiibwa ibiri enhonhi eyindi ng'ekigheebwayo olw'ebibi, ate eyindi ng'ekigheebwayo ekyokebwa.

Amosi 1:6

Musengwa Katonda akoba ati: “Abantu ab'e Filisitia bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba nga banhage, baabatunda mu Edomu babe abairu.

Amosi 6:2

Muje mukyalireku ekibuga Kalune. Era mukyalireku ni Hamathi ekikologho, era mutuukeku ni mu ky'e Gathi eky'abafilisiti. Ebibuga ebyo n'ebisinga obwakyabazinga bwa Isiraeli n'obwa Yuda mu bulungi n'obugazi?

Amateeka Agokubiri 28:27

Musengwa Katonda aidha kubasindikiranga amabuubuuto nga ge yalwaza Abamisiri. Abalwaze n'amabwa, n'ebizimba, n'omubiri okusiigha. Ebyo byonabyona nga tibiwona.

Abalamuzi 1:18

Era ab'ekika kya Yuda abo baaghangula n'ebibuga bino: Gaza, ni Ashikeloni, ni Ekuroni, ghalala n'ebiketezo ebibyezungulwire.

Abalamuzi 14:19

Agho omwoyo gwa Musengwa Katonda gwamwidhaku n'amaani, yaaserengeta mu Ashikeloni, yaitayo abasaadha amakumi asatu, yaabanhagaku ebintu byaibwe, ebivaalo byaibwe eby'oku mbaga yaabitwalira abasaadha abaita ekikoiko kye. Olwo yairayo mu maka ga ise ng'aliku obusungu obubitirivu.

Abalamuzi 16:1

Samusoni yaaja e Gaza, yaabonayo omukazi malaaya, yaaba naye mu buliri.

Abalamuzi 16:21

Abafilisiti baamugema, baamutundulamu amaiso. Era baamutwala e Gaza, baamusibisa endhegere edh'ekyuma eky'ekikomo, baamuta ku mulimo ogw'okuseeranga ku lubengo mu ikomera.

1 Samueli 5:1

Abafilisiti bwe baamala okunhaga Esanduuku ey'Endagaano ya Katonda baagitoola mu Ebenezeri, baagitwala mu Ashidodi.

1 Samueli 5:10

Kale Esanduuku ey'Endagaano ya Katonda baagigheereza mu Ekuroni. Aye olwagituusaayo bati, abantu baayo baaleekaana bati: “Batuleeteire Esanduuku ey'Endagaano ya Katonda wa Isiraeli okutwita ife n'abantu baife!”

1 Samueli 5:8

Kale baatuma abakwenda, baayeta abafuzi ab'Abafilisiti boonaboona. Agho baababuuza bati: “Esanduuku ey'Endagaano ya Katonda wa Isiraeli tugikolere ki?” Bale bairamu bati: “Etwalibwe e Gathi.” Kale baatwala Esanduuku ey'Endagaano ya Katonda e Gathi.

1 Samueli 6:4

Abafilisiti baababuuza bati: “Kigheebwayo ki kye tunaamugheereza ng'omutango?” Baabairamu bati: “Ebiwumbe ebya zaabu bitaanu ebifaanana ng'oti bizimba, n'ebiwumbe ebindi ebya zaabu bitaanu ebifaanana ng'oti mpube, nga mujiira ku bungi obw'abafuzi Abafilisiti kuba ekibamba Katonda kye yasindika ku imwe mwenamwena, n'ekirala ekyo kye yasindika ni ku bafuzi baimwe.