1 Samueli 6:15 - Baibuli Ekibono kya Katonda 2014

¹⁵ Abalevi baabbeeda Esanduuku ey'Endagaano ya Musengwa Katonda, n'esanduuku ere eyali nayo omwali ebiwumbe ebya zaabu, baadhita ku ibaale eryo eikologho. Abantu ab'e Bethi Shemeshi baidha baaghaayo eri Musengwa Katonda ebigheebwayo ebyokebwa n'emisengo, ku lunaku olwo.

1 Samueli 6:15 ပူးပေါင်းရင်းမြစ်များ

Yoshua 15:10

Nga bw'etuuka e Baala eja ng'ekyezungulula, yaakibita e bugwandhuba yaatuuka ku lusozi Seiri, yeeyongerayo yatuuka ku lusozi Yearimu, ng'ekyo ni Kesaloni, yaalubita ku luuyi lwalwo olw'omukono omugooda olw'e buvandhuba. Agho yaaja yatuuka e Bethi Shemeshi, era yaabita ku Timuna,

Yoshua 3:3

“Bwe mubona bakabona nga babbeeda Esanduuku y'Endagaano ya Musengwa Katonda waimwe, musansula weema dhaimwe mwaginonereza.

1 Samueli 6:18

Era baagheereza n'ebiwumbe ebya zaabu ebyakolebwa nga bifaanana ng'oti mpube, nga byagayaga n'obungi bw'ebibuga byonabyona ebyafugibwanga abafuzi b'Abafilisiti abataanu ebyali nga byezungulwirwa ebimante ebigumu, era n'ebyalo ebiziraku bimante. Eibaale eikologho kwe baata Esanduuku ya Musengwa Katonda mu musiri gwa Yoshua ow'e Bethi Shemeshi, likaaligho ni ye buli eno, okukakasa ebyo ebyaligho.