1 Samueli 6:14 - Baibuli Ekibono kya Katonda 2014

¹⁴ Ekigaali kyaidha kyatuuka mu musiri ogw'omuntu ayetebwa Yoshua ow'e Bethi Shemeshi, kyayemerera agho kumpi n'eibaale eikologho. Abantu baayasaaga emiti egy'ekigaali, baaghaayo ente edho ng'ekigheebwayo ekyokebwa eri Musengwa Katonda.

1 Samueli 6:14 ပူးပေါင်းရင်းမြစ်များ

2 Samueli 24:18

Ku lunaku lwene olwo Gadi yaidha yaakoba Daudi ati: “Ja mu kifo aghakubirwa engaano agha Arauna Omuyebusi ozimbire agho Musengwa Katonda alutaari.”

2 Samueli 24:22

Arauna yaakoba kyabazinga ati: “Niiwe Isebantu kyabazinga, toola kyonakyona ky'obona nga kirungi, okigheeyo. Ente dhiidho edh'okughaayo ng'ekigheebwayo ekyokebwa, n'ekiti ekibairenga kikozesebwa okumulungula engaano kiikyo, era n'emiti egibaire egy'ebikoligo by'ente, gikozese ng'enku.

2 Samueli 24:25

Era yaazimbira agho Musengwa Katonda alutaari yaagheerayo ebigheebwayo ebyokebwa n'ebigheebwayo olw'okutabagana. Kale Musengwa Katonda yaabagha bye baasabira ensi era yaalekeza n'ekibamba ekyali kiri kwita abantu mu Isiraeli.

1 Bakyabazinga 19:21

Agho yaasooka yaaleka eby'okunonereza Eliya, yairayo, yaagema ente dhe yali ali kulimisa, yaadhiita. Yaafumba emamba yaadho ng'akozesa ebikoligo byadho ng'enku, yaagigabula abantu baalya. Ebyo bwe byawa, Elisha yaaja yaabanga ewa Eliya ng'amugheereza.

Okuvaayo 20:24

Nzimbira alutaari ey'eitaka era ogheereyo ku alutaari okwo entaama, oba embuzi, oba ente, ng'ekigheebwayo ekyokebwa, era n'ekigheebwayo olw'okutabagana. Mu kifo kyonakyona kye nnaasalangagho okunsinzizaamu, ndidha kwidhanga nkughe enkabi.

Abalamuzi 21:4

Ku lunaku olwairaku ku nkyo, abantu baazimba alutaari, baaghaayo ebigheebwayo ebyokebwa n'ebigheebwayo olw'okutabagana.

Abalamuzi 6:26

Olwo ozimbire Musengwa Katonda wo alutaari ghaigulu ku kigulumo kino, ng'okozesa amabaale agataanhiibwa obukalamu. Era, olwo otoole ente ere eyokubiri ogigheeyo ng'ekigheebwayo ekyokebwa, ng'ogyokesa enku edh'empagi ere eya Ashera y'otemyetemye.”

1 Samueli 11:5

Saulo yali ali kuva mu nimiro, ng'akulembeizaamu ente. Agho yaabuuza ati: “Abantu babaire ki, okutuuka okulira amaziga?” Baamukobera ebyo abantu abaava e Yabeshi bye baayogera.

1 Samueli 20:29

Yankobye ati, ‘Nkweghembye nganha nje, kuba ab'endhu yaife bali n'omukolo mu kibuga ogw'okughaayo omusengo, era muganda wange yankobye obutabulayo. Kale ni bw'oba ng'ongemeirwa ekivunika, ndeka nje mbone baganda bange.’ Isebantu kyabazinga, eyo n'ensonga emuleeteire obutaba ku kiiwulo kyo.”

1 Samueli 6:13

Abantu ab'e Bethi Shemeshi baali nga bali kukungula ngaano mu kiiko. Baaja okusitula amaiso bati, nga babona Esanduuku ey'Endagaano ya Musengwa Katonda. Agho baasagamba inho okugibona.

1 Samueli 6:18

Era baagheereza n'ebiwumbe ebya zaabu ebyakolebwa nga bifaanana ng'oti mpube, nga byagayaga n'obungi bw'ebibuga byonabyona ebyafugibwanga abafuzi b'Abafilisiti abataanu ebyali nga byezungulwirwa ebimante ebigumu, era n'ebyalo ebiziraku bimante. Eibaale eikologho kwe baata Esanduuku ya Musengwa Katonda mu musiri gwa Yoshua ow'e Bethi Shemeshi, likaaligho ni ye buli eno, okukakasa ebyo ebyaligho.